Talabalar uchun Koreyada barcha xarajatlari qoplanadigan yozgi maktab — Kaist EE Camp 2025

Janubiy Koreyada elektrotexnika (Electrical Engineering) sohasida 1-oʻrinda, dunyoda 31-oʻrinda turadigan KAIST universitetida magistratura bosqichini oʻqishni rejalashtirayotgan yoki unga qiziqqan iqtidorli talabalar uchun toʻliq moliyalashtiriladigan Kaist EE Camp 2025 yozgi maktab dasturi taqdim etiladi.

Dastur 2025-yil 25-avgustdan 26-avgustgacha Janubiy Koreyaning Daejeon shahrida joylashgan KAIST universitetining asosiy kampusida oʻtkazilishi rejalashtirilgan (Sayohat jadvallarini hisobga olgan holda, dastur davomiyligi uzaytirilishi mumkin). Dastur davomida ishtirokchilar universitet va undagi magistratura boʻyicha yoʻnalishlar hamda hujjat topshirish jarayonlari haqida kerakli maʼlumotlarga ega boʻlishadi. Bundan tashqari, hozirda universitetda tahsil olayotgan talabalar bilan uchrashish va ular bilan fikr almashish imkoniyati taqdim etiladi.

Dastur haqida batafsil ushbu havola orqali maʼlumot olish mumkin.

• KAIST universitetida magistratura bosqichini oʻqimoqchi boʻlgan barcha iqtidorli talabalar ishtirok etishi mumkin;
• Bakalavr bosqichining 4-kurs talabalariga ustunlik beriladi;
• Nomzod kompyuter fanlari, materialshunoslik, fizika, matematika va unga yaqin sohalardan birida tahsil olayotgan boʻlishi lozim;
• Ingliz tilini dasturda qatnashish darajasida bilish kerak.

• Koreyaga borish-kelish, turarjoy va ovqatlanish xarajatlari qoplanadi;
• KAIST kampusi va laboratoriyasi bilan yaqindan tanishish imkoniyati;
• Universitetdagi professorlar bilan uchrashuvlar oʻtkaziladi.

Dasturda qatnashishni istaganlar ushbu havola orqali ariza topshirishlari mumkin.

Hujjat topshirishda quyidagilar soʻraladi:

• Nomzodning shaxsiy maʼlumotlari;
• Taʼlim olgan muassasasi nomi va joylashuvi;
• Nomzodning yoʻnalishi;
• Universitetni bitirgan yoki bitiradigan sanasi;
• GPA koʻrsatkichi;
• CV (PDF formatda);
• Akademik transkriptlar (PDF formatda);
• Nomzodning muvaffaqiyatini koʻrsatuvchi boshqa hujjatlar PDF formatda yuklanadi (agar boʻlsa);
• Talabgor nima uchun KAISTga tashrif buyurishni xohlayotganini qisqacha taʼriflaydi (maksimal 3000 ta belgi).

Eslatma: Jadval tigʻiz boʻlganligi uchun nomzodlarga viza va pasportlarini oldindan tayyorlash tavsiya etiladi.

Hujjat topshirishdan oldin dastur haqidagi poster bilan ham tanishib chiqish lozim.

• Dasturga hujjat topshirish uchun oxirgi muddat: 23-may, 2025-yil;
• Saralanganlarga 2025-yil 5-iyuldan kechiktirmasdan elektron pochta orqali xabar beriladi;
• Email: eeio@kaist.ac.kr;
• Tel: 042-350-2114;
• Takroran soʻraladigan savollarga javob bu yerda.

Quyidagi ijtimoiy tarmoqlar orqali qoʻshimcha maʼlumot olish mumkin:

• Twitter;
• Facebook;
• Instagram;
• YouTube.