The Eira Francis Davies Scholarship dasturi — ayol-qizlar uchun magistraturani Buyuk Britaniyada toʻliq grant asosida oʻqish imkoniyati!

The Eira Frencis Davies Scholarship dasturi Suonsi universitetidagi (Swansea University) bir nafar muvaffaqiyatli talaba ayolga beriladigan toʻliq grant dasturi hisoblanadi. Dastur talabaning bir oʻquv yilidagi kontrakt toʻlovini toʻliq moliyalashtirishga qaratilgan.

Swansea University Buyuk Britaniyaning Uels davlati, Suonsi shahrida joylashgan. QS World University Rankingsga ko'ra, 2023-yilda ushbu universitet dunyo universitetlari orasida 425-o'rinni qayd etgan.

Mazkur grant dasturi Eira Francis Davies ismli ayol tomonidan Suonsi universitetidagi (Swansea University) talaba ayol-qizlarni moliyaviy qoʻllab-quvvatlash maqsadida tashkil etilgan.

Grantga ariza topshirmoqchi boʻlgan nomzod tibbiyot, salomatlik va hayot fanlari boʻyicha Suonsi universitetiga (Swansea University) magistraturada tahsil olish uchun qabul qilingan boʻlishi kerak.

Barcha arizalar maxsus qoʻmita tomonidan koʻrib chiqiladi. Qisqa roʻyxatga kiritilgan nomzodlar tanlov jarayonining bir qismi sifatida suhbatga taklif qilinadi.

2023-yil uchun ariza topshirishning soʻnggi muddati 29-may soat 03:59 gacha.

Suhbat bosqichi uchun soʻnggi taklif muddati: 16-iyun, 2023- yil. Suhbat bosqichi 19-iyundan 23-iyungacha boʻlib oʻtadi.

Yakuniy natija 3-iyul kuni eʼlon qilinadi.

Dastur haqida batafsil maʼlumotni ushbu havola orqali olish mumkin.

• 2022-yil 1-iyul holatiga koʻra, Jahon banki tasnifiga koʻra, “past daromadli” yoki “oʻrtadan pastroq daromadli” deb tasniflangan davlatlar fuqarosi boʻlishi kerak; Oʻzbekiston fuqarolari topshira oladi!
• Dasturda faqat ayol-qizlar ishtirok eta oladi;
• 2023-yil sentabrdan oʻqishni boshlash uchun Swansea Universityga qabul qilingan boʻlishi lozim;
• Tibbiyot, salomatlik va hayot fanlari boʻyicha magistraturada tahsil olayotgan boʻlishi kerak;
• Oʻrtacha bakalavr bahosi kamida 70 % boʻlishi kerak bBu Buyuk Britaniya taʼlim tizimida 2:1 darajaga teng);
• Nomzod kuchli akademik qobiliyatga, Suonsi universitetida (Swansea University) da oʻqish uchun oʻz moliyaviy rejasi va motivatsiyaga ega boʻlishi lozim;
• Swansea Universitydagi boshqa grant dasturlaridan moliyaviy yordam olmayotgan boʻlishi kerak.

Eslatma: Grantga ariza topshirishdan oldin quyidagi magistrlik kurslaridan biriga oʻqishga qabul qilingan boʻlishi kerak:

• Biotibbiyot fanlari (Klinik biokimyo), MSc;
• Biotibbiyot fanlari (Klinik Mikrobiologiya), MSc;
• Klinik psixologiya va ruhiy salomatlik, MSc;
• Kognitiv nevrologiya, MSc;
• Genomik tibbiyot, MSc;
• Sogʻliqni saqlashni boshqarish, MSc;
• Sogʻliqni saqlash maʼlumotlari fanlari;
• Sogʻliqni saqlash informatikasi, MSc;
• Tibbiyot nevrologiyasi, MSc;
• Tibbiy radiatsiya fizikasi, MSc;
• Nanotibbiyot, MSc;
• Jamoat salomatligi va salomatlikni mustahkamlash, MSc;
• Psixologiyada tadqiqot usullari, MSc.

Muvofiqlik talablari (Eligibility requirements) haqida batafsil ushbu havola orqali maʼlumot olish mumkin.

• Dastur kontrakt toʻlovini toʻliq qoplaydi.

Boshqa xarajatlar toʻlab berilmaydi.

• Mazkur grant dasturida ishtirok etish uchun maxsus ariza shaklini toʻldirish talab etiladi.
• Ariza shaklini ushbu havola orqali onlayn toʻldirish mumkin.

Ariza shaklida quyidagilarni yozish kerak:

• Talabaning oʻzi haqidagi maʼlumotlar, jumladan, ism-familiya, yashash manzili, bakalavrni qaysi universitetda tugatganligi toʻgʻrisidagi maʼlumotlar;
• Qaysi magistrlik kursiga qabul qilinganligi;
• Suonsi universiteti talabasi ekanligini tasdiqlovchi raqam (Swansea University student number);
• Suonsi universitetida (Swansea University) oʻqishni tanlaganligi haqidagi motivatsiyasini 300 ta soʻz bilan koʻrsatib berishi kerak;
• Akademik yutuqlarini namoyon qilishi va ular tanlagan magistrlik kursiga qanday taʼsir etishini ifodalab berishi lozim. (maksimum 300 soʻz bilan).

Dasturga ariza topshirish bilan bogʻliq toʻliq maʼlumotni ushbu havola orqali oʻqish mumkin

• The Eira Francis Davies Scholarship dasturiga ariza topshirish bilan bogʻliq savol va takliflarni EFDScholarship@swansea.ac.uk elektron manziliga yuborish mumkin;
• Ushbu grantning avvalgi mavsum gʻoliblari haqida ushbu havola orqali oʻqish mumkin.