Tech4Impact NNT Kanadaning Mahalliy tashabbuslar fondi bilan hamkorlikda “Yashil” texnologiyalar bilan shugʻullanuvchi ayollarning biznesini jadallashtirish dasturi
-
04/08/2021 Qabul boshlanishi
-
Grant Moliyalash turi
-
Oʻzbekiston Davlat
-
20.08.2021 Oxirgi muddat
Umumiy maʻlumotlar
Tech4Impact NNT Kanadaning Mahalliy tashabbuslar fondi bilan hamkorlikda “Yashil” texnologiyalar bilan shugʻullanuvchi tadbirkor ayollarning biznesini jadallashtirish dasturini e'lon qiladi.
Dastur maqsadi — tadbirkor ayollarga ekspertlar koʻmagida oʻz biznesini yangi bosqichga olib chiqishga yordam berishdan iborat.
Yashil energetika, qishloq xoʻjaligi, yerdan barqaror foydalanish, suv resurslari, chiqindilarni qayta ishlash, barqaror turizm, ishlab chiqarishda CO2 tashlanishlarini qisqartirish va hokazo sohalardagi loyihalarning arizalari qabul qilinadi.
Ishtirokchilarni onlayn treninglar, biznesni rivojlantirish rejasini ishlab chiqishga yordam beruvchi biznes sohasining mentorlari bilan individual ishlar, togʻli dam olish zonasida seminarlar (tashkilotchilar hisobidan) hamda tadbirkor ayollar haqidagi qisqa metrajli filmni tasvirga olish ishlari kutmoqda.
Maqbullik shartlari
- Yashil energetika, qishloq xoʻjaligi, yerdan barqaror foydalanish, suv resurslari, chiqindilarni qayta ishlash, barqaror turizm, ishlab chiqarishda CO2 tashlanishlarini qisqartirish va hokazo sohalardagi loyihalarning arizalari qabul qilinadi;
- Arizalar faqat Toshkent va Toshkent viloyatida, Fargʻona vodiysida (Andijon, Namangan, Fargʻona) hamda Qoraqalpogʻiston Respublikasida faoliyat koʻrsatayotgan tadbirkor ayollardan qabul qilinadi.
- Ariza beruvchi ayollar startaplarning asoschilari va/yoki rahbarlari boʻlishi zarur.
- Kompaniyada tayyor mahsulot / xizmat mavjud boʻlishi kerak, “biznes gʻoya” bosqichidagi arizalar qabul qilinmaydi.
Foydali tomonlari
- Ishtirokchilar biznesni rivojlantirish rejasini ishlab chiqishga yordam beruvchi biznes sohasining mentorlari bilan individual onlayn treninglarda qatnashadilar;
- Shuningdek, barcha xarajatlari tashkilotchilar tomonidan qoplanadigan togʻli dam olish zonasida seminarlarda va tadbirkor ayollar haqidagi qisqa metrajli filmni tasvirga olish ishlarida qatnashadilar.