Tayyor mahsulot yoki g'oya uchun “Eng yaxshi innovatsion loyiha” tanlovi
-
01/12/2022 Qabul boshlanishi
-
Mukofot Moliyalash turi
-
Oʻzbekiston Davlat
-
10.12.2022 Oxirgi muddat
Umumiy maʻlumotlar
“Adolat” milliy huquqiy axborot markazi tomonidan “Eng yaxshi innovatsion loyiha” tanlovi oʻtkaziladi.
Tanlovda Oʻzbekiston Respublikasining 18 yoshga toʻlgan fuqarolari qatnashishi mumkin.
Tanlovga huquqiy targʻibot boʻyicha eng yaxshi innovatsion loyiha sifatida 2022-yil 1-noyabrgacha faoliyati yoʻlga qoʻyilgan hamda aholining huquqiy ongi va huquqiy madaniyatini yuksaltirishga xizmat qiluvchi va oxirgi 3 oy davomida faoliyat yuritib kelgan texnik ishlanmalar (veb-sayt, platforma, mobil ilova va boshqa texnik usullar yordamida ishlovchi ishlanmalar) hamda huquqiy targʻibotni amalga oshiruvchi innovatsion gʻoyalar taqdim etiladi.
3 nafar g'olibga qimmatbaho sovg'alar topshiriladi. Tanlov haqida batafsil bu yerda o'qish mumkin.
Maqbullik shartlari
- Tanlovda Oʻzbekiston Respublikasining 18 yoshga toʻlgan fuqarolari qatnashishi mumkin;
- Tanlov ishtirokchilari guruh boʻlib yoki yakkaxon holda ishtirok etish mumkin.
Foydali tomonlari
Eng koʻp ball toʻplagan 3 nafar ishtirokchi gʻolib deb topiladi.
Gʻoliblar diplom hamda tegishlicha quyidagi sovgʻalar bilan taqdirlanadi:
- 1-oʻrin: noutbuk;
- 2-oʻrin: planshet;
- 3-oʻrin: televizor.
Qoʻshimcha maʻlumotlar
Tanlovda quyidagilar taqiqlanadi:
– tanlov shartlariga mos boʻlmagan yosh kategoriyasi boʻyicha ishtirok etish;
– haqiqiy boʻlmagan loyiha maʼlumotlarini roʻyxatdan oʻtkazish;
– nominatsiya tavsifiga toʻgʻri kelmagan loyiha topshirish;
– ishtirokchi tomonidan shunga oʻxshash tanlov va loyihalarda ishtirok etish uchun ariza topshirish;
– plagiat holatlariga yoʻl qoʻyish.
Tanlov yakunlariga koʻra, hayʼat aʼzolarining umumiy xulosasiga asosan gʻolib aniqlanmasligi ham mumkin. Bunda komissiya tomonidan gʻolib ishtirokchi aniqlanmaganligi sababi izohlab beriladi.