Talabalar uchun Saudiya Arabistonida amaliyot oʻtash imkoniyati — KAUST MEWC Winter Camp

Saudiya Arabistonining Qirol Abdulloh nomidagi fan va texnologiya universiteti tomonidan talabalar uchun toʻliq moliyalashtiriladigan 6 haftalik amaliyot dasturi — KAUST MEWC Winter Camp taqdim etiladi.

Dasturdan maqsad ishtirokchilarga yetakchi professor-oʻqituvchilar va ekspertlar rahbarligida mikroelektronikaning asosiy yoʻnalishlariga oid ilmiy loyihalarni faol boshqarishga imkoniyat yaratishdan iborat.

Dastur quyidagi tadbirlarni oʻz ichiga oladi:

• Turli zamonaviy elektronika sohalarida amaliy va ilgʻor tadqiqot loyihalari;
• Zamonaviy va rivojlanayotgan texnologiyalar, jumladan integral mikrosxemalar (IC), inkjet usulida chop etish, 3D formatda chop etish boʻyicha seminar va treninglar;
• Belgilangan loyiha asosida gadjet prototipini loyihalash;
• Tadqiqot koʻnikmalari va elektron plakatlarni tayyorlash boʻyicha seminarlar;
• Dastur yakunida elektron plakatlar tanlovi;
• Ijtimoiy tadbirlar.

Amaliyot dasturi 2026-yil 12-yanvardan 19-fevralga qadar Saudiya Arabistonining Qirol Abdulloh nomidagi fan va texnologiya universitetining kampusida oʻtkaziladi.

Dastur haqida batafsil ushbu havola orqali maʼlumot olish mumkin.

• Elektrotexnika va kompyuter muhandisligi boʻyicha oʻqiyotgan bakalavriatning yuqori kurs talablari, magistratura talabalari va bitiruvchilar qatnashishi mumkin;
• Nomzodning GPA darajasi 3.5 yoki undan yuqori boʻlishi kerak (4.0 shkala boʻyicha);
• Ingliz tilini yaxshi bilish lozim;
• Tadqiqot loyihalari ustida ishlash uchun kuchli motivatsiya namoyish etish zarur.

• Yashash xarajatlari uchun stipendiya beriladi;
• Logistika va viza uchun yordam koʻrsatiladi;
• Kampusda bepul turar joy bilan taʼminlanadi;
• Dasturni muvaffaqiyatli tugatgandan soʻng sertifikat beriladi;
• Jahon miqyosidagi tadqiqot vositalari va manbalariga kirish imkoniyati.

Dasturda qatnashishni istaganlar ushbu havola orqali ariza topshirishlari mumkin.

Onlayn ariza berish quyidagi bosqichlardan iborat:

1. Hisob yaratish. Har bir ishtirokchi PlutoEdu portalida arizachi sifatida roʻyxatdan oʻtadi.
2. Onlayn ariza shaklini toʻldirish. Buni bajarish uchun taxminan 5-10 daqiqa vaqt ketadi. Barcha maʼlumotlarni saqlash va keyinroq ilovaga qaytish mumkin.
3. Afzal koʻrgan tadqiqot sohasi va fakultetini koʻrsatish. Tavsiyanoma majburiy emas.

Hujjat topshirishda quyidagilar talab qilinadi:

• Tajriba va ilmiy yutuqlari koʻrsatilgan CV;
• Akademik transkriptlar (ingliz tilida);
• Pasport nusxasi.

Eslatma: Saralashdan oʻtganlargina suhbatga chaqiriladi.

• Dasturga hujjat topshirish uchun oxirgi muddat: 23-oktyabr, 2025-yil;
• Email: CEMSE.Internships@kaust.edu.sa.

Quyidagi ijtimoiy tarmoqlar orqali maʼlumot olish mumkin:

• Twitter;
• YouTube;
• Linkedin.