Talabalar va mutaxassislar uchun KOICA granti asosida 12 haftalik bepul o’quv dasturi — AI Training Center

AI Training Center — Tashkent International University, Koreya Respublikasining Cheju Halla University hamda KOICA tashkiloti hamkorligida sun'iy intellekt yoʻnalishida tashkil etilayotgan 100% bepul xalqaro oʻquv dasturidir. Dastur doirasida 30 nafar saralab olingan tinglovchi 12 hafta davomida AI sohasida chuqurlashtirilgan bilim va amaliy koʻnikmalarga ega boʻlishadi.

Oʻquv darslari haftasiga 3 kun soat 18:00 dan keyin offlayn formatda, ingliz tilida olib boriladi. Dastur doirasidagi asosiy yoʻnalishlar va fanlar:

• Microsoft Azure AI Fundamentals: Barcha tinglovchilar uchun oʻtilishi majburiy boʻlgan sun'iy intellekt asoslari moduli;

• Tanlov fanlari: Prompt Engineering, MLOps hamda AI Consulting yoʻnalishlaridan biri boʻyicha ixtisoslashuv.

Tinglovchilar, shuningdek, sohaning yetakchi xalqaro va mahalliy mutaxassislari tomonidan oʻtkaziladigan mahorat darslarida (guest lectures) qatnashish imkoniyatiga ega boʻladilar.

• Davlat tashkilotlari xodimlari, xususiy sektor vakillari hamda universitet talabalari ariza topshirishlari mumkin;

• Darslar ingliz tilida olib borilishi sababli ingliz tilini muloqot va ta'lim darajasida bilish talab etiladi;

• Haftasiga 3 kun soat 18:00 dan keyin Toshkent shahridagi offlayn darslarda muntazam qatnasha olish;

• Dastur uchun jami 30 nafar tinglovchi saralab olinadi.

• Oʻqish toʻliq KOICA xalqaro granti hisobidan moliyalashtiriladi va 100% bepul;

• Microsoft Azure AI-900 sertifikat imtihoni toʻlovi grant hisobidan toʻliq qoplanadi;

• Eng yuqori koʻrsatkichga erishgan tinglovchilarga Galaxy planshetlari topshiriladi;

• Talabalar uchun haq toʻlanadigan amaliyot oʻtash imkoniyati taqdim etiladi;

• Soha ekspertlari bilan networking va tajriba almashish imkoniyati yaratiladi.

Dasturda ishtirok etish uchun hujjat topshirish quyidagi bosqichlardan iborat:

1. Tashkilotchilarning rasmiy roʻyxatdan oʻtish portaliga oʻting;

2. Onlayn ariza shaklini shaxsiy va akademik/kasbiy ma'lumotlar bilan toʻldiring;

3. Arizani 2026-yil 15-avgustga qadar yuboring.

Eslatma: Mashgʻulotlar Tashkent International University binosida offlayn tarzda oʻtkaziladi.

Muhim sanalar:— Ariza topshirishning oxirgi muddati: 2026-yil 15-avgust.Tashkilotchilar bilan bogʻlanish:— Manzil: Toshkent shahri, Minor dahasi 76, Tashkent International University, B rektorat binosi — Elektron pochta: komilov1864s@gmail.com — Telefon: +998 95 981 84 44 — Telegram: @tiu_aicenter