Talabalar uchun Norvegiyada oʻtkaziladigan xalqaro talabalar festivali — ISFiT 2025

Norvegiya fan va texnologiya universiteti tomonidan talabalar uchun Norvegiyaning Trondxaym shahrida oʻtkaziladigan xalqaro talablar festivali — ISFiT 2025 taqdim etiladi.

Bu yilgi festivalning mavzusi – POWER.

Dasturdan asosiy maqsad qiziqarli mavzularni muhokama qilish va davra suhbatlari olib borish orqali turli milliy va madaniy kelib chiqishga ega talabalar toʻplash, shuningdek, ularga fikr almashinishga imkoniyat yaratishdan iborat. Festival muhim global muammolar boʻyicha muhokamalarni ragʻbatlantirish orqali talabalar oʻrtasida muloqot va aloqalarni rivojlantirdi.

Ushbu festival 2025-yilning 13-martidan 23-martigacha boʻlib oʻtadi.

Maʼlumot uchun: ISFiT (International Student Festival in Trondheim) dunyodagi eng yirik xalqaro talabalar festivali boʻlib, ikki yilda bir marta Norvegiyaning Trondxaym shahrida bahorgi semestrda oʻtkaziladi. Birinchi ISFiT festivali 1990-yilda boʻlib oʻtgan va shundan beri dunyoning turli burchaklaridan odamlar Trondxaymda har yili ushbu bayramda qatnashish uchun yigʻilishadi.

Dastur haqida batafsil ushbu havola orqali maʼlumot olish mumkin.

• 2024-2025 oʻquv yilida universitetga oʻqishga kirgan yoki tahsil olayotgan talabalar qatnashishi mumkin;
• Ingliz tilini dasturda qatnashish darajasida bilish lozim (sertifikat soʻralmaydi);
• Nomzod dasturga qiziqishi va mavzu doirasida oʻtkaziladigan tadbirlarda qatnashishga tayyor boʻlishi kerak.

Muhim: 2024-yil yanvarda oʻqishni bitirgan nomzodlarga ham ariza topshirishga ruxsat beriladi.

• Oziq-ovqat va turar joy bilan taʼminlanadi;
• Festivalda qatnashish uchun qoʻshimcha mablagʻ ajratilishi mumkin;
• Dastur doirasida turli seminar va madaniy almashinuv tadbirlari tashkil qilinadi;
• Dunyoda ijobiy oʻzgarishlar qilishga ishtiyoqmand xalqaro talabalar hamjamiyatining bir qismi boʻlish imkoniyati.

Eslatma: Sayohat qilish imkoniyatiga ega boʻlmagan ishtirokchilarga moliyaviy yordam taklif qilinadi. Biroq bu yordamning soni cheklangan va hammaga ham berilmasligini hisobga olish kerak.

Dasturda qatnashishni istaganlar ushbu havola orqali ariza topshirishlari mumkin.

Hujjat topshirishda nomzod shaxsiy maʼlumotlarini kiritishi, talabalikni tasdiqlovchi guvohnomasini (PDF shaklda, hajmi maksimal 10 MB) yuklashi hamda tadbir va uning mavzusi haqida fikrlarini aniqlashga qaratilgan savollarga javob berishi talab qilinadi.

Muhim: Agar berilgan havola orqali ariza topshirishni iloji boʻlmasa Google form orqali ham ariza topshirish mumkin.

Arizalar asosan ishtirokchining shaxsiy fikrlari va gʻoyalari asosida baholanadi! Shuning uchun sunʼiy intellektdan foydalangan holda yaratilgan insholar koʻrib chiqilmaydi.

• Dasturga hujjat topshirish uchun oxirgi muddat: 13-oktyabr, 2024-yil;
• Qoʻshimcha savollar bilan question@isfit.no elektron manziliga murojaat qilish mumkin;
• Tanlangan nomzodlarga taklif xati 17-noyabrda yuboriladi va ular taklifni qabul qilganliklari haqidagi xatni 26-noyabrgacha yuborishlari kerak boʻladi;
• Takroran soʻraladigan savollarga javob bu yerda.