Ssenariy yozuvchilari uchun “Siyosatda yetakchi ayol: oʻrnak boʻladigan inson” mavzusida eng yaxshi video ssenariy tanlovi

Xotin-qizlarning jamiyatdagi rolini oshirish, gender tenglik va oila masalalari boʻyicha respublika komissiyasi BMT Taraqqiyot dasturining Oʻzbekistondagi vakolatxonasi, Buyuk Britaniya Tashqi ishlar va xalqaro taraqqiyot vazirligi bilan hamkorlikda “Siyosat sohasidagi yetakchi ayol: oʻrnak boʻladigan inson” mavzusida ssenariy tanlovini taqdim etadi.

Tanlov maqsadlari quyidagilarga qaratilgan:

• xotin-qizlarning faol siyosiy hayotga qiziqishini oshirish;
• zamonaviy yetakchi ayol obrazini yaratish;
• ijtimoiy faol ayollar, yetakchi ayollar va siyosatchilar haqida jamoatchilikda ijobiy fikrni shakllantirishga koʻmaklashish.

Mazkur videorolik siyosiy partiyalarning xotin-qizlar qanotini 2024-yil oktyabr oyida parlament va mahalliy Kengashlarga boʻlib oʻtadigan saylovlarda faol ishtirok etishga undashi kutilmoqda. Gʻolib boʻlgan ssenariydan mamlakat boʻylab koʻplab ommaviy axborot vositalari va ijtimoiy tarmoqlarda tarqatish maqsadida siyosat sohasidagi yetakchi ayol haqida 3-5 daqiqalik motivatsion video yaratish uchun asos sifatida foydalanish rejalashtirilgan.

Taqdim etilgan ssenariylarni baholash uchun jamiyatning turli qatlamlari, jumladan, mavzular boʻyicha ekspertlar, Xotin-qizlarning jamiyatdagi rolini oshirish, gender tenglik va oila masalalari boʻyicha respublika komissiyasi, Buyuk Britaniya Tashqi ishlar va xalqaro taraqqiyot vazirligi, BMT Taraqqiyot dasturining Oʻzbekistondagi vakolatxonasi vakillaridan tashkil topgan hakamlar hayʼati shakllantiriladi.

Dastur haqida batafsil ushbu havola orqali maʼlumot olish mumkin.

• Tanlovda faoliyat turi va ish tajribasidan qatʼiy nazar, mamlakatimizning barcha hududlaridan istalgan yoshdagi Oʻzbekiston fuqarolari ishtirok etishi mumkin;
• Professional va havaskor ssenariy yozuvchilar ishlari qabul qilinadi;
• Nomzodlar “Siyosat sohasidagi yetakchi ayol: oʻrnak boʻladigan inson” mavzusida video uchun ssenariy yozishlari kerak;
• Ssenariylar oʻzbek yoki rus tillarida boʻlishi lozim.

Taqdim etilgan ishlar quyidagi mezonlar orqali baholanadi:

• Mavzuga aloqadorligi;
• Dolzarbligi va ijtimoiy ahamiyati;
• Syujet taqdimotidagi oddiylik va tushunarlilik;
• Hikoyaning mantiqiyligi va izchilligi, gender stereotiplarining yoʻqligi;
• Ijodiy yondashuv;
• Nomining oʻziga jalb etuvchanligi;
• Personajlarning yorqinligi va oʻziga xosligi;
• Syujetning yorqinligi va oʻziga xosligi;
• Innovatsionlik;
• Davomiyligi 3 dan 5 daqiqagacha.

Muhim: Tanlovda hakamlar hayʼati aʼzolari, tashkilotchilar, homiylar va ularning oila aʼzolari ishtirok eta olmaydi.

Gʻoliblar quyidagi tartibda taqdirlanadi:

• 1-oʻrin – noutbuk;
• 2-oʻrin – planshet;
• 3-oʻrin – elektron kitob (elektron kitob oʻqish qurilmasi).

Gʻolib ssenariy OAV va ijtimoiy tarmoqlarda tarqatiladigan video uchun asos sifatida ishlatiladi.

Ishtirokchining arizasida quyidagi maʼlumotlar/hujjatlar boʻlishi kerak:

• Ishtirokchining toʻliq ismi;
• Pasport yoki ID-karta nusxasi;
• Telefon raqami;
• Elektron pochta manzili.

Yuqoridagi sanab oʻtilgan barcha maʼlumotlar/hujjatlar ssenariy bilan birga 2024-yil 17-mart soat 23:59 dan kechiktirmay gender.equality.undp@gmail.com elektron pochtasiga yuborilishi shart.

Dasturga ariza topshirish uchun oxirgi muddat: 17-mart, 2024-yil (23:59);

Quyidagi ijtimoiy tarmoqlar orqali qoʻshimcha maʼlumot olish mumkin:

• Facebook;
• Instagram;
• Twitter;
• YouTube.