Talabalar uchun Xitoyda barcha xarajatlari toʻliq qoplanadigan 10 kunlik yozgi maktab — UCAS International Summer School 2024

UCAS International Summer School 2024 xalqaro yozgi maktab dasturi Xitoy Fanlar akademiyasi universiteti (UCAS) tomonidan 18-27-iyul kunlari  tashkil etilmоqda. Dastur "Global o‘zgarishlar va ekologik salomatlik" (Global Change and Ecological Health) mavzusida o‘tkazilib, xorijiy ekspertlar va olimlarni o‘zida birlashtiradi.

Ushbu dasturga dunyoning taniqli universitetlaridan ekologiya, geografik resurslar, biologiya, kimyo va boshqa tegishli fanlar bo‘yicha professional ma’lumotga ega bo‘lgan ekologiya va atrof-muhitga qiziquvchi 30-45 nafar xalqaro talabalar jalb qilinadi.

Ishtirokchilar nafaqat ekologik muhitni muhofaza qilish holatlari bilan tanishish va mutaxassislar bilan yuzma-yuz muloqot qilish imkoniga ega, balki ilmiy tadqiqot faoliyatida ishtirok etishadi va an’anaviy Xitoy madaniyati bilan tanishadilar.

Dasturda ishtirok etish bepul. Mashgʻulotlar ingliz tilida olib boriladi. Ariza topshirish 2024-yil 31-maygacha davom etadi.

Nomzodaga qo‘yilgan talablar:

• Nomzod Xitoy fuqarosi bo‘lmasligi kerak;
• 35 yoshdan oshmagan, jismonan hamda ruhan sog‘lom bo‘lishi lozim;
• Bakalavriatning oxirgi kursi, magistratura yoki doktoranturaning istalgan kursida tahsil olayotgan va yuqori akademik ko‘rsatkichiga ega bo‘lishi kerak;
• Atrof-muhitga doir fanlar, ekologiya, geografiya, resurslar, biologiya, kimyo va boshqa tegishli mutaxassisliklar bo‘yicha tegishli tajriba/ta'limga ega bo‘lishi talab etiladi. Sohalararo mutaxassisliklar ham ariza topshirishlari mumkin;
• Ingliz tilida erkin muloqot qila olishi kerak.

Dasturning quyidagi foydali jihatlari mavjud:

• Xitoyga borish/qaytish safar xarajatlari to‘liq qoplanadi;
• Bepul turarjoy va oziq-ovqat bilan ta’minlanadi;
• Tibbiy sug‘urta xarajatlari to‘lab beriladi;
• Talabalar xalqaro yozgi maktab dasturini muvaffaqiyatli tugatgandan so‘ng UCAS tomonidan bitiruv sertifikatiga ega bo‘ladilar. 
• Eng muvaffaqiyatli ishtirokchilar, shuningdek, UCAS xalqaro talaba stipendiyasi bo‘yicha tavsiya xatini olishlari mumkin.

Dastur davomida oladigan bilim va koʻnikmalari haqida batafsil ushbu havola orqali oʻqish mumkin.

Dasturda ishtirok etish uchun quyidagi hujjatlarni ariza shaklida yuklash so‘raladi:

• Pasport nusxasi (kamida olti oy muddat davomida amal qilishi kerak);
• Pasport surati o‘lchamiga mos fotosuratning elektron nusxasi;
• Bakalavr yoki magistr darajasi diplomi (hozirda talaba bo‘lganlar ta’lim muassisidan ma’lumotnoma taqdim etadilar);
• Bakalavr yoki magistr darajasi baholar transkripti (hozirda talaba bo‘lganlar shu paytgacha olgan baholarini joylaydilar);
• Ingliz tili bilim darajasini tasdiqlovchi biror hujjat (IELTS, CEFR va boshqalar);
• Dotsent yoki undan yuqori darajali professordan tavsiyanoma (ixtiyoriy).

Ariza tорshirish shartlari haqida batafsil ushbu havоla оrqali bilib оlish mumkin. Ushbu havola orqali roʻyxatdan oʻtiladi.

Nomzodlarga quyidagilar baholash jarayonida ustunlik berishi mumkin:

• Muayyan ilmiy tadqiqot tajribasiga ega;
• Magistratura yoki doktorantura yo‘nalishida kelajakda Xitoy Fanlar akademiyasi universitetida o‘qishni davom ettirishni rejalashtirgan.

Dastur haqida qо'shimcha savоllar yuzasidan quyidagi email va telefon raqamlar оrqali murоjaat qilish mumkin:

 +86-10-62522162

baiqiwei@ucas.ac.cn

 +86-13269196612

xinwang@ucas.ac.cn