Tadbirkorlar uchun Buyuk Britaniyada biznes sohasida tahsil olish va biznes ishini davom ettirish imkonini beruvchi Pathfinder Awards tanlovi

Unicorn Kingdom: Pathfinder Awards (UKPA) - Buyuk Britaniya Biznes va Savdo Departamenti tomonidan texnologiya sohasidagi eng istiqbolli kompaniyalarni aniqlash va namoyish qilish uchun tashkilotning birinchi global texnologik mukofoti hisoblanadi. Dasturda qatnashish uchun nomzodlarning o'z biznesi bo'lishi va biznes faoliyati kamida 6 oy oldin boshlangan bo'lishi zarur. Saralab olingan nomzodlar keyingi ikki yilda Buyuk Britaniyada yashash va bizneslarini davom ettirishga tayyor bo'lishlari lozim. Tanlovda qatnashish uchun mavjud 4 kategoriyadan birini tanlash va ariza topshirish so'raladi. Dastur 3 bosqichda bo'lib, ikki bosqichi onlayn, final bosqichi esa Buyuk Britaniyada bo'lib o'tadi. G‘oliblar Buyuk Britaniyada maxsus ishlab chiqilgan dastur orqali tahsil olish, shuningdek, sanoat va hukumat sektorining yetakchi mutaxassislari bilan uchrashish hamda tadbirlarda ishtirok etish imkonini qoʻlga kiritishadi. 

Biznesini o'stirish va kengaytirish xohishida bo'lgan nomzodlar arizalarini 2024-yil 1-martdan 30-aprelga qadar jo'natishlari mumkin. 

Dastur haqida ushbu havola orqali batafsil ma'lumot olish mumkin. 

Dasturda ishtirok etish uchun quyidagi talablar mavjud:

• Nomzodlarning biznesi quyidagi toifalardan biri boʻyicha innovatsion va texnologiyaga asoslangan yechimlarni taqdim eta olishi lozim:

-Sunʼiy intellekt (Artificial Intelligence);

-Kiber xavfsizlik (Cyber Security);

-Bogʻlangan va avtomatlashtirilgan mobillik texnologiyasi (Connected and Automated Mobility (CAM) technology);

-Raqamli savdo yechimlari (Digital Trade Solutions).

• Qatnashchilar biznes mahsulotining xalqaro miqyosda qoʻllanilish imkoni boʻlishi kerak;
• Nomzodlar hali Buyuk Britaniyada faoliyat yuritmagan va keyingi ikki yil davomida shu yerda yashashga tayyor boʻlishlari lozim;
• Ariza topshirish jarayoni belgilangan vaqtda toʻliq yakunlanishi zarur;
• Ishtirokchilarning biznesiga qoʻyilgan alohida talablar ham mavjud va ular quyidagicha:

- Kamida 6 oydan beri faoliyat yuritayotgan boʻlishi kerak;

-Soliq bilan bogʻliq yoki yuridik muammolar boʻlmasligi lozim;

-Yuritilayotgan biznes mahsuloti yoki xizmati bozorga chiqarilgan hamda xalqaro miqyosda qoʻllanila olish imkoni boʻlishi zarur;

-Biznesni Buyuk Britaniyada ham yuritish va u yerda keyingi ikki yilda davomida davom ettirish imkoni boʻlishi kerak.

Dastur haqida ushbu havola orqali batafsil maʼlumot olish mumkin.

Dasturning quyidagi foydali jihatlari mavjud:

• Nomzodlar Buyuk Britaniyada maxsus ishlab chiqilgan dastur orqali tahsil olish imkonini qoʻlga kiritadi;
• Ishtirokchilar sanoat va hukumat sektorining yetakchi mutaxassislari bilan uchrashish hamda tadbirlarda ishtirok etish imkonini qoʻlga kiritishadi;
• Tashkilotning Global Entrepreneur Programme dasturi tomonidan maqsadli bizneslarni qoʻllab-quvvatlash hamda koʻpaytirish uchun maxsus yordam taqdim etiladi;
• Gʻoliblar tashkilot tomonidan olib boriladigan targʻibot tadbirlarida eʼtirof etiladilar va bu ularning bizneslarini rivojlantirish uchun xizmat qiladi.

Dasturning foydali tomonlari haqida ushbu havola orqali toʻliq maʼlumot olish mumkin.

Dasturga qabul jarayoni 2024-yil 1-martdan 30-aprel soat 16:59 ga qadar davom etadi. Dasturda qatnashish jarayoni quyidagicha:

• Avvalambor, tanlovda qatnashish uchun 4 kategoriyadan birini tanlash soʻraladi;
• Dasturga ariza topshiriladi, bu jarayonda arizada soʻralgan maʼlumotlarni toʻldirish va hujjatlarni taqdim etish zarur;
• Arizalar qabul qilingandan soʻng, tanlovning dastlabki hududiy final bosqichi boʻlib oʻtadi;
• Hududiy final bosqichidan saralab olingan nomzodlar yarim finalga oʻtishadi. Ushbu bosqichda har bir kategoriyadan 3 tadan finalchi saralab olinadi;
• Dasturning soʻnggi bosqichi, yaʼni final bosqichi Buyuk Britaniyada boʻlib oʻtadi va nomzodlar yetakchi biznes namoyondalari, mutaxassislari va rasmiylari tomonidan saralab olinadi.

Tanlovga ariza topshirish haqida ushbu havola orqali qoʻshimcha maʼlumot olish mumkin.

Dasturga ushbu havola orqali ariza topshirish mumkin.

Tanlov haqida qoʻshimcha savollar tugʻilgan taqdirda ushbu havola orqali javob olish mumkin.

Dasturning sunʼiy intellekt (Artificial Intelligence) kategoriyasi haqida ushbu havola orqali maʼlumot olish mumkin.

Dasturning kiber xavfsizlik (Cyber Security)kategoriyasi haqida ushbu havola orqali maʼlumot olish mumkin.

Dasturning bogʻlangan va avtomatlashtirilgan mobillik texnologiyasi (Connected and Automated Mobility (CAM) technology) kategoriyasi haqida ushbu havola orqali maʼlumot olish mumkin.

Dasturning raqamli savdo yechimlari (Digital Trade Solutions) kategoriyasi haqida ushbu havola orqali maʼlumot olish mumkin.

Dastur haqidagi video maʼlumotni ushbu havola orqali tomosha qilish mumkin.