Texnologiya, ijtimoiy taʼsir va barqarorlikka oid boʻlgan innovatsion startap loyihalari uchun UNWTO Awake Tourism Challenge tanlovi

United Nations World Tourism Organization (UNWTO) BMT Barqaror Rivojlanish Maqsadlari(SDGs)ni ilgari surish uchun ishlayotgan eng innovatsion startaplarni topishni maqsad qilgan “Awake Tourism Challenge“ tanlovini tashkil qilmoqda.

Tanlovda quyidagi kategoriyalardan biri boʻyicha ishtirok etish mumkin:

• Local community involvement — mahalliy jamoatchilik ishtiroki;
• Green and blue economies — yashil va koʻk iqtisodiyot;
• Ecological and Sustainable Capital Creation — ekologik va barqaror kapital yaratish;
• Tourism Tech for Good — yaxshilik uchun turizm texnologiyasi;
• Tourism Education — turizm boʻyicha taʼlim;
• Women Empowerment — ayollar imkoniyatlarini kengaytirish.

Ishtirokchi startaplar quyidagilarga qarab baholanadi:

• Barqaror Rivojlanish Maqsadlariga qoʻshgan hissasi;
• Startap bilan hamkorlik qilish orqali manfaat koʻrish qulayligi;
• Potensial biznes taʼsiri;
• Mahsulot/texnologiyaning yetukligi;
• Jamoa va tashkilotning yetukligi;
• Hamkorlikka tayyorligi.

Tanlov haqida rasmiy sayt orqali batafsil maʼlumot olish mumkin.

Tanlovda quyidagi talablarga javob beruvchi startaplar ishtirok etishi mumkin:

• Kamida 2 nafar 35 yoshdan kichik boʻlgan aʼzolardan iborat toʻliq vaqtli jamoaga ega boʻlgan. Gender muvozanati ham hisobga olinadi;
• Early Stage yoki Series A turidagi startap boʻlgan;
• Maʼlum qiymat/manfaat bera oladigan istalgan innovatsion yechimlar mamnuniyat bilan qabul qilinadi: texnologiya, ijtimoiy taʼsir va barqarorlikka oid boʻlgan yechimlari.
• Barqarorlikka asoslangan;
• Qamrovini kengaytirish mumkin boʻlgan: xalqaro darajada oʻsish potensialiga ega boʻlish hamda korporatsiyalar va joylarda (mamlakatlar, mintaqalar) qoʻllanilishi mumkin boʻlgan;
• Raqamli va texnologik elementlardan foydalanuvchi yoki joriy etuvchi;
• Dastlabki sinovdan oʻtkazilgan va biznes-rejaga ega boʻlgan;
• Ilgari akseleratsiya qilingan.

Tanlov shartlari va talablari bilan rasmiy sayt orqali batafsil tanishib chiqish mumkin.

Gʻolib deb topilgan startaplarga quyidagi imtiyozlar beriladi:

• UNWTO demo kunida ishtirok etish uchun Wakalua homiylik qiladi (joy va mamlakat eʼlon qilinadi);
• Les Roches Spark Innovation Center inkubatsiya xizmatlari, jumladan, Sommet Education group tomonidan taqdim etiladigan Shveysariya, Krans-Montana shahrida 3 oylik turar-joy.
• Startaplarni ishga tushirish va oʻsish imkoniyatlarini osonlashtiradigan YouNoodle platformasidan foydalanish;
• 90 dan ortiq venchur kapitalistlar, eng yaxshi korporatsiyalar va 150 dan ortiq mamlakatlarga kirish imkoniyati;
• UNWTO innovatsion tarmogʻiga aʼzo boʻlish;
• Hamkorlar tomonidan tuzilgan murabbiylik va akseleratsiya dasturi;
• Startap kampuslariga aʼzolik;
• Xususiy sektor hamkorlari va institutlari bilan potensial pilot (dastlabki test rejimidagi) loyihani amalga oshirish;
• Loyiha uchun mablagʻ jalb etish imkoniyati.

Tanlov imtiyozlari haqida rasmiy sayt orqali batafsil maʼlumot olish mumkin.

Tanlovda ishtirok etish uchun onlayn arizani to'ldirish lozim.

Arizada quyidagilar so'raladi:

• Ingliz tilidagi loyiha pitch taqdimoti (15 slayddan ko'p bo'lmagan);
• Nomzodlarning web-sahifalari, ijtimoiy tarmoq profillari va aloqa ma'lumotlari va boshqalar.

Ariza to'ldirishdan avval ushbu havola orqali tanlovga oid barcha talablar va shartlar bilan tanishib chiqish lozim.

World Tourism Organization
Calle Poeta Joan Maragall 42
28020 Madrid, Spain
info@unwto.org