Talabalar uchun Nyu-Yorkda xarajatlari qoplanadigan xalqaro konferensiya — The International Conference

Business Today tashkilotining 52-xalqaro konferensiyasi butun jahon boʻylab, bakalavriat talabalari uchun moʻljallangan boʻlib, biznes sohasiga qiziquvchilar uchun har yili oʻtkaziladi.

Konferensiya Nyu-York shahrida 2026-yilning 6-8-noyabr kunlari boʻlib oʻtadi.

Uch kunlik konferensiyada nomzodlar dunyoga maʼlum va mashhur boʻlgan biznes egalari bilan fikr almashish imkoniyatiga ega boʻladilar.

Bu yilgi konferensiya mavzusi “The Social Architecture".

Mazkur konferensiya quyidagilarni oʻz ichiga oladi:

• Maʼruzachilar bilan qiziqarli suhbatlar va panellar;

• Boshqaruv seminarlari;

• Peer-to-peer tarmogʻi;

• Ishga qabul qilish;

• Moliyalashtirish boʻyicha raqobat.

Nomzodlarning barcha xarajatlari, jumladan, sayohat, turarjоy hamda oziq-ovqat xarajatlari dastur tomonidan qoplanadi.

Dastur haqida batafsil ushbu havola orqali tanishish mumkin.

Dasturda ishtirok etish uchun nomzodlardan quyidagilar talab etiladi:

• Nomzod bakalavriat talabasi boʻlishi lozim;

• Ingliz tilida erkin muloqot qila olishi kerak;

• Konferensiya davomida tadbirlarda toʻliq qatnasha olish kerak.

Dastur talablari haqida batafsil ushbu havola orqali tanishish mumkin.

Dasturga qabul qilingan nomzodlar quyidagi imtiyozlarga ega boʻladi:

• Nomzodlarning barcha xarajatlari: AQShga safar, turarjoy, ovqatlanish kabi xarajatlari qoplanadi.

Eslatma: Viza xarajatlari dastur tomonidan qoplanmaydi.

Konferensiyada oʻz oʻrnini kafolatlash uchun $150 lik depozit toʻlovini toʻlash lozim.

Dastur imtiyozli jihatlari haqida batafsil ushbu havola orqali tanishish mumkin.

Dasturga ariza topshirish uchun ushbu havola orqali ariza shaklini toʻldirish lozim.

Dasturga quyidagi muddatlarda arizalar qabul qilinadi:

• 1-rоund qabuli: 2026-yil 20-iyun.

• 2-rоund qabuli: 2026-yil 10-avgust.

Ayni рaytda dasturning 1-rоundi uchun hujjatlar qabuli davоm etmоqda.

Eslatma: Ariza shaklidagi kiritilgan maʼlumotlar sayt qayta yuklanganda oʻchib ketishi mumkin. Shu sababdan, nomzodlarga barcha maʼlumotlarni bir martada toʻldirib, saqlashlari tavsiya etiladi.

Eng koʻp berilgan savollar roʻyxati bilan ushbu havola orqali tanishish mumkin.

Qoʻshimcha savol va murojaatlar uchun quyidagi emailga murоjaat qilish mumkin: studentrelations@businesstoday.org.