Talabalar va yosh mutaxassislar uchun Avstriyada bo’lib o’tuvchi Alpbax Yevropa Forumi 2025 dasturi

Har yili o‘tkazib kelinayotgan Alpbax Yevropa Forumi 2025-yil uchun ham ushbu dasturda qatnashish imkonini taqdim qiladi. Ushbu dastur talabalarga, yosh mutaxassislarga va o‘zgarishlarni amalga oshiruvchi nomzodlarga Alpbaxga kelib, ilmiy va badiiy seminarlar, yuqori darajadagi konferensiya dasturi va turli xil ijtimoiy va madaniy tadbirlardan iborat noyob dasturda qatnashish imkonini beradi. Dastur 2025-yil 16-avgustdan 29-avgustgacha Avstriyaning Alpbax shahrida bo’lib o’tadi. 

Umumiy konferensiya dasturiga qo‘shimcha ravishda, ishtirokchilar Alpbax seminarlarida qatnashishlari mumkin. Seminarlar forum davomida ikki hafta davom etadi. Ishtirokchilar ikkita seminarni tanlashlari mumkin, ular har birida bir hafta davomida qatnashadilar.  Dastur ilmiy, ijodiy va mahoratga yo‘naltirilgan seminarlarning o‘zaro ta’siri, tushdan keyingi bahslar dasturi bilan birgalikda innovatsion bilimlarni uzatish va yaxlit o‘rganishni taqdim qiladi. 

Dasturga ariza topshirish jarayoni 2025-yil 3-martdan 25-martgacha davom etadi. 

Dastur bilan batafsil ushbu havola orqali batafsil tanishib chiqish mumkin.

Dastur uchun nomzodlar ushbu talablarga javob berishlari kerak:

• Dasturga 18-35 yosh oralig‘idagi barcha davlat fuqarolari ariza topshira oladi; 
• Ingliz tilida ravon gapira olishi, til sertifikati kamida TOEFL 72, IELTS 5,5, CPE yoki CAE 160, MUET 4 ball bo‘lishi;
• Barcha yo‘nalishdagi talabalar ariza topshirishlari mumkin. San’atkor va o‘qishni tugatmagan nomzodlarning ariza topshirishlari yanada qo‘llab-quvvatlanadi;
• Nomzodlar ushbu stipendiyaga ariza berish uchun oldin Alpbach Yevropa forumida ishtirokchi sifatida qatnashgan nomzodlar ariza topshira olmaydilar;
• 2025-yil 16-avgustdan 29-avgustgacha bo‘lib o‘tadigan Alpbax Yevropa  2025 forumida qatnasha olishlari kerak;
• Dasturga, ayniqsa, ijtimoiy faol va jamiyat haqida yaxlit fikrlaydigan nomzodlarning arizalari  qo‘llab-quvvatlanadi (bunga davlat xizmati, ko‘ngillilik, siyosiy yoki notijorat tashkilot faoliyatlari kiradi).

Dastur maqbullik shartlari bilan ushbu havola orqali batafsil tanishib chiqish mumkin.

Dasturga qabul qilinganlar quyidagi imkoniyatlarga ega bo‘ladilar:

• Alpbax 2025 Yevropa Forumida qatnashish to‘lovi qoplanadi;
• Bepul turar-joy bilan ta’minlanadilar;
• Ishtirokchilarga kunlik oziq-ovqat xarajatlarini qisman qoplash uchun yordam puli beriladi;
• Alpbax shahriga borish-kelish xarajatlari ishtirokchilarning o‘zlari qoplashlari kerak bo‘ladi. Ba’zi holatlarda ishtirokchilarning safar xarajatlari ham qoplanishi mumkin. Ushbu havola orqali bu haqida batafsil ma’lumot olish mumkin. 

Dastur imkoniyatlari bilan ushbu havola orqali batafsil tanishib chiqish mumkin.

Dasturga ushbu havola orqali ariza topshiriladi.

Ariza topshirgandan so‘ng, nomzodlarga ariza topshirilganliklarini tasdiqlovchi elektron pochta xabar va hujjatlarni qayerga yuklash bo‘yicha ko‘rsatmalar keladi.

Ariza topshirishda quyidagi hujjatlar so‘raladi:

• CV;
• Motivatsion xat;
• Ingliz tili bilish sertifikati;
• Nomzodning oxirida oliygohdan olgan diplomi (ingliz, nemis yoki fransuz tilidagi tarjimasi bilan. Tarjimani tasdiqlash shart emas);

Motivatsiya xati  quyidagi savollarga javob bergan tarzda izchil qisqa shaklda maksimal 4500 belgidan iborat bo‘lishi kerak:

• Mavzu, g‘oya va bilim nuqtai nazaridan, Alpbax 2025 Yevropa forumining bir yoki bir nechta treklariga (Demokratiya va qonun ustuvorligi, kelajagimizni ta’minlash, iqlim imkoniyati, Yevropa kelajagini moliyalashtirish) qanday hissa qo‘shaman?
• O‘zingizni qanday tasvirlagan bo‘lardingiz - mutafakkir, xayolparast, ta’sir o‘tkazuvchi, o‘zgartiruvchi ... - yoki boshqa? Batafsil yoritilishi kerak;
• Qaysi fazilatlar va ko‘nikmalarni rivojlantirishni xohlaysiz va Alpbax Yevropa forumi bunga qanday hissa qo‘shishi mumkin?
• Kelajakda jamiyatingizda yoki undan tashqarida qanday ijtimoiy o‘zgarishlarning guvohi bo‘lishni xohlaysiz, fuqarolik jamiyati uchun qanday imkoniyatlarni ko‘rasiz va qanday hissa qo‘sha olasiz deb o‘ylaysiz?

Eslatma: Ariza shaklini to‘ldirishni boshlashdan oldin motivatsion tayyorlab qo‘yish tavsiya qilinadi. Inshoda ismingiz yoki jinsingiz kabi shaxsiy ma’lumotlarni kiritmaslik so‘raladi. Dastur uchun ariza topshirish bepul.

Dasturga ariza topshirish jarayoni 2025-yil 3-martdan 25-martgacha davom etadi. 

Qo‘shimcha ma’lumotlar:

• Natijalar iyun oyida e’lon qilinadi;
• Tez-tez beriladigan savollar va ularning javobi bilan ushbu havola orqali batafsil tanishib chiqish mumkin;
• Qo‘shimcha savollar uchun tel: +43 1 718 17 11; email: scholarships@alpbach.org.