Startap loyihasiga ega ayol tadbirkorlar uchun Ispaniyaga oʻquv sayohati imkoniyati — PizzaPitch Women

Startap loyihasiga ega ayol tadbirkorlar uchun Ispaniyaga oʻquv sayohati imkoniyatini beruvchi tanlov — PizzaPitch Women taqdim etiladi. Ishtirokchilar orqasidan 5 nafar nomzod saralab olinadi.

Dastur Oʻzbekistonlik ayol tadbirkorlar uchun oʻz gʻoyalarini keng omma bilan oʻrtoqlashish, biznes aloqalarini rivojlantirish va oʻz startaplarini qoʻllab-quvvatlovchi hamjamiyatga taqdimot etish uchun platforma boʻlib xizmat qiladi.

Dastur davomida ishtirokchilar oʻz loyihasini tajribali tadbirkor va investorlar oldida taqdim etish, ulardan professional baho olish va biznesini kengaytirish imkoniyatiga ega boʻlishadi.

Tadbir 2026-yil 14-mart soat 15:00 da Toshkent shahri Yunusobod tumanida oʻtkazilishi rejalashtirilgan.

Maʼlumot uchun: PizzaPitch Women dasturi Iqtisodiyot va moliya vazirligi hamda BMTTDning “Raqamli iqtisodiyot va raqamli tadbirkorlikni rivojlantirish uchun yoshlarning imkoniyatlarini kengaytirish” qoʻshma loyihasi doirasida amalga oshirilmoqda.

Dastur haqida batafsil ushbu havola orqali maʼlumot olish mumkin.

• Dasturda oʻz innovatsion gʻoya va startap loyihalariga ega tadbirkor ayollar qatnashishi mumkin.

• Gʻoliblar Ispaniyaga safar doirasida Yevropa startap ekotizimiga chuqurroq kirib borish uchun noyob imkoniyatni qoʻlga kiritadi;
• Dasturda bepul qatnashish mumkin;
• Oʻz loyihasini mutaxassis va investorlar oldida taqdim etish;
• Sohaga oid ekspertlar bilan aloqa oʻrnatish;
• Potensial sherik yoki investorlarni topib oʻz biznes aloqalarini rivojlantirish imkoniyati;
• Tajribali tadbirkor va investorlar bilan treninglar oʻtkaziladi.

Muhim: Safar uchun Shengen vizasini rasmiylashtirish gʻolibalar tomonidan mustaqil amalga oshiriladi.

Dasturga qiziqqanlar ushbu havola orqali ariza topshirishlari mumkin.

Tanlov ikki bosqichda oʻtkaziladi:

• Onlayn bosqich. Bunda 60 ta loyiha onlayn formatda koʻrib chiqiladi.
  6 nafar hakamlar hayʼati 20 tadan loyihani baholab, final bosqichiga eng kuchli ishtirokchilarni saralab oladi.
• Oflayn final. Bunda eng yaxshi jamoalar oʻz yechimlarini ekspertlar hayʼati oldida jonli tarzda taqdim etadilar.

Roʻyxatdan oʻtishda quyidagilar soʻraladi:

• Shaxsiy maʼlumotlar;
• Aloqa maʼlumotlari;
• Startap nomi;
• Startap haqida qisqacha maʼlumot;
• Taqdimotga havola.

• Dasturga hujjat topshirish uchun oxirgi muddat: 7-mart 2026-yil;
• Manzil: C-Space Yunusobod.