Stanford universitetida magistratura va PhD bosqichlari uchun toʻliq moliyalashtiriluvchi Knight-Hennessy Scholars granti

AQShdagi eng nufuzli universitetlaridan biri Stanford universiteti magistratura va PhD bosqichlari uchun toʻliq moliyalashtiriluvchi 3 yillik Knight-Hennessy Scholars grantini taqdim etadi. Dastur ishtirokchilari Knight-Hennessy Scholars (KHS) hamjamiyati aʼzosi sifatida turli fanlar va madaniyatlarni oʻrganish orqali oʻzlarining tajribasini yanada rivojlantiradilar. Bundan tashqari, ular King Global Leadership Program (KGLP) dasturida ham qatnashadilar hamda iqlim oʻzgarishi, sogʻliqni saqlash, hukumat, siyosat va taʼlim kabi dunyo oldida turgan muhim muammolarni oʻrganadilar va ularni hal qilish maqsadida yetakchi olimlar bilan hamkorlik qiladilar.

Har yili 100 tagacha kelajak global liderlari Knight-Hennessy scholars sifatida tanlanadi. Ular Stanforddagi barcha yetti fakultetni qamrab oladi va xilma-xil akademik tajribaga ega boʻladi.

• King Global Leadership Program (KGLP): Seminarlar, maʼruzalar, loyihalar va tajribalar orqali transformatsion yetakchilik koʻnikmalarini rivojlantirish.

• Koʻp fanli yondashuv: Ijodiy muammolarni hal qilish, noaniqlik sharoitida qaror qabul qilish, samarali hamkorlik va gʻoyalarni ishonchli tarzda yetkazish.

• Denning House hamjamiyati: KHS scholars uchun maxsus ajratilgan makon boʻlib, gʻoyalar va tajribalar almashish uchun markaziy hub vazifasini bajaradi.

• Retreatlar va loyiha yordami: Joriy talabalar orasida aloqani mustahkamlash uchun maxsus dasturlar va retreatlar tashkil etiladi.

• Yoshi, taʼlim sohasi va karyerasidan qatʼi nazar, barcha mamlakatlar fuqarolari va rezidentlari ariza berishi mumkin;

• Nomzodlar 2020-yilning yanvar oyida yoki undan keyin (harbiy xizmat oʻtagan nomzodlar uchun 2018-yildan keyin) bakalavr darajasini olgan boʻlishi kerak;

• KHS bilan bir vaqtda Stanford universiteti toʻliq kunduzgi magistratura yoki PhD dasturiga (DMA, JD, MA, MBA, MD, MFA, MPP, MS yoki PhD) ariza topshirilishi shart;

• Ingliz tili darajasini aniqlash uchun TOEFL iBT topshiriladi: PhD va magistratura uchun minimum 100 ball; School of Engineering magistraturasi uchun minimum 89 ball;

Nomzodlar quyidagi toʻrtta shartdan kamida bittasini bajarish kerak:

1. Nomzod Stanford universitetiga magistratura yoki PhD uchun ariza topshirishi lozim. Hujjat topshirish vaqtida Knight-Hennessy Scholars granti uchun ham alohida ariza beriladi. Chunki ikkala dastur bir xil vaqtda boshlanishi kerak.

2. Nomzod Stanford universitetiga magistratura yoki PhD bosqichiga oʻqishga qabul qilingan boʻlishi lozim. Ayni shu vaqtda grant uchun ariza topshirish va ikkala dasturni bir xil vaqtda boshlashi mumkin.

3. Agar nomzod hozirda Stanfordda magistratura talabasi boʻlsa, u ikkinchi yoʻnalish sifatida yana bitta magistratura dasturi uchun ariza topshirishi mumkin. Shunda nomzod Knight-Hennessy Scholars granti va yangi dasturni bir xil vaqtda boshlaydi.

4. Agar nomzod hozirda Stanfordda birinchi kurs PhD talabasi boʻlsa, Knight-Hennessy Scholars granti uchun hujjat topshirishi mumkin. Shunda u grantni ikkinchi yildan boshlab olishni boshlaydi.

Eslatma: Kamida 2 yil Stanford universitetida taʼlim olgan nomzodlarga ustunlik beriladi.

Quyidagi dasturlardan foydalanuvchilarga grant berilmaydi:

• Honors Cooperative Program;

• Master of Liberal Arts;

• Doctor of Science of Law;

• Bir vaqtning oʻzida ham bakalavr ham magistraturada tahsil olayotgan talabalar;

• Magistratura bosqichini qoʻshimcha taʼlim sifatida oʻqiyotgan PhD talabalari.

Muhim: Stanford universitetiga qabul muddati yoʻnalishlarga qarab farqlanadi. Nomzodlar grantga ariza topshirishda buni hisobga olishlari lozim.

Nomzodlarga qoʻyilgan talablar bilan batafsil ushbu havola orqali maʼlumot olish mumkin.

