Sud-huquq tizimida nizolarni hal qilish boʻyicha AQShda tajribaga ega boʻlish uchun Weinstein JAMS International Fellowship dasturi. Stipendiya miqdori — $20,000
-
01/10/2023 Qabul boshlanishi
-
Stipendiya Moliyalash turi
-
AQSh Davlat
-
17.11.2023 Oxirgi muddat
Umumiy maʻlumotlar
The Weinstein JAMS International Fellowship Program — Weinstein JAMS xalqaro stipendiya dasturi 2018-yilda ochilgan boʻlib, AQSh fuqarosi boʻlmagan shaxslarga oʻz mamlakatlaridagi nizolarni hal etishda yordam berish uchun AQShdagi nizolarni hal qilish jarayonlari va amaliyotlarini oʻrganish imkoniyatini beradi.
Dastur nizolarni muqobil hal etish (ADR) sohasida yuqori tajribaga ega boʻlgan hamda oʻz mamlakatlarida va undan tashqarida nizolarni hal qilish boʻyicha taʼlim, oʻqitish va xizmatlarning sifatini yaxshilashga intilayotgan shaxslar uchun moʻljallangan.
Ushbu amaliyot dasturida sudya, advokat, huquq fani professorlari, sud maʼmurlari, davlat amaldorlari yoki ADR amaliyotchilarining ishtirokiga ustunlik beriladi.
Stipendiyalar bir oydan toʻrt oygacha davom etishi mumkin. Ariza beruvchilar toʻrt oydan ortiq davom etadigan faoliyatni taklif qilishlari mumkin boʻlsa-da, stipendiyani moliyalashtirish ushbu muddat (4 oy) bilan cheklangan.
Nomzodlardan quyidagilar soʻraladi:
- Hamkorlikning maqsadi;
- AQShda kutilayotgan faoliyat yoki harakatlar;
- Stipendiyaning tavsiya etilgan muddati va joylashuvi;
- Vatanga qaytgandan soʻng amaliyot qoʻllash uchun rejasi;
- Taʼlim darajasi;
- Nizolarni hal qilish boʻyicha trening va tajriba;
- Oʻz mamlakatlarida bogʻlangan tashkilotlar yoki muassasalar;
AQSHda boʻlganlarida aloqador boʻlishni kutayotgan tashkilotlar yoki muassasalar; - Soʻralgan va taklif etilayotgan byudjet mablagʻlari miqdori
- Ariza topshirilgan yoki mukofotlangan boshqa moliyalashtirish manbalari haqida maʼlumot;
- JAMS jamgʻarmasidan soʻralgan qoʻshimcha pul boʻlmagan resurslar yoki yordam;
- AQShga kirish uchun joriy viza holati (viza turi, amal qilish muddati).
Dasturning oʻtgan yillardagi gʻoliblari bilan ushbu havola orqali tanishish mumkin.
Amaliyot dasturi qatnashchilari $20,000 gacha boʻlgan pul miqdori bilan taʼminlanadi.
Dastur haqida batafsil ushbu havola orqali tanishish mumkin.
Maqbullik shartlari
Dasturda ishtirok etish uchun nomzodlardan quyidagilar talab etiladi:
- Nomzod AQSh fuqarosi boʻlmasligi zarur;
- Dastur uchun til bilish sertifikati talab etilmaydi. Ammo qatnashchi ingliz tilini mukammal bilishi kerak;
- Dasturda sudya, advokat, huquq fani professorlari, sud maʼmurlari, davlat amaldorlari yoki ADR amaliyotchisi sifatida tajribaga ega boʻlgan nomzodlarga qatnashish uchun ustunlik beriladi;
- Rejalashtirilgan amaliyot dasturi bir oydan toʻrt oygacha boʻlishi lozim;
- Stipendiya faqat AQSh ichidagi amaliyotlar uchun qoʻllanilishi kerak. Nomzodlar oʻzlarining mamlakatlari ichidagi loyihalar uchun ushbu stipendiya miqdorini ishlata olmaydi;
- Nizolarni hal qilishning samarali tizimlarini yaratishga yoki nizolarni hal qilish usullarini oʻzgartirishga qaratilgan loyihalar qoʻllab quvvatlanadi;
- Loyihalarini amaliyot yilining sentyabr oyida San Fransisko koʻrfazida oʻtkaziladigan yillik yigʻilish davomida boshlay oladigan nomzodlarga ustunlik beriladi.
Dastur talablari haqida batafsil ushbu havola orqali tanishish mumkin.
Foydali tomonlari
Dasturga qabul qilingan nomzodlar quyidagi imtiyozlarga ega boʻladi:
- Dastur qatnashchilariga 20,000 AQSh dollarigacha boʻlgan stipendiya beriladi.
Eslatma: Ushbu grant dasturi stipendiatlarga viza olish jarayonini osonlashtirish uchun yordam berishiga qaramasdan, nomzodlar vizalari uchun oʻzlari harakat qilishlari lozim.
Dastur imtiyozli jihatlari haqida batafsil ushbu havola orqali tanishish mumkin.
Qoʻshimcha maʻlumotlar
Qoʻshimcha savol va murojaatlar uchun:
David Brandon
Managing Director, JAMS Foundation
dbrandon@jamsfoundation.org
415-774-2648
Ellen Bass
Director, Weinstein JAMS Fellowship Program
ebass@jamsfoundation.org
415-774-2660
JAMS
Two Embarcadero Center, Suite 1500
San Francisco, CA 94111