Tailandda magistratura bosqichini to'liq moliyalashtirilgan holda o'qish imkonini beruvchi CGI Scholarships granti

Tailandda joylashgan Chulabhorn Graduate Institute (CGI) magistratura bosqichini toʻliq moliyalashtirilgan holda oʻqish imkonini beruvchi CGI Scholarships grantini taqdim etadi. Dasturda qatnashishni istagan xalqaro talabalar uchun jami 15 ta joy ajratilgan.

Dastur 6 haftalik malaka oshirish kurslarini qamrab oladi, shuningdek, grant talabaning har yilgi yutuqlari koʻrib chiqilishi sharti bilan 2 yil davomida beriladi.

Grant quyidagi yoʻnalishga taqdim etiladi:

• Applied Biological Sciences: Environmental Health;
• Environmental Toxicology;
• Chemical Sciences.

Maʼlumot uchun: Chulabhorn Graduate Institute (CGI) koʻp tarmoqli oliy taʼlim muassasasi boʻlib, 2005-yilda professor Chulabhorn Krom Phra Srisavangavadhana tashabbusi bilan tashkil etilgan. Institutning maqsadi mamlakatning barqaror rivojlanish yoʻlidagi ehtiyojlarini yanada yaxshiroq qondirish uchun olim va yetakchilarni yetishtirishdir. Ayni shu maqsadda institut yetakchi taʼlim va tadqiqot muassasalarida qoʻllaniladigan eng soʻnggi interaktiv oʻqitish usullaridan foydalanadi. Hozirda institut Applied Biological Sciences: Environmental Health, Environmental Toxicology, and Chemical Sciences boʻyicha magistrlik darajasi uchun dasturlarni taklif qilmoqda.

Dastur haqida batafsil ushbu havola orqali maʼlumot olish mumkin.

• 30 yoshgacha boʻlgan barcha nomzodlar qatnashishi mumkin;
• Ishtirokchilar quyidagi yoʻnalishlardan birida kamida GPA 2.75 ball bilan bakalavr darajasiga ega boʻlishi kerak:
  • Sciences: Chemistry, Biology, Biological Sciences, Molecular Biology, Environmental Sciences;
  • Medical Sciences: Medicine, Medical Technology;
  • Pharmacy or Pharmaceutical Sciences.
• Boshqa tegishli sohalardagi nomzodlar ham ariza topshirishi mumkin;
• Ingliz tilini bilish lozim (IELTS/TOEFL);
• Nomzodlar ilmiy laboratoriya tadqiqotlarida tajribaga ega boʻlishi kerak.

Muhim: Ishtirokchilar ingliz tilini bilish darajasini koʻrsatish maqsadida TOEFL yoki IELTS sertifikatini taqdim etishlari soʻraladi.

• Oʻqish va boshqa akademik toʻlovlar (kredit toʻlovi, laboratoriya xarajatlari, malaka oshirish kursi, roʻyxatga olish toʻlovi, dissertatsiya toʻlovi, tezis hujjatlarini tayyorlash) toʻliq qoplanadi;
• Borish-kelish uchun aviachipta bilan taʼminlanadi;
• Oylik stipendiya beriladi;
• Viza toʻlovi, koʻchib oʻtish, yashash, turarjoy, kitoblar va tibbiy sugʻurta uchun mablagʻ ajratiladi.

• Dasturda qatnashishni istaganlar ariza shaklini toʻldirib, kerakli hujjatlar bilan birga cgi_academic@cgi.ac.th elektron manziliga yuborishlari kerak;
• Barcha hujjatni onlayn tarzda topshirib boʻlgandan soʻng, quyidagi manzilga pochta qilib joʻnatilishi lozim: 

Chulabhorn Graduate Institute (CGI Scholarship Program)
54 Kamphangphet 6 Road, Talat Bang Khen, Laksi, Bangkok 10210 THAILAND.

Ariza shakli bilan birga quyidagi hujjatlar taqdim etilishi kerak:

• Toʻliq akademik transkriptlar;
• 3 ta tavsiyanoma;
• Tadqiqotga boʻlgan qiziqishni tushuntiruvchi bayonot;
• Tibbiyot tarixi boʻyicha hisobot;
• Arizalarni tekshirishni osonlashtirish uchun boshqa tasdiqlovchi hujjatlar.

Eslatma: Talab qilingan hujjatlari toʻliq boʻlmagan arizalar koʻrib chiqilmaydi.

• Takroran soʻraladigan savollarga javob bu yerda;
• Institutning kampusi haqida batafsil bu yerda;
• Email: cgi_academic@cgi.ac.th; 
• Tel: +(66 2) 554-1900/2130;
• Faks: +(66 2) 554-1991;
• Manzil: The Chulabhorn Graduate Institute
  54 Kamphangphet 6 Road, Talat Bang Khen, Laksi, Bangkok 10210 THAILAND.

Muhim sanalar:

• Dasturga hujjat topshirish uchun oxirgi muddat: 30-sentabr, 2025-yil;
• Yakuniy natijalar 2026-yil yanvar oyida eʼlon qilinadi;
• Dastur 2026-yil avgust oyida boshlanadi.

Quyidagi ijtimoiy tarmoqlar orqali qoʻshimcha maʼlumot olish mumkin:

• Twitter;
• Facebook;
• Linkedin.