Talabalar uchun Amerikada xarajatlari qoplanadigan intensiv yozgi trening — BDSY Summer Program

Bakalavriat talablari uchun katta hajmli maʼlumotlar yoʻnalishi boʻyicha dastur — Big Data Summer Immersion at Yale (BDSY) taqdim etiladi.

Ushbu intensiv dastur katta hajmli maʼlumotlardan inson salomatligini yaxshilash maqsadida samarali foydalanish koʻnikmalarini beradi.

Dastur davomida ishtirokchilar biostatistika, statistika, muhandislik, epidemiologiya va kompyuter fanlari boʻyicha bilimlarni inson salomatligidagi dolzarb muammolar bilan birlashtirishday noyob oʻquv tajribasiga ega boʻlishadi.

Dastur sogʻliq sohasidagi katta maʼlumotlar bilan bogʻliq muammolarni hal qilishga tayyor boʻlgan talaba va yetakchilarning yangi avlodini shakllantirish uchun moʻljallangan.

Quyidagi mavzular boʻyicha maʼruzalar oʻtiladi:

• Data Acquisition;
• Database Management;
• Common computing platform;
• Data Structures;
• Data Integration and Linkage;
• Data Visualization;
• Data Ethics;
• Epidemiology;
• Probability and Statistical Inference;
• Cloud, Parallel and Distributed Computing;
• Optimization;
• Sampling Methods: MCMC;
• Medical Informatics/Computing
• Matrix Computation;
• Bias and Confounding;
• Missing Data;
• Causal Inference;
• Precision Medicine;
• Cardiovascular Health;
• Machine Learning;
• Graphical Models;
• Sparse Learning with Matrices;
• Social Network Analysis;
• Imaging.

Dastur 2026-yil 15-iyundan 24-iyulgacha AQSHning Konnektikut shtatida joylashgan New Haven shahrining Yale universitetida boʻlib oʻtadi.

Dastur haqida batafsil ushbu havola orqali maʼlumot olish mumkin.

• Bakalavriatning 3- va 4-bosqichiga oʻtayotgan talabalarga ustuvorlik beriladi;
• Bitiruvchi talabalar ham ariza topshirishlari mumkin;
• 6 haftalik dasturda toʻliq qatnashish shart;
• Ingliz tilini dasturda qatnashish darajasida bilish lozim;
• Nomzod ilmiy tadqiqotlar olib borishga qiziqishi va yoʻnalish boʻyicha bilimga ega boʻlishi kerak.

• Turarjoy bilan taʼminlanadi;
• $1,600 miqdorida stipendiya beriladi;
• Sayohat xarajatlari uchun $750, ovqatlanish xarajatlari uchun $750 ajratiladi;
• Professor oʻqituvchilar tomonidan maʼruzalar oʻtiladi;
• Mentorlik ostidagi ilmiy-tadqiqot loyihalari olib boriladi;
• Ijtimoiy tadbirlar oʻtkaziladi;
• Kasbiy rivojlanish uchun imkoniyat.

Dasturda qatnashishni istaganlar ushbu havola orqali ariza topshirishlari mumkin.

Ariza 3 qismdan iborat:

1. Shaxsiy maʼlumotlar;
2. Akademik maʼlumotlar;
3. Ariza maʼlumotlari.

Quyidagi hujjatlarni bitta PDF fayl shaklida yuklash soʻraladi:

• Shaxsiy bayonot. Bunda nomzodning dasturga qiziqishi va uning taʼlimi hamda kelajakdagi kasbiy rejalariga qanday foyda keltirishi tavsiflanishi kerak (maksimal 2 sahifa);
• CV/rezyume;
• Norasmiy transkriptlar;
• Tavsiyanoma(lar). Bunda kamida bitta tavsiyanoma beruvchi shaxsning aloqa maʼlumotlarini kiritish soʻraladi, u nomzodning akademik qobiliyati va guruhda tadqiqot olib borish salohiyati haqida eng yaxshi fikr bildira olishi kerak.

Hujjat topshirishda muhim eslatmalar:

• Nomzod faqat bitta ariza topshirishi mumkin;
• Shaxsiy maʼlumotlar boʻlimini toʻldirgach, formaning pastiga tushib, “Save and Return Later” tugmasini bosib, arizani saqlash va keyin davom ettirish mumkin. Bu tugma nomzodga arizani davom ettirish uchun havolani elektron pochta orqali yuboradi.
• Ariza soʻnggi sahifadagi “Submit” tugmasini bosmaguncha qabul qilinmaydi.
• Arizani topshirilgandan soʻng, tavsiyanoma beruvchilar nomzodning nomidan tavsiyanoma yuborishlari soʻralgan elektron xabar oladi. Ularning tavsiyanomasi qabul qilingach, ishtirokchi elektron pochta orqali tasdiq xabarini oladi va ariza toʻliq hisoblanadi.

• Dasturga hujjat topshirish uchun oxirgi muddat: 13-mart 2026-yil;
• Natijalar 2026-yil 1-aprelga qadar eʼlon qilinadi;
• Email: bdsy.ysph@yale.edu;
• Linkedin ijtimoiy tarmogʻi orqali ham qoʻshimcha maʼlumot olish mumkin.