Tayvanda magistratura va doktorantura bosqichida tahsil olishni istagan xalqaro talabalar uchun Chang Gung University Scholarship granti

Tayvandagi Chang Gung universitetidan magistratura va doktorantura bosqichida tahsil olishni xohlagan xalqaro talabalar uchun Chang Gung University Scholarship grantini taqdim etadi. Dastur 2023-2024-yilgi oʻquv yili uchun taklif etilmoqda. Magistratura uchun 25 nafar, doktorantura uchun 50 nafar talaba qabul qilinishi rejalashtirilgan. 

Dasturda qatnashish davomida barcha talabalarga bepul xitoy tili kursi taqdim etiladi hamda 188 AQSH dollardan 940 AQSH dollargacha oylik stipendiya beriladi. Bundan tashqari, yaxshi akademik koʻrsatkichlarni qayd etgan talabalarni yanada ragʻbatlantirish maqsadida qoʻshimcha stipendiyalar ham taqdim etiladi. Xalqaro talabalarga universitetda oʻqituvchi yoki tadqiqotchi yordamchisi sifatida ishlab maosh olishlariga ham imkoniyat yaratiladi.

Magistratura uchun grant taqdim etiladigan yoʻnalishlar:

• International Master Degree Program for Molecular Medicine in Emerging Viral Infections;
• Graduate Institute of Biomedical Sciences;
• Department of Medical Imaging and Radiological Sciences;
• School of Traditional Chinese Medicine;
• Graduate Institute of Natural Products;
• Graduate Institute of Early Intervention;
• Department of Chemical and Materials Engineering;
• Graduate Institute of Electro-Optical Engineering;
• Graduate Institute of Biomedical Engineering;
• Department of Electrical Engineering;
• Department of Electronic Engineering;
• Department of Computer Science and Information Engineering;
• Department of Mechanical Engineering;
• School of Business (MBA);
• Department of Artificial Intelligence.

Doktorantura uchun grant taqdim etiladigan yoʻnalishlar:

• Graduate Institute of Biomedical sciences;
• Department of Medical Imaging and Radiological Sciences;
• School of Traditional Chinese Medicine;
• School of Nursing;
• Department of Chemical and Materials Engineering;
• Graduate Institute of Biomedical Engineering;
• Department of Electrical Engineering;
• Department of Electronic Engineering;
• Department of Computer Science and Information Engineering;
• Department of Mechanical Engineering;
• Graduate Institute of Management.

Dastur uchun qabul 2023-yil 31-iyuldan 29-sentabrgacha (21:00) davom etadi.

Maʼlumot uchun: Tayvandagi Chang Gung universitetiga 1987-yil aprelda asos solingan. 2011-yilda oʻtkazilgan Performance Ranking of Scientific Papers for World Universities (Jahon universitetlari uchun ilmiy maqolalar samaradorligi reytingi)da 498-oʻrinni egalladi va universitet mamlakatdagi eng yaxshi top universitetlar qatoriga kirdi. Chang Gung universiteti butun dunyodagi nufuzli universitetlar bilan akademik aloqalarni oʻrnatishga intilmoqda. Ushbu maqsadni amalga oshirish uchun akademik yutuqqa erishgan, ilgʻor fikrli xalqaro talaba va tadqiqotchilar uchun manfaatli dasturlarni taqdim etmoqda.

Dastur haqida batafsil ushbu havola orqali maʼlumot olish mumkin.

• Dasturda magistratura va doktoranturada oʻqishni istagan barcha xalqaro talabalar qatnashishi mumkin;
• Ingliz tilini yaxshi bilish lozim (magistratura uchun kamida IELTS 5, doktorantura uchun kamida IELTS 5,5);
• Nomzodlar akademik yutuqlarga erishgan boʻlishi lozim;
• Qoʻshimcha beriladigan stipendiya uchun GRE testini topshirgan boʻlishi kerak;
• Oʻqishning birinchi semestrida talab qilinadigan xitoy tili kursini toʻliq tugatish lozim;
• Grantni oʻzida saqlab qolish uchun oʻqish davomida umumiy baholarining oʻrtacha koʻrsatkichi 80 foiz yoki undan yuqori boʻlishi kerak;
• Doktoranturaning 3-kursida oʻqishni boshlashdan oldin malaka imtihonidan oʻtish shart.

