Startap loyihalari uchun maxsus gibrid dastur — Regional Startup Support Program

Startap loyihalari uchun maxsus gibrid dastur — Regional Startup Support Program taqdim etiladi. Dastur doirasida dastlabki 40 ta startap jamoasi saralab olinadi.

Ushbu gibrid dastur hududiy yoshlarning imkoniyatlarini kengaytirish uchun moʻljallangan boʻlib, u oflayn bootcamp, onlayn mentorlik sessiyalari va yakuniy demo tadbirlarini oʻz ichiga oladi.

Dastur gʻoyalar va bozorga tayyor raqamli mahsulotlar oʻrtasidagi farqni bartaraf etishga intiluvchi mentorlar hamda ekotizim yaratuvchilarining birdam jamoasidan iborat.

Dastur quyidagi tartibda olib boriladi:

• Oflayn (yuzma-yuz) bootcamp: 16-17-aprel Termizda va 23-24-aprel Fargʻonada. Ushbu 2 kunlik intensiv mashgʻulotlar mijozlarni topish (cusdev), MVPni ishalab chiqish va Lean startup metodologiyasini oʻrganishga qaratilgan.
• Onlayn (masofaviy) mentorlik: Aprel oyining oxiridan may oyining boshigacha: Sotuv/Marketing, Moliyaviy modellashtirish, Startaplar uchun AI (Sunʼiy intellekt) hamda Investitsiya jalb qilish (Fundraising) va venchur kapitalistlar (VC) bilan ishlash boʻyicha maxsus modullar.
• Demo kunlari: 13-14-may Termizda va 25-26-may Fargʻonada. Jamoalar oʻzlarining shakllantirilgan gʻoyalarini mahalliy ekotizim hamkorlari va venchur kapital vakillariga taqdim etadilar.

Dastur haqida batafsil ushbu havola orqali maʼlumot olish mumkin.

• Dasturda raqamli tadbirkorlik sohasida boshlangʻich bosqichdagi gʻoya va ishchi prototipiga ega boʻlgan intiluvchan yoshlar jamoasi qatnashishi mumkin;
• Jamoalar Surxondaryo, Fargʻona, Andijon va Namangan viloyatlarida joylashgan boʻlishi kerak;
• Nomzodlar oʻsishga, ishlashga va rivojlanishga tayyor boʻlishi lozim.

• 2 kunlik intensiv oflayn bootcampʼda qatnashish;
• Tajribali mentor va mutaxassislar bilan onlayn ishlash;
• Startap loyihasi boʻyicha chuqur diagnostika olish;
• Mahsulot, biznes model va strategiyalarni yaxshilash;
• Dastur yakunda PizzaPitch Mini tadbirida ishtirok etish imkoniyati.

Dasturga qiziqqanlar ushbu havola orqali ariza topshirishlari mumkin.

Hujjat topshirishda quyidagilar soʻraladi:

• Shaxsiy maʼlumotlar;
• Aloqa maʼlumotlari;
• Startapning nomi;
• Startapning pitch deki;
• Startapning tasnifi;
• Startapning oʻsish darajasi;
• Muammo va yechim;
• Trekshen (erishilgan natijalar);
• Jamoa tasnifi.

Muhim sanalar:

• Termiz uchun arizalar 2026-yil 13-aprelgacha;
• Fargʻona, Andijon va Namangan uchun arizalar esa 2026-yil 20-aprelgacha qabul qilinadi.

Dastur quyidagi jarayondan iborat:

• Gʻoyani validatsiya qilish;
• Mahsulotni takomillashtirish;
• Investorlar uchun pitch (taqdimot) tayyorlash.