Talabalar uchun AQShning nufuzli kompaniyalarida haq to'lanadigan amaliyot dasturi — Google Public Policy Fellowship

Internet va texnologiya siyosatiga qiziqqan talabalarga bir semestr davomida Vashingtonda joylashgan jamoat tashkilotlarida amaliyot o'tash imkoniyatini beruvchi Google Public Policy Fellowship 2025 dasturi taqdim etiladi.

Dastur internet va texnologiya siyosatiga qiziqqan talabalarga semestrni ushbu masalalar bo'yicha jamoatchilik muloqotiga hissa qo'shish hamda kelajakdagi akademik va kasbiy qiziqishlarini o'rganish imkoniyatini beradi.

Ishtirokchilar soha bo'yicha katta tajribaga ega va jamoatchilik bilan aloqalar bo'yicha birinchi o'rinda turadigan quyidagi tashkilotlarida amaliyot o'tashlari mumkin:

• The American Action Forum;
• The Aspen Institute;
• Bipartisan Policy Center (BPC);
• The Cato Institute;
• The Center for Democracy and Technology (CDT);
• The Center for European Policy Analysis (CEPA);
• Center for the National Interest;
• Chamber of Progress;
• Computer & Communications Industry Association (CCIA);
• Connected Commerce Council (3C);
• The Developers Alliance (DA);
• Engine Advocacy;
• Information Technology & Innovation Foundation (ITIF);
• LGBT Tech;
• Muslim Public Affairs Council (MPAC);
• National Taxpayers Union Foundation (NTU);
• Open Technology Institute (New America);
• Progressive Policy Institute (PPI);
• Public Knowledge;
• R Street Institute;
• Tech Policy Institute (TPI);
• TechFreedom;
• TechNet.

Ma'lumot uchun: Google dasturni moliyalashtirish va ma'muriy yordam bilan ta'minlaydi. Qabul qiluvchi tashkilotlar nomzodlarni ko'rib chiqadi, amaliyotchilarni tanlaydi va ularni to'liq nazorat qiladi.

Dastur haqida batafsil ushbu havola orqali ma'lumot olish mumkin.

• Internet va texnologiya siyosatiga qiziqqan 18 yosh yoki undan yuqori talabalar qatnashishi mumkin (2025-yil 1-yanvar holatiga ko'ra);
• Yuqori akademik ko'rsatgichlarga ega va volontyorlik faoliyati bilan shug'ullangan bo'lish kerak;
• Nomzod o‘zi tahsil olgan mamlakatida ishlash huquqiga ega bo‘lishi shart;
• Kuchli tahliliy, aloqa, tadqiqot va yozish qobiliyatlarini namoyon qilish lozim;
• Bir vaqtning o'zida va samarali ravishda bir nechta loyihalarni boshqarish hamda tezkor muhitda aqlli va zukkolik bilan ishlash qobiliyati talab qilinadi;
• Ingliz tilini dasturda qatnashish darajasida bilish lozim;
• Talabgor avval dasturda qatnashmagan bo'lishi kerak;
• Yuqori sinf o'quvchilari ham ishtirok etishi mumkin (2025-yil 30-avgust holatiga ko‘ra kollej yoki universitet dasturiga o‘qishga kirgan bo‘lsa).

Eslatma: Google talabani akkreditatsiyadan o‘tgan kollej, universitet, bakalavriat, magistratura va PhD dasturlariga o‘qishga kirgan yoki qabul qilingan shaxs sifatida belgilaydi. Tanlov 2025-yil 30-avgustgacha akkreditatsiyadan o‘tgan universitetga ro‘yxatdan o‘tishga asoslanadi.

• To'liq kunlik yoki haftasiga 40 soat ishlaydiganlar 12,000 AQSh dollari miqdorida, yarim kunlik yoki haftasiga 20 soat ishlaydiganlar 6,000 AQSh dollari miqdorida stipendiya oladi;
• Vashingtonda joylashgan nufuzli tashkilotlarida amaliyot o'tash imkoniyati.

Mezbon tashkilotlar bilan ushbu havola orqali tanishib chiqish mumkin.

Dasturda qatnashishni istaganlar ushbu havola orqali ariza topshirishlari mumkin.

Ariza topshirishda quyidagi 7 ta bo'limni to'ldirish so'raladi:

• Shaxsiy ma'lumotlar;
• Hozirda bilim olayotgan ta'lim dargohi haqida ma'lumotlar;
• Tavsiyanomalar;
• Rezyume;
• Afzal ko'rilayotgan tashkilot;
• Shaxsiy bayonot;
• Arizani topshirish.

Muhim: Arizalar qabul qiluvchi tashkilotlar tomonidan doimiy ravishda ko'rib chiqiladi. Nomzodlar imkon qadar ertaroq murojaat qilishi tavsiya qilinadi, chunki ba'zi tashkilotlar ariza topshirish muddati tugagunga qadar amaliyotchilarni qabul qilgan bo'ladi.

• Dasturga hujjat topshirish uchun oxirgi muddat: 4-aprel, 2025-yil (21:00);
• Ariza qabul qilinganligi haqidagi tasdiqlovchi elektron pochta xabarini yuborilmaydi. Mezbon tashkilotlar to'g'ridan-to'g'ri nomzodlar bilan bog'lanadi.
• Takroran so'raladigan savollarga javob bu yerda.