Talabalar va yoshlar uchun "Korrupsiyaga qarshi kurash va muvofiqlik" mavzusida 7 kunlik xalqaro onlayn yozgi maktab

The 7- day International Anti-Corruption Summer School for Students and Young People - 7 kunlik onlayn yozgi maktab dasturi talabalar va yoshlarda axloqiy koʻnikma va tafakkurni shakllantirish hamda ular oʻrtasida halollik, axloq va korrupsiyaga qarshi kurash qadriyatlari va tamoyillari haqida xabardorlikni oshirishga xizmat qiladi.

Yozgi maktabda 18-29 yoshdagi yoshlar va talabalar ishtirok etishi mumkin. Yozgi maktab 2022-yil 19-25-sentyabr oraligʻida boʻlib oʻtadi.

Dastur yakunida muvaffaqiyatli tamomlagan ishtirokchilarga maxsus sertifikatlar taqdim etiladi.

Yozgi maktab yoshlarga:

• Korrupsiya nima ekanligini va uning jamiyatga qanday zararli taʼsiri borligini tushunish;
• Korrupsiyani tan olish, unga qarshi turish va oldini olish boʻyicha bilimlarga ega boʻlish;
• Yetakchi global ekspertlardan amaliy misollar va mavzular boʻyicha noyob tushunchalar bilan tanishish;
• Fikr va tajriba almashish hamda mintaqaviy tarmoqni rivojlantirish imkoniyatini taqdim etadi.

Dasturda haqida batafsil rasmiy sayt orqali maʼlumot olish mumkin.

Ariza beruvchilarga qoʻyiladigan talablar:

• Rivojlanayotgan davlatlardan birining fuqarosi boʻlgan yoshlar va talabalar ariza topshirishi mumkin (O'zbekiston nomi qayd etilgan. Muvofiq deb topilgan barcha davlatlar ro'yxati bilan bu yerda tanishish mumkin);
• 1994-yil 18-mart va 2006-yil 22-mart (18-29 yosh) oraligʻida tugʻilgan boʻlishi kerak;
• Yozma va ogʻzaki ingliz tilini yaxshi bilishi lozim;
• Korrupsiyaga qarshi kurash va qonunlarga rioya qilish (muvofiqlik) mavzulari boʻyicha oldingi bilim va/yoki qiziqishga ega boʻlishi kerak.

Dasturda ishtirok etish talablari haqida batafsil rasmiy sayt orqali maʼlumot olish mumkin.

• Yozgi maktab onlayn formatda oʻtkaziladi va interaktiv sessiyalarni oʻz ichiga oladi;
• Dasturni muvaffaqiyatli yakunlagan ishtirokchilarga maxsus sertifikatlar taqdim etiladi;
• Barcha jonli sessiyalarda qatnasha olmaydigan ishtirokchilarga dasturni yakunlash uchun cheklangan vaqt davomida video yozuvlarga kirish imkoniyati beriladi.

Ushbu havola orqali dastur mavzulari va darslar jadvali bilan tanishib chiqish mumkin.

Onlayn yozgi maktabda ishtirok etish uchun rasmiy sayt orqali onlayn ariza shaklini toʻldirish lozim.

Onlayn arizada quyidagi hujjatlar soʻraladi:

• CV;
• Pasport/ID karta nusxasi;
• Motivatsion xat;
• Ingliz tilini yetarli darajada bilishini isbotlovchi hujjat.

Ishtirokchilar taʼlim darajasi, til koʻnikmalari va shaxsiy bilimlari hamda motivatsion xatida aniq koʻrsatilgan korrupsiyaga qarshi kurash va muvofiqlik mavzulariga qiziqishlari asosida tanlanadi.

Qabul qilingan nomzodlar dasturda toʻliq ishtirok etmasa, IACA tomonidan keyinchalik eʼlon qilinadigan dasturlarda ishtirok etish imkoniga ega boʻlmasligi mumkin.

Ariza toʻldirish jarayoniga oid savollar bilan summerschool@iaca.int orqali murojaat qilish mumkin.

Murojaat uchun: alumni@iaca.int.