Talabalar va maktab oʻquvchilari uchun umumiy mukofot jamgʻarmasi $100,000 ga teng boʻlgan Global Student Prize — 2025 tanlovi

Varkey Foundation hamjamiyati tomonidan oʻz tengdoshlarining hayotiga va jamiyatga ijobiy taʼsir koʻrsatishni istagan barcha iqtidorli talaba va maktab oʻquvchilari uchun Global Student Prize — 2025 tanlovi eʼlon qilinadi. Tanlovning umumiy mukofot jamgʻarmasi 100,000 AQSh dollarni tashkil etadi.

Tanlov quyidagi bosqichlardan iborat:

• 1-bosqichda topshirilgan arizalar ichida 50 nafar finalchi saralab olinadi.
• 2-bosqichda maxsus tuzilgan hakamlar hayʼati tomonidan 10 nafar ishtirokchi tanlab olinib onlayn ovoz berish usulida gʻolib aniqlandi.

Dasturdan asosiy maqsad har qanday koʻrinishda oʻz tengdoshlari va jamiyatga ijobiy taʼsir oʻtkazadigan yosh yetakchilarni topish va ularda muammolarni yengib oʻtish koʻnikmalarini yanada shakllantirish, innovatsiyalardan butun insoniyatga foyda keltiradigan gʻoyalarni amalga oshirishga ragʻbatlantirish va turli mamlakat fuqarolari bilan bir maqsad yoʻlida birlashgan kuchli global fuqarolarni tarbiyalashdir.

Dastur haqida batafsil ushbu havola havola orqali maʼlumot olish mumkin.

• Tanlovda 16 yoshga toʻlgan iqtidorli maktab oʻquvchilar va oliy taʼlim muassasasida yoki oʻquv-malaka dasturida tahsil olayotgan talabalar qatnashishi mumkin;
• Shuningdek, dasturda sirtqi taʼlim yoki onlayn kurslarda oʻqiyotgan talabalar ham ishtirok etishi mumkin;
• Ishtirokchilar ariza shaklida so'ralgan mavzu/savollarga liderlik mahorati, akademik yutuq va muvaffaqiyatlari, jamiyat rivojiga qo'shgan hissalarini insho ko'rinishida ifodalab yozishlari kerak;
• Dasturda quyidagi tillardan birini tanlab qatnashish mumkin:
  • Ingliz tili;
  • Ispan tili;
  • Ispan tili (Lotin Amerikasi);
  • Arab tili;
  • Fransuz tili;
  • Portugal tili;
  • Rus tili;
  • Xitoy tili.
• Nomzod va unga aloqador shaxslar avval sudlanmagan boʻlishi lozim;
• Ishtirokchilarning mamlakat qonunchiligi ushbu tanlovda qatnashishi va sovrin olishlarini taqiqlamasligi kerak.

Dasturning shart va qoidalari bilan batafsil ushbu havola orqali maʼlumot olish mumkin.

• Gʻolibga 100,000 AQSh dollari miqdorida pul mukofoti beriladi;
• Yetakchilik mahoratini yanada rivojlantirish va oʻz qobiliyatini keng ommaga namoyish qilish imkoniyati.

Eslatma: Gʻolibdan har yili tomonlar talab qilgan taqdirda 5,000 AQSh dollaridan ortiq mablagʻlar qanday sarflanganligi toʻgʻrisida hisobot berish talab qilinishi mumkin.

Dasturda qatnashishni istaganlar ushbu havola orqali roʻyxatdan oʻtib, ariza topshirishlari mumkin.

Nomzodlar ariza shaklida quyidagi qatʼiy mezonlar asosida saralanadi:

1. Akademik yutuqlar. Bunda nafaqat taʼlim sohasida erishgan yuqori akademik yutuqlari balki birorta loyiha orqali qoʻlga kiritgan mukofotlari (nashr etilgan yoki eʼtirofga etilgan tadqiqot ishi, professor tomonidan berilgan tavsiyanomasi, qoʻlga kiritgan grant va stipendiyalari, nomzod tomonidan tayyorlangan yuqori sifatli ilmiy taqdimot videolari)ham hisobga olinadi.
2. Oʻz tengdoshlariga taʼsir darajasi. Har qanday koʻrinishda tengdoshlariga ruhiy yoki jismoniy salomatlik muammolarini hal qilishda yordam bergan va qoʻllab-quvvatlash uchun faollik koʻrsatgan boʻlishi kerak;
3. Jamiyatda va undan tashqarida oʻzgarishlar qilish. Yetakchi talabalar jamiyatdagi eng oliy qadriyatlarni oʻzida jamlagan boʻladi:
   1. ijtimoiy oʻzgarish qilishga harakat qilish;
   2. fuqarolik harakatida faollik koʻrsatish;
   3. keksalar va yoshlar oʻrtasidagi aloqalarni mustahkamlash;
   4. mahalliy aholiga ayniqsa bolalarga bepul dars berish;
   5. irqchilik, jinsiy aloqa, iqlim oʻzgarishi va qashshoqlik kabi masalalar boʻyicha milliy va global targʻibot va faollikda ishtirok etish;
   6. ijtimoiy oʻzgarishlar uchun platformalar yaratish;
   7. qochqinlarga yordam dasturlarida qatnashish;
   8. kiber zoʻravonlikka qarshi kurashish.
4. Muammolarni yengib oʻtish. Borgan sari kattaroq muammolarga duch kelayotgan global jamiyat uchun samarali yechimlar topuvchi kelajak yetakchilari juda ham muhim. Shuning uchun nomzod har qanday qiyin vaziyatda oʻzining shaxsiy salohiyati saqlab qoluvchi kuchli ruhiyatini namoyish etishi lozim.
5. Ijodkorlik va innovatsiya. Innovatsiyalar talaba boʻlishning asosini tashkil etadi va jamiyat uchun muhim hisoblangan yangi platformalar, sanʼat asarlari, harakatlar va gʻoyalarni yaratishga yordam beradi. Chunki kichkina koʻrinishda boʻlsa ham jamiyatga ijobiy taʼsir qilish katta oʻzgarishlarni yaratishi mumkin.
6. Global fuqarolarni tarbiyalash. Bunda ishtirokchilar kelajakda global ahamiyatga ega loyihalarni yaratishda boshqa mamlakat fuqarolari bilan hamkorlikda ishlash (sof tadqiqot yoki amaliy maqsad uchun), institutlar oʻrtasida aloqalarni oʻrnatish yoki almashinuvlarda ishtirok etish orqali koʻrsatishi mumkin.

Eslatma: Tizim belgilangan muddatdan keyin ariza topshirishni avtomatik ravishda toʻxtatadi.

• Dasturga hujjat topshirish uchun oxirgi muddat: 27-aprel, 2025-yil;
• Saralangan ishtirokchilar 2025-yil may-iyun oyining oʻrtalarida xabardor qilinadi;
• Eng yaxshi 10 nafar finalchi va gʻoliblar avgust-sentyabr oxirida eʼlon qilinadi;
• Avvalgi yillar gʻoliblari haqida batafsil bu yerda;
• Email: info@globalstudentprize.org.

Quyidagi ijtimoiy tarmoqlar orqali qoʻshimcha maʼlumot olish mumkin:

• Instagram;
• Facebook;
• Linkedin;
• Twitter.