Tayvanda doktorantura bosqichida tahsil olish uchun Taiwan International Graduate Program dasturi. Oylik stipendiya — $1,031!

Academia Sinica (Tayvan milliy tadqiqot akademiyasi) va Tayvandagi eng yaxshi milliy tadqiqot universitetlari tomonidan doktoranturada oʻqishni xohlovchi chet ellik tadqiqotchilar uchun Taiwan International Graduate Program (TIGP) dasturini taqdim etadi. 

Dastur 2025-yilning kuzida boshlanadi va unda oʻz yoʻnalishi boʻyicha yuksak salohiyat va bilimga ega, shuningdek, yuqori akademik koʻrsatkichlarga erishgan yosh tadqiqotchilar ishtirok etishi mumkin. 

Taʼlim ingliz tilida olib boriladi. 

Grant quyidagi 13 ta yoʻnalish uchun taqdim etiladi:

• Chemical Biology and Molecular Biophysics;
• Molecular and Biological Agricultural Sciences;
• Molecular and Cell Biology;
• Bioinformatics;
• Molecular Medicine;
• Earth System Science;
• Biodiversity;
• Interdisciplinary Neuroscience;
• Social Networks and Human-Centered Computing; 
• Artificial Intelligence of Things;
• Molecular Science and Technology;
• Nano Science and Technology;
• Sustainable Chemical Science and Technology. 

Ushbu dasturdan asosiy maqsad chet ellik yosh isteʼdodlarni mamlakatga jalb qilish va ilgʻor tadqiqotga yoʻnaltirilgan muhitni yaratish hisoblanadi. 

Dasturga ariza topshirishning oxirgi muddati — 2025-yil, 1 fevral.

Dastur haqida batafsil ushbu havola orqali maʼlumot olish mumkin.

• Dasturda doktoranturada oʻqishni istovchi barcha xorijlik tadqiqotchilar ishtirok etishi mumkin;
• Nomzodlar bakalavr va magistrlik darajasiga ega boʻlishi kerak;
• Ingliz tilini yaxshi bilish lozim (til bilishga qoʻyilgan talablar yoʻnalishga qarab farqlanadi);
• Yuqori akademik koʻrsatkich va yutuqlarga ega boʻlishi kerak;
• Nomzodlar oʻzi tanlagan yoʻnalishning qabul talablariga mos boʻlishi kerak;
• GRE testini topshirgan boʻlish lozim (GRE testi baʼzi yoʻnalishlar uchun majburiy, baʼzilari uchun ixtiyoriy).

Muhim: Talabalar tanlagan universitetning ichki qoidalariga rioya qilishi shart. Har qanday qoidabuzarlik baho, stipendiya, ilmiy daraja va kelajakdagi karyerasiga salbiy taʼsir koʻrsatadi!

• Oʻqishning birinchi yili oyiga NT 34,000 stipendiya beriladi (taxminan 1.031 AQSh dollari);
• Ilgʻor tadqiqotga yoʻnaltirilgan muhitda taʼlim olish;
• Kuchli olim va soha mutaxassislari bilan uchrashish.

Eslatma: Birinchi kursni yaxshi baholarga tamomlagan talabalar uchun stipendiya yana 2 yilga uzaytiriladi. Grant muddati tugagandan soʻng, keyingi moliyaviy yordamni olish ilmiy rahbarning tavsiyasiga bogʻliq.

Dasturda qatnashishni istaganlar ushbu havola orqali ariza topshirishlari mumkin. Dastlabki saralashdan oʻtgan nomzodlar quyidagi hujjatlarni pochta orqali joʻnatishlari kerak:

• Akademik transkriptlar (Akademik transkriptlar toʻgʻridan-toʻgʻri universitetning roʻyxatga olish idorasidan muhrlangan konvertlarda arizachiga topshirilgan boʻlishi kerak);
• Til bilish sertifikati (masalan: TOEFL, IELTS, GEPT va TOEIC); Standartlashtirilgan test ballari (Standardized test score) TIGP idorasiga joʻnatilishi kerak (muassasa kodi: 7142).

Bundan tashqari onlayn ariza topshirishda quyidagu hujjatlar qabul qilinadi: 

• Bakalavr va magistrlik diplomidan nusxa;
• Pasport nusxa;
• CV;
• Tadqiqot maqsadi boʻyicha bayonot va oʻquv rejasi;
• Tavsiyanoma;
• Motivatsion xat;
• Yozilgan yoki nashr etilgan maqolalar.

Eslatma: Ishtirokchilar taklif qilinayotgan yoʻnalishlardan bittasiga faqat bir marta ariza topshirishi mumkin. Talab qilinadigan hujjatlarga yoʻnalishga qarab farq qilishini inobatga olish kerak.

Hujjat topshirish va unga qoʻyilgan talablar bilan batafsil ushbu havola orqali tanishib chiqish mumkin.

• Email: tigp@gate.sinica.edu.tw; 
• Tel: +886-2-2789-8050;
• Pochta manzili: Taiwan International Graduate Program Office
  3rd Floor, No. 75, Lane 12, Academia Road Section 2
  Nankang, Taipei 115
  Taiwan.