Talabalar uchun Xitoyda tadqiqot qilish imkonini beruvchi xalqaro yozgi maktab - UCAS-ANSO-APRU International Summer School

Xitoyning University of Chinese Academy of Sciences (UCAS) tadqiqot instituti, The Alliance of National and International Science Organizations for the Belt and Road Regions (ANSO) va Association of Pacific Rim Universities (APRU) hamkorlikda “Earth Science for a Shared Future” dasturini e’lon qiladi. Dastur doirasida nomzodlar yer fanlari va shunga oid sohalarda eng oxirgi tadqiqotlarni o‘tkazish imkoniga ega bo‘lishadi. Dastur quyidagicha tashkillashtiriladi:

• Onlayn kurs ishi (ZOOM): 25-iyundan 1-iyulgacha- 7 kun;
• Tadqiqot amalga oshirilishi: 5-iyuldan 11-iyulgacha- 7 kun.

Tadqiqotlar 3 hamkor universitetda olib boriladi. ANSO va UCAS tomonidan ishtirokchilarning kontrakt, ro‘yxatdan o‘tish xarajatlari, mahalliy turar-joy, oziq-ovqat va sog‘liq sug‘urtasi qoplanadi. Ariza topshirish jarayonida nomzodlar asosiy muassasa sifatida universitetlardan birini tanlab yozishlari kerak bo‘ladi. Dasturga qabul jarayoni 2025-yil 30-aprelgacha davom etadi. 

Dastur haqida ushbu havola orqali to‘liq ma’lumot olish mumkin. 

• Nomzodlar o‘z davlatida bakalavr, magistratura yoki doktorantura bosqichida o‘qiyotgan bo‘lishi kerak;
• Dastur boshlanguniga qadar (2025, iyul) bakalavr bosqichining kamida 2 yilini o‘qib tugatgan bo‘lishi zarur;
• Yer, atrof-muhit, ekologiya, biologiya, kimyo, fizika/mexanika va shu kabi sohalar bo‘yicha tushuncha va bilimlarga ega bo‘lishi lozim;
• Yuqori akademik ko‘rsatkichlarga ega bo‘lishi va yer bo‘yicha tadqiqotlarga qiziqishi kerak;
• Ingliz tilini yaxshi bilishi lozim.

• ANSO va UCAS tomonidan ishtirokchilarning kontrakt, ro‘yxatdan o‘tish xarajatlari, mahalliy turar-joy, oziq-ovqat va sog‘liq sug‘urtasi qoplanadi;
• APRU va UCAS tomonidan talabalar uchun taqdim etiladigan yo‘l xarajatlari subsidiyasining ma’lum miqdori APRU a’zolari va a’lochi talabalar tomonidan ko‘rib chiqilgandan so‘ng beriladi;
• Ishtirokchilar ilmiy tadqiqot va an’anaviy Xitoy madaniyati bo‘yicha tajriba oshirish imkoniyatiga ega bo‘lishadi;
• Eng yaxshi ishtirokchilarga UCASda o‘qishi uchun grant ajratiladi;
• Ishtirokchilarga sertifikat beriladi;
• Doctoral Student Forumning eng yaxshi ishtirokchilari tantanali sertifikatlarni qo‘lga kiritishadi.

Dasturga ro‘yxatdan o‘tish jarayoni quyidagicha:

1. Nomzodlar 2025-yil 30-aprelgacha ro‘yxatdan o‘tishlari kerak;
2. Ro‘yxatdan o‘tish uchun ushbu havola orqali ariza topshirish lozim;
3. Qabul bosqichlari quyidagicha:

• Birinchi bosqich: 2025-yil, 15-aprel;
• Ikkinchi bosqich: 2025-yil, 5-may;

     4. Dasturga ariza topshirish jarayonida quyidagi hujjatlar talab qilinadi:

• Pasport nusxasi;
• 2 dyuym (5,08 sm)li bosh yalang va yuzi to‘liq olingan pasport rasmining elektron shakli;
• Universitet tomonidan berilgan oxirgi akademik transkripsiya;
• Dotsent yoki undan yuqoriroq akademik unvonga ega inson tomonidan yozilgan tavsiyanoma;
• Eng oxirgi darajaning sertifikati (ixtiyoriy);
• Eng oxirgi darajaning transkripsiyasi (ixtiyoriy);
• O‘qish sertifikatlari (ixtiyoriy);
• Ingliz tilini bilish sertifikati (ingliz tili ona tili bo‘lgan nomzodlar va APRU hamkor universitetlari talabalaridan talab qilinmaydi);
• Chop etilgan akademik ishlarning annotatsiyasi va birinchi beti (ixtiyoriy). 

Dasturga ushbu havola orqali ariza topshirish mumkin.

The Alliance of National and International Science Organizations for the Belt and Road Regions (ANSO) haqida ushbu havola orqali batafsil ma’lumot olish mumkin.

Association of Pacific Rim Universities (APRU) haqida ushbu havola orqali batafsil ma’lumot olish mumkin.

Xitoyning University of Chinese Academy of Sciences (UCAS) tadqiqot instituti haqida ushbu havola orqali batafsil ma’lumot olish mumkin.