Tadqiqotchilar uchun Singapurda xarajatlari qoplanadigan dastur — Amgen Scholars Asia Program 2026

Bakalavriat talabalari uchun dunyoning yetakchi taʼlim va ilmiy muassasalarida amaliy yozgi tadqiqot imkoniyatini beruvchi 8 haftalik intensiv dastur — Amgen Scholars Asia Program 2026 taqdim etiladi.

Dasturining asosiy maqsadi — biologiya yoki unga aloqador fanlar boʻyicha faoliyatini davom ettirmoqchi boʻlgan hamda magistratura yoki doktorantura orqali ilmiy faoliyatni rivojlantirishni istovchi bakalavriat talabalarini qoʻllab-quvvatlashdir.

Dastur 2026-yil 2-iyundan 6-avgustgacha davom etadi.

Maʼlumot uchun: Amgen Scholars Program dasturi 2006-yilda AQShda, 2008-yilda Yevropada va 2015-yilda Yaponiyada ishga tushirilgan. Singapur Milliy Universiteti (NUS) esa 2018-yilda ushbu nufuzli dasturni Osiyoda taqdim etayotgan jahondagi yetakchi muassasalar qatoriga qoʻshildi.

Dastur haqida batafsil ushbu havola orqali maʼlumot olish mumkin.

Dastur uchun nomzodlar quyidagi talablarga javob beruvchi bakalavriat talabalari boʻlishi kerak:

• Osiyoda joylashgan va tegishli yoʻnalishlar boʻyicha bakalavr darajasi (yoki unga tenglashtirilgan daraja) beradigan kollej yoki universitetlarda oʻqiyotgan boʻlishi;
• Yozgi dastur boshlanishi paytida bakalavriatning kamida birinchi kursini tamomlagan boʻlishi;
• Yozgi dastur boshlanishidan oldin bitiruvchi boʻlmasligi hamda dastur tugagandan soʻng kamida yana bir semestr yoki bir chorak davomida bakalavr oʻqishini davom ettirishi kerak;
• Dasturda toʻliq qatnashish shart.

Asia Program dasturi uchun nomzodlardan quyidagilar ham talab qilinadi:

• Kuchli akademik koʻrsatkichlar ega boʻlish;
• PhD darajasiga ega boʻlish istagi boʻlishi;
• Ingliz tilini yaxshi bilish:
  • TOEFL (iBT) boʻyicha minimal ball – 72;
  • IELTS umumiy koʻrsatkich – 5,5;
  • Cambridge English FCE sertifikati;
  • TOEIC umumiy bali 1095, yoki TOEIC L&R – 785, yoki TOEIC S&W – 310;
  • Yoki joriy universitetdan darslar asosan ingliz tilida oʻqitilishini tasdiqlovchi rasmiy xat.

Ishtirokchilardan quyidagilar kutiladi:

• Singapur Milliy Universiteti tomonidan taqdim etilgan turar joyda yashash;
• Tadqiqot guruhining kundalik faoliyatida toʻliq ishtirok etish, laboratoriyadagi barcha aʼzolarning ishiga hurmat bilan munosabatda boʻlish va laboratoriya yigʻilishlari yoki boshqa uchrashuvlarda qatnashish;
• Laboratoriya ishini boshlashdan oldin xavfsizlik boʻyicha trening va testdan oʻtish;
• Tanishuv kuni, barcha majburiy konferensiyalar, faoliyatlar va ijtimoiy tadbirlarda qatnashish.
• Oʻz yozgi tadqiqot loyihasini taqdim etuvchi poster va ogʻzaki prezentatsiya tayyorlash;
• Loyiha yakunlangach yozma hisobot taqdim etish;
• 2026-yilda Yaponiyaning Tokio shahrida boʻlib oʻtadigan Amgen Scholars Asia Symposiumda loyiha bilan qatnashish va taqdimot qilish.

Xalqaro olimlar uchun (International Scholars):

• Turar joy bilan taʼminlanadi;
• Sayohat xarajatlari uchun 1,500 SGD (~$1,100) miqdorida pul beriladi;
• 8 haftalik dastur uchun 6,000 SGD (~$4,600) miqdorida stipendiya taqdim etiladi;
• Viza uchun yordam beriladi va xarajatlari qoplanadi;

Mahalliy olimlar uchun (Local Scholars):

• Turar joy bilan taʼminlanadi;
• Sayohat xarajatlari qoplanadi;
• 8 haftalik dastur uchun 6,000 SGD (~$4,600) miqdorida stipendiya taqdim etiladi.

Shuningdek quyidagi afzalliklardan foydalanish mumkin:

• Yetakchi ilmiy rahbarlar tomonidan bilim beriladi;
• Singapur Milliy Universitetidagi magistratura dasturi imkoniyatlari boʻyicha axborot sessiyalari oʻtiladi;
• Olimlar bilan uchrashish va muloqot qilish imkonini beruvchi seminarlar olib boriladi;
• Kutubxona, Universitet Sogʻliqni Saqlash Xizmati va Sport Markazi kabi kampus infratuzilmalaridan foydalanish imkoniyati mavjud;
• Oʻquv sayohatlari va ijtimoiy ekskursiyalar oʻtkaziladi.

Eslatma: Baʼzi xizmatlar uchun toʻlov talab qilinishi mumkin.

Dasturda qatnashishni istaganlar ushbu havola orqali ariza topshirishlari mumkin.

Kerakli hujjatlar (barchasi PDF shaklda boʻlishi kerak):

• Talabalik holati toʻgʻrisidagi xat (Student Status Letter);
• Akademik transkriptlar;
• CV;
• Shaxsiy bayonot;
• Ingliz tili boʻyicha bilim darajasini tasdiqlovchi hujjat:
• Tavsiyanoma.

Muhim: Agar ariza talab va koʻrsatmalarga muvofiq topshirilmasa, koʻrib chiqilmaydi. Barcha hujjatlarni ZIP faylga jamlash va faylni nomzodning toʻliq ismi bilan nomlangandan soʻng yuklash lozim.

Hujjat topshirishda kerak boʻladigan barcha qoidalar bilan ushbu havola orqali tanishib chiqish mumkin.

• Dasturga hujjat topshirish uchun oxirgi muddat: 31-yanvar, 2026-yil (21:00);
• Saralangan nomzodlar 2026-yil mart oyi oʻrtalarida xabardor qilinadi;
• Tel: 6516 2692;
• Email: dbssec@nus.edu.sg.

Quyidagi ijtimoiy tarmoqlar orqali qoʻshimcha maʼlumot olish mumkin:

• Facebook;
• Instagram;
• Twitter;
• Linkedin.