Sun'iy intellekt yo'nalishi bo'yicha yoshlar uchun Mega grant

Najot Ta’lim IT Park Uzbekistan va Jahon Banki bilan hamkorlikda sun'iy intellekt yo'nalishi bo'yicha Mega grant e'lon qiladi. 

"Uzbekistan Digital Inclusion Project" (UDIP) doirasida 300 nafar yoshlarga grant taqdim etishi rejalashtirilgan. ushbu grantning naqd 50%i qizlar uchun mo'ljallangan.

Grantning asosiy maqsadi 300 nafar iqtidorli yoshlarni Sun’iy Intellekt (ML) yo‘nalishida mutlaqo bepul o‘qitish va ularni jahon bozorida raqobatbardosh kadr qilib tayyorlashdan iborat.

Grant g'oliblarining 120 nafari Toshkent shahri va qolgan 180 nafari(60 nafardan) Qashqadaryo, Surxondaryo va Xorazm shaharlarida tahsil oladi.

Dastur haqida batafsil ushbu havola orqali ma'lumot olish mumkin.

• 18 yoshdan 30 yoshgacha bo‘lgan O‘zbekiston fuqarolari qatnashishi mumkin;
• Ingliz tilini kamida B1 darajasida bilish lozim (darslar ingliz tilida olib boriladi);
• Kompyuter savodxonligi va mantiqiy fikrlash ko'nikmalari talab qilinadi (Dasturlashdan Foundation darajasiga ega bo‘lish);
• 8 oy davomida gibrid (30% onlayn va 70% oflayn) tarzda darslarga muntazam ravishda qatnashishi talab etiladi.

Muhim: 50% o'quv joylari ayol-qizlar, 4% esa imkoniyati cheklangan shaxslar uchun ajratilgan. 

70% oflayn darslarda qatnashish uchun 4 ta hududdagi filiallardan biriga borish imkoniyatiga egalikni hisobga olish lozim.

• 8 oylik Sun’iy intellekt (ML) kursida bepul ta'lim olish;
• Xalqaro standartlarga mos o'qish imkoniyati;
• Eng yaxshi bitiruvchilarga IT va ITES kompaniyalarida ishga joylashishga ko'mak beriladi.

Grant uchun saralash 3 bosqichda amalga oshiriladi:

1. Ariza topshirish. Dasturga qiziqqanlar ushbu havola orqali ariza topshirishlari mumkin.
2. Test imtihoni. Bunda Ingliz tili va IT-bilimlarni aniqlash uchun 60 ta test savollarini 2 soat ichida yechish kerak bo'ladi.
3. Suhbat. Testdan o‘tganlar bilan individual suhbat o'tkaziladi.

Hujjat topshirishda quyidagilar so'raladi:

• Shaxsiy ma'lumotlar;
• Aloqa ma'lumotlari;
• Imtihonga kirmoqchi bo'lgan filiali;
• Imtihon topshirmoqchi bo'lgan vaqti;
• Qo'shimcha savollari (agar bo'lsa).

Eslatma: Saralash imtihonlari 2026-yil 19-aprel soat 10:00 va 15:00 da bo'lib o'tadi.

Agar ishtirokchilarda B1 darajasiga teng CEFR, TOEFL va IELTS sertifikatlari bo'lsa, imtihonga olib kelish so'raladi. Sertifikatning nusxasi ko'rsatilgandan so'ng imtihonning faqatgina ingliz tili qismidan ozod etiladi.

• Dasturga hujjat topshirish uchun oxirgi muddat: 18-aprel 2026-yil (14:00);
• Test 2026-yilning 19-aprel kuni o'tkaziladi;
• Darslar barcha imtihonlar o'tkazilgandan so'ng 1 oy ichida boshlanadi;
• Takroran so'raladigan savollarga javob bu yerda.

Imtihon bo'lib o'tadigan manzillar:

1. Toshkent, Najot Ta'lim Chimboy filiali;
2. Najot Ta'lim, Xorazm filiali;
3. Surxondaryo, Termiz Robbit filiali;
4. Qashqadaryo, Qarshi Robbit filiali.