Startap loyihalarini rivojlantirishga qaratilgan “Inno Texnopark” respublika startap akselerator dasturi

“Inno Texnopark” Respublikadagi barcha iqtidorli va tashabbuskor yoshlarning startap loyihalarini rivojlantirishga qaratilgan startap akselerator dasturini eʼlon qiladi. Dasturda barcha yoshdagi iqtidorli va tashabbuskor fuqarolar ishtirok etishlari mumkin. Tanlov gʻoliblariga bir qator imtiyozlar va imkoniyatlar beriladi. 

Akseleratsiya dasturida ishtirok etish uchun buyurtmalar 2023-yil 20-iyuldan 2023-yil 5-sentabr 23:59 gacha qabul qilinadi.

Dastur haqida ushbu havola orqali batafsil maʼlumot olish mumkin. 

Dasturda qatnashish uchun quyidagi talablar mavjud:

• Dasturda barcha yoshdagi iqtidorli va tashabbuskor fuqarolar ishtirok etishlari mumkin;
• Nomzodlar oʻzlarining startap gʻoyalariga ega boʻlishlari lozim;
• Ishtirokchilar ariza topshirgunga qadar startap loyihasining taqdimotini tayyorlab qoʻygan boʻlishlari kerak. 

Dastur talablari haqida ushbu havola orqali toʻliq maʼlumot olish mumkin. 

Dasturning quyidagi foydali jihatlari mavjud:

• Texnoparkning ishlab chiqarish maydoni va asbob-uskunalardan foydalanish;
• Yakka holdagi biznes-murabbiy (trener) maslahatlarini olish hamda loyihani amalga oshirish yoʻl xaritasini biznes murabbiy bilan birgalikda ishlab chiqish;
• Mahsulot yoki xizmatning minimal ishchi modelini yaratishga, uni sinash va mijozlar fikrini oʻrganishga koʻmaklashish;
• Tematik oʻquv-mashgʻulotlarda va bozor ekspertlarining mahorat darslarida ishtirok etish;
• Istiqboldagi hamkorlar bilan aloqa oʻrnatish va mijozlar jalb qilishga yordam berish hamda investorlarga loyihani taqdim qilish imkoniyati (Demo Day).

Akseleratsiya dasturida ishtirok etish uchun buyurtmalar 2023-yil 20-iyuldan 2023-yil 5-sentabrgacha qabul qilinadi.

Roʻyxatdan oʻtish jarayonida nomzodlardan quyidagi maʼlumotlarni kiritish talab qilinadi:

• Ism-familiya;
• Telefon raqami;
• E-mail;
• Startap nomi, gʻoyasi va uning qisqacha mazmuni;
• Taqdimot;
• Veb-saytga havola (agar mavjud boʻlsa);
• Startap loyiha muallifining yoshi.

Dasturga ushbu havola orqali roʻyxatdan oʻtish mumkin. 

Maʼlumot uchun:

Tel: +998 97 270 70 08;

        +99893 387 34 47.

Dastur haqidagi qoʻshimcha maʼlumotlarni quyidagi ijtimoiy tarmoqlar orqali ham topish mumkin:

-Telegram;

-Instagram;

-Facebook;

-Web;

-LinkedIn.