Tadbirkor ayollar uchun mukofot jamgʻarmasi $303,000 boʻlgan grant — Ipak Yuli Bank x Sheʼs Next

Tadbirkor ayollar uchun mukofot jamgʻarmasi $303,000 boʻlgan dastur — Ipak Yuli Bank x Sheʼs Next taqdim etiladi. Oʻz biznesini boshlash yoki rivojlantirish uchun jami 79 nafar ishtirokchi moliyaviy grant oladi. 

Dasturning asosiy vazifalari:

• Ayollarga bilim, hamjamiyat va imkoniyatlarga kirish huquqini berish;
• Turli sohalardagi ayollarni birlashtirib, ilhom, muloqot va qoʻllab-quvvatlash uchun ochiq maydon yaratish;
• Ayollarning oʻz kuchiga ishonchini mustahkamlab, ularni barqaror biznes qurishga undash;
• Taʼlim, mentorlik va moliyaviy qoʻllab-quvvatlash orqali ishtirokchini oʻsish uchun zarur vositalar bilan taʼminlash.

Loyiha bosqichlari:

1. Jalb qilish. Dastur tafsilotlarini eʼlon qilish va ishtirokchilarni ariza topshirishga taklif etish.
2. Tanlov. Yuborilgan arizalarni koʻrib chiqish va final bosqichi ishtirokchilarini tanlash.
3. Qoʻllab-quvvatlash. Tanlab olingan ayollarni qoʻllab-quvvatlashga qaratilgan dasturlarni amalga oshirish.
4. Tabriklash. Ishtirokchilarning yoʻlini nishonlash va ularning yutuqlarini dastur yakunlangandan keyin ham qoʻllab-quvvatlash.

Finalchilar Toshkentda boʻlib oʻtadigan Sheʼs Next Pitch Day tadbirida oʻz gʻoyalarini hakamlar hayʼati oldida taqdim etadilar va himoya qiladilar, gʻoliblar esa pul grantlariga ega boʻladilar.

Maʼlumot uchun: Sheʼs Next — Visaʼning global tashabbusi boʻlib, yuz minglab ayollarga biznesni boshlash va rivojlantirishda yordam berdi. Ipak Yuli Bank Oʻzbekistonda dasturining birinchi toʻlqinini ishga tushirishda Visaʼning bosh hamkoriga aylandi.

Xotin-qizlarni qoʻllab-quvvatlash — Ipak Yuli Bank ESG strategiyasining asosiy yoʻnalishlaridan biri. Dastur Sheʼs Next tashabbusiga qoʻshilgan holda, Oʻzbekiston ayollariga shu qadamni qoʻyish, oʻsish uchun zarur boʻlgan ishonch, bilim va yordamni olishga koʻmaklashiladi. Bunda nafaqat moliyaviy mahsulotlarni rivojlantirish, balki tadbirkorlik madaniyatga va har bir ayol uchun imkoniyatga aylanishi mumkin boʻlgan ekotizimni yaratish ham muhim.

Dastur haqida batafsil ushbu havola orqali maʼlumot olish mumkin.

• Oʻz biznesiga ega boʻlgan yoki oʻz ishini boshlashni rejalashtirayotgan ayollar qatnashishi mumkin;
• Ishtirokchilar 18 yoshga toʻlgan Oʻzbekiston Respublikasining fuqarosi boʻlishi kerak.

Dasturning asosiy qoidalari bilan batafsil ushbu havola orqali tanishib chiqish mumkin.

Dasturda bepul qatnashish mumkin va mukofot jamgʻarmasi quyidagicha taqsimlanadi:

Amaldagi biznes toifasi uchun:

• 1-oʻrin – 6,000$ miqdoridagi grant;
• 2-oʻrin – 4,000$ miqdoridagi grant;
• 3-oʻrin – 2,000$ miqdoridagi grant.

Yangi biznes toifasi uchun:

• 1-oʻrin – 4,000$ miqdoridagi grant;
• 2-oʻrin – 2,000$ miqdoridagi grant;
• 3-oʻrin – 1,000$ miqdoridagi grant.

IT-biznes toifasi uchun:

• Gʻolib uchun – 3,000$ miqdoridagi grant.

Dasturga qiziqqanlar ushbu havola orqali roʻyxatdan oʻtib ariza topshirishlari mumkin.

Barcha roʻyxatdan oʻtgan ishtirokchilarga taʼlim maʼruzalari va test sinovlaridan oʻtish imkoniyati beriladi, shundan soʻng ular oʻz biznes-rejalarini ekspert komissiyasi baholashi uchun taqdim etishadi.

Baholash yakunlariga koʻra, har bir toifa boʻyicha 10 tadan — jami 30 ta eng yaxshi loyiha tanlab olinadi.

Dasturda ishtirok etish bosqichlari:

• Ariza topshirish;
• Arizalarni koʻrib chiqish va finalistlarni tanlash;
• Qoʻllab-quvvatlash va mentorlik;
• Yakuniy bosqich — mukofotlar topshirish.

Gʻoliblar grantni olgan kundan boshlab 3 oy oʻtgach, xarajatlar toʻgʻrisidagi batafsil oraliq hisobotni va grantni olgan kundan boshlab 6 oy oʻtgach, xarajatlar boʻyicha batafsil yakuniy hisobotni taqdim etishlari shart. Hisobot quyidagilarni oʻz ichiga olishi kerak:

• Tasdiqlovchi hujjatlar (cheklar, hisobvaraqlar, shartnomalar) ilova qilingan xarajatlar smetasi;
• Bajarilgan ishlar yoki erishilgan natijalarning tavsifi;
• Agar Gʻolibning loyihasida uni amalga oshirish uchun qisqaroq muddatlar nazarda tutilgan boʻlsa, xarajatlar toʻgʻrisidagi hisobotlar soni ikkitadan kam boʻlishi mumkin.

Muhim: Har bir Ishtirokchi tanlovda ishtirok etish uchun faqat bir marta roʻyxatdan oʻtish huquqiga ega. Bir shaxs tomonidan bir nechta akkaunt yaratish, shu jumladan turli elektron pochta manzillaridan foydalanish taqiqlanadi.

• Email: info@ipakyulibank.uz;
• Tel: 78 140 69 00.

Muhim sanalar:

• Dasturga hujjat topshirish uchun oxirgi muddat: 24-may 2026-yil;
• Tanlovda ishtirok etish uchun amallarni bajarish davri: 2026-yil 2-apreldan 2026-yil 28-iyungacha;
• Tanlov gʻoliblarini aniqlash va Gʻoliblarga Mukofotlarni topshirish sanasi: 2026-yil 7-avgust.