AQShda to'liq moliyalashtirilgan holda 9 oygacha yashab, tadqiqot qilish imkonini beruvchi Getty Scholar grant dasturi
  • 15/07/2022 Qabul boshlanishi
  • Toʻliq Moliyalash turi
  • AQSh Davlat
  • 04/10/2021 05:00 Oxirgi muddat
Telegram kanalimizga aʼzo boʻling

Muhim tafsilotlar

  • Kimlar uchun
    PhD talabasi , Falsafa fanlari doktori
  • Dastur tili
    Ingliz tili
  • Yosh chegarasi
    Chegaralanmagan

Doʻstlar bilan ulashing

Umumiy maʻlumotlar

Getty Scholar dasturi san’at, gumanitar yoki ijtimoiy fanlar yo‘nalishida tadqiqot olib boruvchi yuqori darajali mutaxassislar, taniqli olimlar va favqulotda iste’dodli izlanuvchichilarga o‘z sohalari bo‘yicha yangi bilimlarni o‘zlashtirishlari va kashf etishlari uchun grant taklif qiladi.

Olimlar ish bilan bog‘liq majburiyatlardan ozod etilgan holda turar joy, barcha kerakli resurslar bilan ta’minlanadilar. Shuningdek, shaharning madaniy hayotidan bahra olish va ilmiy muhitga o‘zlarini baxshida etish imkonini qo‘lga kiritadilar.

Rezidentlik qilish muddati: 3oydan 6 oygacha.

Dastyr bilan batafsil bu yerda tanishish mumkin.

Maqbullik shartlari

  1. San’at, gumanitar yoki ijtimoiy fanlarda ishlaydigan barcha millat tadqiqotchilari topshirishlari mumkin.
  2. Nomzodlarning loyiha bayonnomalari yil dasturiga mos kelishi kerak.
  3. So‘nggi uch yil ichida Getty Scholar mukofotiga sazovor bo‘lganlar arizasi qabul qilinmaydi.
  4. 2019-yil 1-sentabrdan keyin ilmiy darajasini olgan nomzodlar Postdoctoral fellowship dasturga ariza topshirishlari kerak.
  5. Getty xodimlari va ularning yaqin oila a’zolari stipendiya olish huquqiga ega emaslar.

Dastur bo'yicha qo'shimcha ma'lumotni bu yerda o'qish mumkin.

Foydali tomonlari

  1. Getty Tadqiqot Instituti yoki Getty Villasidan offis hamda Getty Scholar uy -joy kompleksidan kvartira beriladi.
  2. Los-Anjelesga borish-qaytish chiptasi va tibbiy sug‘urta ta’minlanadi.
  3. Uch oylik dastur uchun $21.500; olti oylik uchun $43,000; to‘qqiz oylik uchun $65,000 ajratiladi.
  4. Getty Instituti kutubxonasi va kollekiyasidan foydalanish imkoniyati beriladi.
  5. Tadqiqot bo‘yicha yoki Afrika-Amerika san’at tarixi mavzusi yuzasidan tashkil etiladigan bir haftalik yig‘inda butundunyo hamkasblari bilan ishtirok etish huquqi beriladi.

Imtiyozlar va afzalliklar haqida batafsil mana bu yerda o‘qish mumkin.

Hujjat topshirish

  1. Belgilangan muddatga qadar onlayn arizani to‘ldirish.
  2. Arizaching o‘quv va tadqiqot rejasini aks ettirgan loyiha bayonnomasi (elektron shaklda, ikki interval oralig‘ida, besh sahifadan oshirmagan holda loyiha yil dasturi bilan qanchalik mos kelishi(1) va Getty resurslari, shu jumladan, kutubxonasi va kolleksiyalari loyiha uchun qanchalik ahamiyatli ekanligini(2) tasvirlash so‘raladi).
  3. CV/rezumye.
  4. Yozma ishlardan ixtiyoriy namunani biriktirishlari lozim.

Eslatma: Ariza portalga tashrif buyurib, login-parolni kirtish orqali istalgan vaqtda arizani kelgan joydan davom ettirish mumkin.

Anketani yaratgach va saqlangach, saqlangan arizaga qaytish uchun "Ilovalar: Davom etmoqda" havolasini tanlab, xuddi shu shaklda davom etish keral. Aks holda, tasodifan bir xil arizaning bir nechta versiyasini yaratish mumkin.

Hujjat topshirish jarayonlari bilan batafsil ushbu havola orqali tanishish mumkin.

Qoʻshimcha maʻlumotlar

Ariza beruvchilar qabul tugagan muddatdan taxminan olti oy o‘tgach natijadan xabardor qilinadilar. Getty Scholar granti tanlov asosida beriladi. Arizalar quyidagilar asosida baholanadi: 

  1. Jo‘natilgan arizaning umumiy sifati;
  2. Taklif qilinayotgan loyiha yillik tadqiqot mavzusiga alqadorlik darajasi;
  3. Arizachining erishgan yutuqlari;
  4. Getty resurslari, kutubxonasi va kollektsiyalari loyiha uchun qay darajada ahamiyatli ekanligi.

Qo‘shmcha savollar bilan:

  • (310) 440-7374 telefon raqamiga qo‘ng‘iroq qilish;

researchgrants@getty.edu elektron manziliga murojaat qilish mumkin.

AQSh
AQShda to'liq moliyalashtirilgan holda 9 oygacha yashab, tadqiqot qilish imkonini beruvchi Getty Scholar grant dasturi

Parolni unutdingizmi?

Parolni tiklash uchun saytdan roʻyxatdan oʻtgan emailingizni kiriting
Tizimga kirish

Sizni koʻrib turganimizdan xursandmiz!

Oʻz akkauntingizga kiring va tizim imkoniyatlaridan toʻliq foydalaning

Tanlangan imkoniyatlar