Startup Weekend Toshkent — 2022 tadbiri

Startup Weekend — bu 54 soatga moʻljallangan intensiv dastur boʻlib, unda startapini yaratishni maqsad qilgan yoshlar startap hayotini boshdan kechirib koʻrish imkoniyatiga ega boʻlishadi. Dastur davomida dizaynerlar, dasturchilar, startaperlar jamoalarga boʻlinib, non-stop rejimida oʻz gʻoyalarini sinovdan oʻtkazib, mahsulot prototipini tayyorlashlari kerak.

Tashkilotchilarning soʻzlariga koʻra, asosiy eʼtibor gʻoyalar validatsiyasiga va jamoalarning ushbu gʻoyalar atrofida birlashishiga qaratiladi. Shu bois dastlab ishtirokchilar bir-birlari bilan oʻzaro tanishadi, vorkshoplar va loyihalar taqdimoti tashkil etiladi. Gʻoyalarini tekshirish uchun fokus guruhlari bilan suhbatlashishadi hamda turli soha professionallari- mentorlar yoʻl-yoʻriqlarini olib, oxirgi kun investorlar- hayʼat aʼzolariga taqdim etishadi.

Startup Weekend tadbiri bu safar Toshkent shaharda 5-marotaba oʻtkazilmoqda va bu safar u 2-4 dekabr kunlari Akfa Universitetida boʻlib oʻtadi. Dasturda ishtirok etish pullik. Batafsil maʼlumotni StartupWeekend.uz saytidan olishingiz mumkin. Joylar soni cheklangan.

O‘z g‘oyasiga ega startaplarga qiziquvchi har qanday yoshlar ishtirok etishi mumkin.

• 54 soat ichida siz start-up yaratish haqida nazariy bilimlar toʻplab, tadbir davomidayoq amalda sinab koʻrasiz;
• Gʻoyangizni toʻliq rivojlantirib, xaridorlar bilan gaplashib, gipotezalaringizni sinab koʻrasiz;
• Tadbir mentorlaridan startap modeli, xaridorlarni tekshirish, minimum hayotiy mahsulot (MVP) ni yaratish, yuridik savollar boʻyicha qimmatli maslahatlarga ega boʻlasiz.

Mentorlar bilan ushbu havolada tanishish mumkin.

Ishtirok etish uchun quyidagi havoladan ro‘yxatdan o‘tishingiz talab etiladi.

Xakaton haqida yangiliklardan xabardor bo‘lish uchun StartupWeekendʼning ijtimoiy tarmoqlariga obuna bo‘ling:

Telegram — https://t.me/swtashkent

Instagram — https://www.instagram.com/swtashkent_official

LinkedIn — https://www.linkedin.com/company/swtashkent

Qo'shimcha savollar uchun: https://t.me/swtashkent2022