Talaba va bitiruvchilar uchun Samarqandda barcha xarajatlari qoplanadigan turar joy mikrorayonlarida “uchinchi makon”ni xaritalash dasturi
-
01/02/2026 Qabul boshlanishi
-
Toʻliq Moliyalash turi
-
Oʻzbekiston Davlat
-
15.02.2026 Oxirgi muddat
Umumiy maʻlumotlar
Samarqandda 2026-yil 23–30 mart kunlari turar joy mikrorayonlarida “uchinchi makon”ni xaritalash dasturi oʻtkaziladi. Ijtimoiy-makonsal amaliyotlarni oʻrganish, maydon dokumentatsiyasi, xaritalash va vizual hikoya qilishni oʻrganish dasturlari. Arxitektura, shaharsozlik, sanʼat, ijtimoiy fanlar sohasidagi talabalar va bitiruvchilar qatnashishi mumkin.
Workshop yetti kun (23-20 mart kunlari) davom etadi. Ishtirokchilardan kuniga taxminan 6 soatni dala tadqiqotlariga —xaritalash va hujjatlashtirishga, shuningdek universitetda oʻtkaziladigan muhokama va tahlil ishlariga ajratish kutiladi. Workshop yakunida ishtirokchilar Samarqanddagi turar joy mikrorayonlarida joylashgan umumiy makonlarni hujjatlashtirish va asosiy xaritalash boʻyicha amaliy tajribaga ega boʻladilar. Ishtirokchilar toʻplangan materiallarni tartibli va aniq taqdim etish koʻnikmalarini oʻzlashtiradilar. Workshop yakunida 30-mart kuni kichik jamoat koʻrgazmasi ochiladi. Workshop yakunida barcha ishtirokchilarga ishtirok etganlik uchun sertifikat taqdim etiladi.
Dastur haqida ushbu havola orqali toʻliq maʼlumot olish mumkin.
Maqbullik shartlari
Dasturda ishtirok etish uchun quyidagi talablar mavjud:
- Workshopda arxitektura, urbanistika, shahar rejalashtirish, sanʼat va vizual tadqiqotlar, ijtimoiy fanlar hamda ularga yaqin sohalarda taʼlim olayotgan yuqori bosqich talabalari va yaqinda bitirgan mutaxassislar qatnashishlari mumkin;
- Shuningdek, vizual amaliyotlarga — fotografiya, video va fazoviy hikoyalashga (spatial storytelling) qiziqishi kuchli boʻlgan nomzodlar ham ariza topshirishlari mumkin;
- Maxsus professional tajriba talab etilmaydi — tanlov jarayonida motivatsiya, qiziquvchanlik va dala sharoitida jamoa bilan ishlashga tayyorlik ustuvor ahamiyatga ega boʻladi;
- Dastur ingliz tilida olib boriladi, shuning uchun, ishtirok etish uchun ogʻzaki va yozma muloqot uchun yetarli darajada ingliz tilini bilish talab etiladi.
Dastur talablari haqida ushbu havola orqali batafsil maʼlumot olish mumkin.
Foydali tomonlari
Dasturning quyidagi foydali tomonlari mavjud:
- Tanlangan barcha ishtirokchilar (Samarqand va boshqa hududlardan) uchun workshop ishtiroki tashkilotchilar tomonidan toʻliq qoplanadi. Dasturga har kuni tushlik ham kiritilgan.
- Bundan tashqari, Oʻzbekistonning boshqa hududlaridan boʻlgan 2 nafar ishtirokchi toʻliq qoʻllab-quvvatlashga ega boʻladi, jumladan:
- Samarqandga borish va qaytish yoʻl xarajatlari;
- yashash joyi;
- workshopda ishtirok etish;
- tushliklar;
- Boshqa ovqatlanish xarajatlari ishtirokchilar tomonidan mustaqil qoplanadi.
- Workshop yakunida barcha ishtirokchilarga ishtirok etganlik uchun sertifikat taqdim etiladi.
Eslatma! Samarqandda yashamaydigan va moliyalashtirishni olmoqchi boʻlgan nomzodlar bu haqda motivatsion xatda yozishlari lozim.
Qoʻshimcha maʻlumotlar
Tashkilotchilar:
- Art Station Gallery va Anastasiya Galimova (Oʻzbekiston); Omar Nagati, CLUSTER (Misr); Elisa Wynne-Hughes, Cardiff University (Buyuk Britaniya);
- Workshop British Council koʻmagida va Silk Road University, Samarqand bazasida oʻtkaziladi.