Turli sоha vakillari uchun taʼlim sohasida ikki yillik professional rivojlanish imkoniyatini beruvchi Teach for Uzbekistan dasturi
-
01/04/2024 Qabul boshlanishi
-
Grant Moliyalash turi
-
Oʻzbekiston Davlat
-
Iloji boricha tez Oxirgi muddat
Umumiy maʻlumotlar
Teach for Uzbekistan — bu yangi avlod uchun yangi formatdagi taʼlim loyihasi. Bu sifatli taʼlim kuchiga ishongan faol xalqaro professionallar jamoasidir. Dasturdan maqsad jamiyatimizning rivoji va farovon kelajagi yoʻlida har bir bola uchun teng taʼlim imkoniyatlarini yaratishdan iborat.
Loyiha Stipendiatlari eng nufuzli oliy oʻquv yurtlarining bitiruvchilari hisoblanadi. Iqtidorli, faol, taʼlim sohasiga ishtiyoqi baland yoshlar maxsus qayta tayyorlashdan oʻtib, ikki yil ichida tumanlardagi maktablarda oʻqituvchi sifatida ish tajribasini oʻtash imkoniyatiga ega boʻladilar. Loyiha ishtirokchilari muntazam moddiy qoʻllab-quvvatlanadi, shuningdek taʼlim sohasining ekspertlari tomonidan yordam va maslahatlar berib boriladi. Teach for Uzbekistan loyihasi bitiruvchilari xalqaro Teach for All hamjamiyatining aʼzosiga aylanadilar va kelajakda oʻzlarini turli sohalarda namoyon qilish imkoniyatiga ega boʻladilar.
Dastur haqida ushbu havola orqali toʻliq maʼlumot olish mumkin.
Maqbullik shartlari
Dasturda ishtirok etish uchun quyidagi talablar mavjud:
- Bakalavr darajasiga ega boʻlishi lozim; 2024-yil bitiruvchisi ham bo’lishi mumkin;
- Oʻzbek tilini mukammal bilishi kerak. Ingliz tili katta bonus bo’ladi;
- Yashash joyini o’zgartirishga tayyor bo’lishi kerak. Loyiha O’zbekiston viloyatlarida bo’lib o’tadi;
- Oʻqituvchilik tajribasiga ega boʻlish lozim (majburiy emas);
- Dasturda qatnashishdan aniq maqsadga ega boʻlish zarur;
- Dastur doirasida oʻz tajribasini amaliyotga tatbiq eta olish kerak.
Dastur talablari haqida ushbu havola orqali toʻliq maʼlumot olish mumkin.
Foydali tomonlari
Dasturning quyidagi foydali jihatlari mavjud:
- Loyiha davomida barqaror moliyaviy yordam;
- Ixtisoslashtirilgan qayta tayyorlashdan oʻtish uchun noyob imkoniyat, shundan soʻng qatnashchilar 2 yil davomida viloyat maktablarida oʻqituvchilik tajribasiga ega boʻladilar;
- Rasmiy ishga joylashish imkoni;
- Mutaxassislar va metodistlar tomonidan 2-yil ichida maslahatlar va yordam
- Teach for Uzbekistan loyihasi bitiruvchilari xalqaro Teach for All hamjamiyatining aʼzosiga aylanadilar va kelajakda oʻzlarini turli sohalarda namoyon qilish imkoniyatiga ega boʻladilar;
- Dastur noyob metodologiyadan foydalangan holda maktabda pedagogik faoliyat yuritish tajribasi kelajakda qaysi soha vakili sifatida oʻsishingizdan qatʼiy nazar, zarur boʻladigan bilim, malaka va kasbiy koʻnikmalarni rivojlantirishning samarali yoʻli hisoblanadi;
- Teach for Uzbekistan maxsus pedagogik tayyorgarlikka ega boʻlmagan universitet bitiruvchilari uchun oʻqituvchilik kasbiga “qisqa yoʻl” yaratadi: kerakli bilim va koʻnikmalarni dunyoning 60 dan ortiq mamlakatlarida samarali faoliyat yuritayotgan innovatsion metodologiya yordamida tez va samarali oʻrgatadi.
Dasturning foydali tomonlari haqida ushbu havola orqali batafsil maʼlumot olish mumkin.
Qoʻshimcha maʻlumotlar
Maʼlumot uchun:
Manzil: Toshkent, Oʻzbekiston;
E-mail: teachforuzbinfo@gmail.co;
Tel: +99891 017-90-09.