Talabalar uchun matematika fanidan “Qori Niyoziy” olimpiadasida ishtirok etib pul mukofotiga ega boʻlish imkoniyati

Oʻzbekiston Respublikasi Fanlar akademiyasi V.I.Romanovskiy nomidagi Matematika instituti, “Akademik Qori Niyoziy merosi” ilmiy-metodik markazi va KHISO olimpiada maktabi hamkorligida barcha oliy taʼlim muassasalarining bakalavriat talabalari uchun matematika fanidan ikki bosqichli “Qori Niyoziy” olimpiadasiga start berildi.

21-noyabr kuni khiso.uz saytida soat 12:00 dan 16:00 ga qadar olimpiadaning asosiy saralash bosqichi oʻtkaziladi.

Saralashda eng yuqori natija koʻrsatgan 25 nafar talaba oflayn tarzda oʻtadigan final bosqichida ishtirok etish huquqini qoʻlga kiritadi. G'oliblar pul mukofoti bilan taqdirlanadi.

• Olimpiadada barcha oliy taʼlim muassasalarining bakalavriat talabalari ishtirok etishi mumkin.

Final bosqichi gʻoliblari quyidagicha pul mukofotlari bilan taqdirlanadi:

• 1-oʻrin: 750.000 soʻm;
• 2-oʻrin: 600.000 soʻm;
• 3-oʻrin: 450.000 soʻm;
• 4-oʻrin: 300.000 soʻm;
• 5-oʻrin: 150.000 soʻm;

Talabalar “Qori Niyoziy“ olimpiadasining asosiy saralash bosqichida ishtirok etishi uchun @khiso_uz1_bot orqali roʻyxatdan oʻtishlari lozim.

• Testlar soni 30 ta boʻlib, 3 xil qiyinlik darajasida va 3 xil baholash asosida beriladi:
  • (1-10) 10 ta sodda testga 9 balldan;
  • (11-20) 10 ta oʻrtacha testga 15 balldan;
  • (21-30) 10 ta murakkab testga 26 balldan.

Saytdan foydalanish boʻyicha qoʻllanma ushbu havolada berilgan.

• 1-amal: Dastlab Google chrome yoki Mozilla kabi brauzerlarga va khiso.uz saytiga kiriladi. Telegramning oʻzi orqali kirish mumkin emas!
• 2-amal: Oʻng yuqori burchakda turgan Roʻyxatdan oʻtish tugmasa bosib, maʼlumotlarni toʻldirib shaxsiy akkaunt (profil) ochish kerak. Batafsil ushbu havolada berilgan;
• Profil ochgandan keyin shaxsiy maʼlumotlar boʻlimidan ism-familiya-sharfingizni kiritish shart! Aks holda sertifikat boʻsh chiqadi;
• 4-amal: “Olimpiadalar” boʻlimiga kiriladi va “yangi/roʻyxatdan oʻtilgan/qatnashilgan” boʻlimchalarini koʻrish kerak.. Agar nomzod hali olimpiadaga yozilmagan boʻlsa, “yangi” boʻlimchasida turadi. Olimpiadaga yozilgandan keyin u “roʻyxatdan oʻtilgan” boʻlimiga oʻtiladi. Olimpiada boshlanish vaqtiga qadar uning statusi “kutish” holatida boʻladi. Boshlanish vaqti kelgach status “boshlangan” rejimiga oʻtadi. Bu haqida batafsil ushbu havolada berilgan;
• Asosiy qoida: Olimpiadada qatnashish vaqtida telegram, imo, whatsappdan xabar yoki oddiy sms kelsa, telefon qoʻngʻirogʻi boʻlsa, internet uzulib qolsa yoki “bilmasdan chiqib ketilsa” olimpiada yopilib qoladi. Unda boshqa qatnashib boʻlmaydi.. Chunki sayt buni “gʻirromlik” (cheating) qilyapti deb qabul qiladi;
• 5-amal: Hammaga olimpiada yakunlangach, yana profildan “qatnashilgan olimpiadalar” boʻlimiga kiriladi. Ushbu boʻlimdan javoblarni tahlili va sertifikatni yuklab olish mumkin. Bu haqida quyidagi videoning davomidan tanishish mumkin.