Eslatma: Yuqoridagilar nomzodlarga qoʻyilgan umumiy talablardir. Shuning uchun universitetning ichki talablari hamda yoʻnalishlarga qoʻyilgan talablar bilan ham tanishib chiqish lozim.

Magistratura uchun grant quyidagilarni oʻz ichiga oladi (maksimal 2 yil):

• Oʻqish toʻloviga teng miqdorda pul bilan taʼminlanadi;
• NT$6,000 miqdorida (taxminan 188 AQSH dollari) oylik stipendiya beriladi;
• Akademik koʻrsatkichlari yuqori boʻlgan eng yaxshi talabalar uchun oyiga NT$12,000 miqdorida (taxminan 376 AQSH dollari) qoʻshimcha stipendiya taqdim etiladi.
• Kampusda bepul turarjoy bilan taʼminlanadi.

Doktorantura uchun grant quyidagilarni oʻz ichiga oladi (maksimal 4 yil):

• NT$30,000 miqdorida (taxminan 940 AQSH dollari) oylik stipendiya beriladi;
• Akademik koʻrsatkichlari yuqori boʻlgan eng yaxshi talabalar uchun oyiga NT$12,000 miqdorida (taxminan 376 AQSH dollari) qoʻshimcha stipendiya taqdim etiladi.

Xalqaro talabalar teaching assistant (oʻqituvchi yordamchisi) yoki research assistant (tadqiqotchi yordamchisi) lavozimlariga ariza topshirishi va moliyalashtirish usuli sifatida maosh olishlari mumkin:

• Magistratura bosqichi talabalari uchun RA (research assistant): oyiga NT$4,000 – 12,000 (taxminan 125-376 AQSH dollarigacha);
• Doktorantura bosqichi talabalari uchun RA (research assistant): oyiga NT$8,000 – 24,000 (taxminan 250-752 AQSH dollarigacha); 
• TA (teaching assistant): oyiga NT$ 8,000 — 10,000 (taxminan 250-313 AQSH dollarigacha)  

Eslatma: Qoʻshimcha stipendiyani olmoqchi boʻlgan talabalar albatta GRE testini topshirishi kerak. Stipendiya miqdori testda toʻplagan ballga qarab farqlanadi. Doktorantura uchun beriladigan oylik stipendiyaning 50 foizi ilmiy rahbar va 50 foizi esa universitet tomonidan taʼminlanadi. 

Dasturda qatnashishni istaganlar ushbu havola orqali ariza topshirishi mumkin.

Talab qilinadigan hujjatlar:

• Shaxsiy maʼlumotlar va rasm (5X5);
• Pasport nusxa (birinchi 2 bet);
• Bakalavr yoki magistrlik diplomidan nusxa;
• 2 ta tavsiyanoma;
• Akademik transkriptlar;
• Til bilish sertifikati (TOEFL, IELTS, TOEIC, GMAT, TOCFL va HSK);
• Mukofotlar, erishgan yuqori natija va yutuqlari;
• Ariza uchun talab qilinadigan toʻlovni toʻlanganligi haqida hujjat;
• CV;
• Nomzodning yoki yaqin qarindoshlarining (opa-singil, aka-uka, ota-ona, bobo-buvisi) bankdagi hisobidan koʻchirma (Viza uchun ariza topshirilganda, nomzodning bank hisobida Tayvanda kamida 6 oy ketma-ket yashash ehtiyojlari uchun yetarli mablagʻ boʻlishi kerak).

Muhim: Ariza topshirish uchun 50 AQSH dollar toʻlov qilinishi kerak. Toʻlovni amalga oshirmagan arizalar koʻrib chiqilmaydi. Barcha hujjatlar ingliz yoki xitoy tilida taqdim etilishi kerak. 

• Tel: +886-3-2118800;
• Email: oia@mail.cgu.edu.tw;

Muhim sanalar:

• Dasturga arizalar uchun qabul muddati: 2023-yil 31-iyuldan 29-sentabrgacha (21:00);
• Baholash: 2023-yil 8-oktabrdan 26-oktabrgacha (21:00);
• Natijalar eʼlon qilinadi: 2023-yil 16-noyabr (21:00);
• Dasturga qabul qilingan arizachilar uchun javob berish muddati: 2023-yil 30-noyabr (21:00);
• Dasturning boshlanish vaqti: 2023-yil fevral oyi.

Quyidagi ijtimoiy tarmoqlar orqali qoʻshimcha maʼlumot olish mumkin:

• Facebook;
• Instagram;
• Youtube.