Talabalar uchun Moskvada xarajatlari qoplanadigan yozgi maktab — Yandex Uzbekistan
-
24/03/2026 Qabul boshlanishi
-
Toʻliq Moliyalash turi
-
Oʻzbekiston Davlat
-
03.05.2026 Oxirgi muddat
Umumiy maʻlumotlar
Oʻzbekistonlik talabalar uchun Yandex kompaniyasidan Moskvada xarajatlari qoplanadigan yozgi maktab — Yandex Uzbekistan taqdim etiladi.
Dastur xalqaro ahamiyatga ega kompaniyada tajriba oʻtash va bilim olish imkoniyatini beradi. Bundan tashqari, bitiruvdan soʻng barcha ishtirokchilar Oʻzbekistonga qaytadi. Eng yaxshi ishtirokchilarga Yandex Uzbekistan jamoasiga qoʻshilish taklif qilinadi.
Dasturda ikkita yoʻnalishda qatnashish mumkin:
- Backend dasturlash maktabi;
- Mobil dasturlash maktabi.
Yozgi maktab 2026-yil 1-iyuldan 21-avgustgacha Yandex kompaniyasining Moskvadagi ofisida oʻtkazilishi rejalashtirilgan.
Dastur haqida batafsil ushbu havola orqali maʼlumot olish mumkin.
Maqbullik shartlari
- Oʻzbekiston oliy oʻquv yurtlarining IT yoʻnalishlari talabalari va yaqinda bitirganlar qatnashishi mumkin;
- Dastur yoshidan qatʼi nazar barcha uchun ochiq;
- Darslar rus tilida olib boriladi. Shuning uchun rus tilini dasturda qatnashish darajasida bilish lozim;
- Nomzod chet elga chiqish uchun barcha kerakli hujjatlarga ega boʻlishi shart;
- Yozgi maktabni bitirgandan soʻng kuzda Toshkentdagi Yandex Uzbekistan kompaniyasida amaliyot oʻtash uchun ishga joylashishga tayyor boʻlish kerak.
Backend dasturlash maktabi uchun saralash mezonlari:
- Yuqori yuklamali servislar bekendi va nafaqat u haqida yangiliklarni bilishni istagan endi ish boshlayotgan mutaxassislar;
- C++ sintaksisi va standart kutubxonasini bilish;
- Oʻqiladigan kodni yozish va xatolarni mustaqil ravishda topish qobiliyati;
- Maʼlumotlar algoritmlari va tuzilmalari asoslarini bilish.
Mobil dasturlash maktabi uchun saralash mezonlari:
- Mobil ilovalar yaratishda rivojlanishni xohlovchi boshlovchi mutaxassislar;
- Android, iOS treklari uchun Kotlin / Swift boʻyicha asosiy bilimlar — mos ravishda;
- iOS trekini oʻrganish uchun MacBook yoki boshqa MacOS kompyuteri ham kerak boʻladi;
- Tanlangan platformada ilova yaratishning minimal tajribasi;
- Algoritmik masalalarni yechish qobiliyati.
Foydali tomonlari
- Dasturda bepul qatnashish mumkin;
- Yoʻl (aviachipta) va turar joy xarajatlari qoplanadi;
- Tibbiy sugʻurta bilan taʼminlanadi;
- Ishtirokchilarga oʻqishni tamomlaganlik toʻgʻrisidagi sertifikat beriladi;
- Ish kunlari kechqurun va dam olish kunlari kunduzi maʼruzalar oʻtiladi;
- Ishlab chiqishning fulstek jamoasida biznes-vazifa ustida ishlash;
- Yandex Uzbekistan kompaniyasiga ishga kirish imkoniyati;
- Yandex xodimlari bilan turli tadbirlarda qatnashish va networking.
Eslatma: Turar joy Moskvadagi Yandex IT yotoqxonasida joylashgan.
Qoʻshimcha maʻlumotlar
- Backend dasturlash maktabi uchun kerakli materiallar bu yerda;
- Mobil dasturlash maktabi uchun kerakli materiallar bu yerda;
- Dastur boʻyicha qoʻshicha savollar bilan Telegram orqali murojaat qilish mumkin;
- Saralanganlar bilan elektron pochta orqali aloqaga chiqiladi.
Muhim sanalar:
- Dasturga hujjat topshirish: 2026-yil 24-martdan 3-maygacha;
- Suhbat: 2026-yil 4-maydan 17-iyungacha;
- Tanlov natijalarini eʼlon qilish: 2026-yil 22-iyun;
- Yandexʼning Moskvadagi ofisda oʻqish: 20267-yil 1-iyuldan 21-avgustgacha;
- Oʻzbekistonga qaytish: 2026-yil 22-avgustdan keyin.