• Dastur magistratura va PhD bosqichlari uchun 3 yillik toʻliq grant bilan taʼminlaydi;

• Oʻqish va tegishli toʻlovlar toʻliq qoplanadi;

• Yashash va akademik xarajatlar uchun oylik stipendiya beriladi;

• Bir yillik aviachipta xarajatlari uchun mablagʻ ajratiladi (ekonom klassda);

• Yangi roʻyxatdan oʻtganlar hududga koʻchib oʻtish yoki kerakli texnologiyani xarid qilish bilan bogʻliq xarajatlarning bir qismini qoplash uchun bir martalik stipendiya oladilar;

• Ikkinchi va uchinchi yillarda nomzodlar akademik bilimlarni yanada oshirish maqsadida qoʻshimcha mablagʻ soʻrab ariza berishlari mumkin (masalan, konferensiyalarga qatnashish uchun);

• King Global Leadership Program (KGLP) doirasida yetakchilik rivojlantirish dasturlari, retreatlar va loyiha yordami bepul taqdim etiladi.

Dasturda hujjat topshirish quyidagi bosqichlardan iborat:

1. Stanford universitetining magistratura yoki PhD dasturiga ushbu havola orqali alohida ariza topshiring. KHS va Stanford arizalari bir vaqtda, lekin alohida topshiriladi.

2. Stanford arizasini topshirgach, elektron pochta orqali maxsus kod yuboriladi. Aynan shu kod orqali KHS onlayn ariza shakli toʻldiriladi.

3. Barcha ariza materiallari ingliz tilida boʻlishi kerak.

4. Ariza topshirish uchun Google Chrome yoki Mozilla Firefox brauzeri tavsiya qilinadi.

Stanford magistratura yoki PhD dasturiga ariza topshirish uchun quyidagi hujjatlar talab qilinadi:

• Onlayn ariza shakli;

• Motivatsion xat;

• Tavsiya xatlari;

• Akademik transkriptlar;

• TOEFL iBT natijalari (xalqaro nomzodlar uchun).

Muhim: KHS granti taklifini kechiktirish mumkin emas. Agar tanlangan nomzod oʻqishni boshlay olmaydigan boʻlsa, keyingi yil qayta ariza topshirishi kerak boʻladi.

Grant dasturi uchun qabul 2026-yil 1-iyunda оchiladi. 2026-yil 6-oktabrgacha quyidagi hujjatlarni topshirishlari kerak:

• Onlayn ariza shakli;

• Bir betli rezyume;

• Transkript va test ballari;

• Tavsiyanoma;

• Savollarga javob:

  • Describe your short term and long term academic and professional intentions? (250 ta soʻz);

  • Please tell us when you: a) Please tell us when you: a) engaged with someone with a different perspective, b) acted with courage, and c) fell short of expectations (150 ta soʻz);

  • Please tell us eight improbable facts (things that are unlikely but true) about you (150 ta soʻz).

• Insho quyidagi mavzuda yozilishi kerak: Connect the dots. How have the influences in your life shaped you? (500 ta soʻz).

Hujjat topshirish quyidagi bosqichlarda amalga oshiriladi:

1-bosqich: Talab qilinadigan ikkita ariza shakli tayyorlanadi;

2-bosqich: Tavsiya beruvchilarning maʼlumotlarini kiritish lozim. Tavsiyanoma joʻnatish uchun yetarlicha vaqt beriladi;

3-bosqich: Talab qilingan barcha boʻlimlar toʻldiriladi. Insholar yoki shaxsiy bayonotlarni tayyorlash uchun koʻproq vaqt ajratish lozim;

4-bosqich: Onlayn arizalarni tegishli muddatlarda topshirish kerak;

5-bosqich: Arizani topshirgandan soʻng yangi ballar olinsa, maxsus sahifa orqali test ballarini yangilash mumkin.

Muhim: Elektron pochta orqali yuborilgan materiallar qabul qilinmaydi.

Eslatma: Grant uchun arizani topshirgandan soʻng test ballari, tavsiyanoma va Stanford universitetidagi daraja uchun topshirilgan maʼlumotlardan tashqari boshqa maʼlumotlarni tahrirlab boʻlmaydi.

Hujjat topshirish bilan batafsil ushbu havola orqali maʼlumot olish mumkin.

Muhim sanalar:

• 2027-yilgi dastur uchun ariza qabuli ochiq;

• Ariza yopilish muddati: 2026-yil 6-oktabr.

Saralash mezonlari: KHS uchta asosiy mezon boʻyicha nomzodlarni baholaydi: mustaqil fikrlash (Independence of Thought), maqsadli yetakchilik (Purposeful Leadership) va fuqarolik tafakkuri (Civic Mindset). Saralash jarayoni yozma ariza, video bayonot va Finalist Experience bosqichlarini oʻz ichiga oladi.

Tez-tez beriladigan savollarga javob bu yerda mavjud.

Tel: +1 650 721 0771

Email: khscholars@stanford.edu