Talabalar uchun "Mirzo Ulug‘bek vorislari" Data Science kurslari. Oylik stipendiya: 1,5 mln so'm!
-
17/06/2025 Qabul boshlanishi
-
Toʻliq Moliyalash turi
-
Oʻzbekiston Davlat
-
10/08/2025 23:59 Oxirgi muddat
Umumiy maʻlumotlar
"Mirzo Ulug‘bek vorislari" Data Science kurslari 2025-2026 o‘quv yili uchun joriy yilda 2-bosqichni tugatib, 3-bosqichga o‘tadigan talabalar uchun “Data Science Junior” kurslarini taqdim etadi. Kursda startaplar va zamonaviy muammolarni IT yechimlar bilan integratsiya qilish (Python, R, SQL, Power BI, ML, AI asoslari) ko‘nikmalari rivojlantiriladi. Tanlovda shartnoma asosida onlayn yoki kvota asosida offlayn tahsil olish mumkin. 160 nafar saralab olingan kvota sohiblari dasturda bepul tahsil olish, dastur davomida ovqatlanish, rag‘bat puli va shu kabi imkoniyatlarni qo‘lga kiritishadi. Tanlov quyidagi bosqichlarda bo‘lib o‘tadi:
- Hujjatlarni baholash (onlayn – taqdim etilgan hujjat asosida);
- IQ test (xorijiy vendor yordamida – onlayn);
- Informatika va matematika bo‘yicha imtihon (offlayn);
- Suhbat va taqdimot (offlayn).
Hujjat topshirish muddati 2025-yil 10-avgust soat 23:59 gacha davom etadi.
Maqbullik shartlari
Dasturda kvota (to'liq grant) asosida tahsil olish uchun quyidagi talablar mavjud:
- Davlat oliy ta’lim muassasalari talabalari;
- Joriy yilda 2-bosqichni tugatib, 3-bosqichga o‘tadigan talabalar;
- Akademik qarzdorligi bo‘lmagan nomzodlar;
- OTM jismoniy hayotda faol ishtirok etuvchilar (tavsiyanoma);
- Ingliz tili bilim darajasi IELTS 5.5-6.5 bo‘lgan nomzodlar;
- Web, Android, IOS kabi dasturlarni yaratish uchun bilim ko‘nikmalari bo‘lganlar;
- IQ test natijasi yuqori bo‘lgan nomzodlar;
- Matematika va informatikaga fanlarini mukammal o‘zlashtirgan nomzodlar;
- Muloqotga kirish olishdan va jonli bilan ishlash qobiliyati egalari;
- Ilmiy faoliyati yuqori bo‘lganlar (maqola, darslik, dasturiy ta’minot, ixtori egasi);
- Izlanuvchan va tirishqoq (qo‘yilgan muammoni yechishda ilmiy yondashadigan va boshlangan ishni oxiriga yetkazadigan);
- Xalqaro IT sertifikatga ega nomzodlar.
Dasturda shartnoma asosida (pulli) onlayn tahsil olish uchun quyidagi talablar mavjud:
- Istalgan OTM va istalgan kurs talabalari;
- OTM jismoniy hayotda faol ishtirok etuvchilar (tavsiyanoma);
- IQ test natijasi yuqori bo‘lganlar;
- Muloqotga kirish olishdan va jamoa bilan ishlash qobiliyatiga ega bo‘lgan nomzodlar;
- Izlanishni va tirishqoq (qiyin muammoni yechishda ilmiy yondashadigan va boshlangan ishni oxiriga yetkazadigan).
Foydali tomonlari
Dastur g‘oliblari quyidagi imkoniyatlarni qo‘lga kiritishadi:
- “Data Science Junior” kurslarida bepul tahsil olish huquqi;
- Tanlov g‘oliblari kurs davomida (bir o‘quv yilida) Toshkent shahrida tahsil oladi;
- O‘qish davri uchun issiq ovqat beriladi;
- Har oy 1,500,000 so‘m miqdorida rag‘bat pul taqdim etiladi;
- Moddiy texnik ta’minlanadi: noutbuk, internet, darsliklar, amaliyotchi mutaxassis darslari.
Qoʻshimcha maʻlumotlar
Aloqa uchun: +998 97 177 20 22
Dastur haqida quyidagi ijtimoiy tarmoqlar orqali ham ma’lumot olish mumkin: