Talabalar va tadqiqotchilar uchun Qozogʻistonda ekologiya boʻyicha bepul yozgi maktab - Aral Summer School 2026

Aral Summer School 2026 — Qozogʻistonning Olmaota shahrida ekologiya, suv resurslari hamda atrof-muhit muhofazasi sohalariga qiziquvchi talabalar, tadqiqotchilar va yosh mutaxassislar uchun tashkil etilayotgan bepul yozgi maktab dasturidir. Mazkur loyiha Orol dengizi havzasidagi ekologik muammolarni amaliy dala tadqiqotlari orqali oʻrganishga qaratilgan.

Yozgi maktab davomida ishtirokchilar quyidagi yoʻnalishlarda bilim va tajriba orttiradilar:

• Geografik axborot tizimlari (GIS) va masofadan zondlash;

• Ekologiya va tabiiy resurslarni boshqarish;

• Suv resurslari va qishloq xoʻjaligi;

• Dala tadqiqotlari va ilmiy ekspeditsiyalar;

• Maʼlumotlar tahlili va statistika.

Dastur 2026-yil 14–22-avgust kunlari boʻlib oʻtadi hamda qatnashchilarga soha ekspertlari bilan bevosita hamkorlik qilish va xalqaro tajriba almashish imkoniyatini taqdim etadi.

• 18-40 yosh oralig'ida bo'lish kerak;

• Ekologiya, iqtisodiyot, suv resurslari, qishloq xoʻjaligi, geografiya yoki turdosh yoʻnalishlarda tahsil olayotgan talabalar, tadqiqotchilar va mutaxassislar;

• Soha boʻyicha amaliy koʻnikmalarini oshirishga va dala tadqiqotlarida ishtirok etishga tayyor nomzodlar;

• Ingliz tilini muloqot darajasida bilish kerak;

• Yozgi maktab mavzusiga doir loyiha, ilmiy maqola yoki nashrlarga ega nomzodlarga afzallik beriladi;

• Sogʻliq holati dala sharoitidagi ekspeditsiyalar va jismoniy faoliyatga mos keladigan ishtirokchilar.

• Ariza topshirish bepul;

• Markaziy Osiyodan tanlangan ishtirokchilar uchun barcha xarajatlar qoplanadi;

• Ekologiya va atrof-muhit muhofazasi boʻyicha yetakchi mutaxassislar rahbarligida dala tadqiqotlarida qatnashish imkoniyati;

• GIS texnologiyalari, maʼlumotlar tahlili va dala tadqiqotlari metodologiyasi boʻyicha bepul amaliy darslar tashkil etiladi;

• Orol dengizi havzasi hududiga ekspeditsiyalar uyushtiriladi;

• Xalqaro ekspertlar hamda boshqa faol yosh tadqiqotchilar bilan aloqalar oʻrnatish imkoniyati;

• Dasturni muvaffaqiyatli yakunlagan barcha ishtirokchilar maxsus sertifikat bilan taqdirlanadi.

Dasturda ishtirok etish uchun onlayn ariza shaklini toʻldirish kerak. Onlayn ariza shaklini toʻldirish quyidagi bosqichlardan iborat:

1. Shaxsiy maʼlumotlar, aloqa vositalari (WhatsApp raqami) va yashash kiritish;

2. Akademik yoki professional faoliyat (oliygoh, tashkilot va mutaxassislik sohasi) haqida maʼlumot berish;

3. Dasturda ishtirok etish maqsadi tushuntirilgan motivatsion xat (maksimal 200 ta soʻz) yozish;

Soha boʻyicha mavjud tajribani belgilash hamda ilmiy maqolalar yoki loyihalari mavjudligi haqidagi savollarga javob berish kerak.

Eslatma: Arizani yuborish orqali ishtirokchi yozgi maktab davomida olingan foto va video materiallardan taʼlimiy hamda axborot maqsadlarida foydalanilishiga rozilik bildiradi.

Muhim sanalar:

• Hujjat topshirishning oxirgi muddati: 2026-yil 15-iyun;

• Yozgi maktab oʻtkazilish sanalari: 2026-yil 14–22-avgust.