Tadqiqotchilar uchun Singapurda tadqiqot olib borish imkoniyati. Oylik stipendiya beriladi!

Tadqiqotchi va siyosatchilar uchun Singapurda tadqiqot olib borish imkoniyatini beruvchi grant dasturi — Wang Gungwu Visiting Fellows Programme (WGWVF) taqdim etiladi.

Grant dasturi 2 oydan 6 oygacha davom etishi mumkin. Ishtirokchilar dastur davomida Yusof Ishak Institute (ISEAS) da yashashlari kutilmoqda.

Dastur quyidagi ustuvor yoʻnalishlarda xalqaro siyosat va xavfsizlik, mintaqaviy iqtisodiyot va raqamli texnologiyalar boʻyicha siyosatga oid tadqiqotlar orqali yirik davlat munosabatlari va uning Janubi-Sharqiy Osiyoga taʼsirini oʻrganuvchi olimlar va siyosatchilarning keyingi avlodini shakllantirishga qaratilgan.

Quyidagi sohalarda tadqiqot olib borish kerak:

• Developments in US-China relations and their impact on Southeast Asia;
• Asia Pacific security issues (e.g. South China Sea, China-ASEAN relations);
• Progress and prospects of global/regional economic cooperation initiatives (e.g. Belt and Road Initiative and Regional Comprehensive Economic Partnership);
• Rise of China and its impact on Southeast Asian communities;
• Use of digital media and technology by countries to further their interests and influence perceptions in Southeast Asian countries.

Dastur haqida batafsil ushbu havola orqali maʼlumot olish mumkin.

• Dasturda postdoktorantura tadqiqotchilari va karyerasining oʻrta bosqichidagi siyosatchilar qatnashishi mumkin;
• Doktorlik darajasi yoki unga teng darajaga ega boʻlmagan, karyerasining oʻrta bosqichidagi siyosatchilarning arizalari ham qabul qilinadi. Buning uchun ular CV/rezyumelarida tegishli darajadagi professional tajriba va tadqiqotga qiziqishlarini koʻrsatishlari kerak.

• Dastur davomida oylik stipendiya (uy-joy subsidiyasini oʻz ichiga olgan holda) va Singapurga borish-kelish uchun aviachipta beriladi;
• Professor Vang Gungvu bilan uchrashuv tashkil qilinadi;
• Nomzodga tadqiqot qilish uchun maxsus joy, kompyuter jihozlari, IT xizmatlari, universitet kutubxonasi va zarur hollarda undagi boshqa obyektlardan foydalanish imkoniyati beriladi;
• Xarajatlarni qisman/toʻliq taqsimlash boʻyicha takliflar ham koʻrib chiqiladi;
• Tadqiqot natijalari boʻyicha nashr qilish va seminarda nutq soʻzlash mumkin.

• Dasturda qatnashishni istaganlar talab qilingan barcha hujjatlarni development@iseas.edu.sg elektron manziliga joʻnatishlari kerak.
• Elektron pochtaning mavzu qismiga “Application for ISEAS Wang Gungwu Visiting Fellows Programme 2026 – [Ism va familiya]” kiritiladi.

Kerakli hujjatlar:

• Biriktirilgan xat (Cover Letter);
• CV/rezyume;
• Tadqiqot bayonoti (3 bet, ikki intervallik) quyidagilarni oʻz ichiga olish kerak:
• Tadqiqot sohasi, tadqiqot metodologiyasi, vaqt jadvali va kutilayotgan natijalar;
• Universitetda yashash joyidagi dastur davomiyligi;
• 2 ta tavsiyanoma. Tavsiya beruvchilar nomzodga bergan tavsiyanomasini development@iseas.edu.sg elektron manziliga “Application for ISEAS Wang Gungwu Visiting Fellows Programme 2026 – [Reference Letter for (nomzodning ismi va familiyasi)]” mavzusida yuborishi kerak;
• Qisman/toʻliq xarajatlarni taqsimlash boʻyicha taklif (agar mavjud boʻlsa).

• Dasturga hujjat topshirish uchun oxirgi muddat: 29-iyul, 2025-yil (21:00);
• Dastur broshyurasini yuklab olish bu yerda;
• Email: development@iseas.edu.sg.