The Master Economics of Globalisation and European Integration (EGEI) — Erasmus Mundus loyihasi doirasida iqtisodiyot yoʻnalishidagi to'la moliyalashtiriluvchi magistratura dasturi

The Master Economics of Globalisation and European Integration (EGEI) — Erasmus Mundus loyihasi doirasida taqdim etilayotgan navbatdagi ikki yillik (120 ECTS) magistratura dasturi boʻlib, toʻliq ingliz tilida va chinakam global oʻquv muhitida olib boriladi.

Dastur magistratura bosqichini iqtisodiyot yoʻnalishida davom ettirishni maqsad qilgan barcha bitiruvchi kurs yoki bakalavr diplomiga ega talabalar uchun moʻljallangan.

Dasturga ariza topshirgan nomzodlar quyidagi universitetlardan kamida uchtasida 2 yil davomida belgilangan kurslar doirasida tahsil olishlari lozim:

• University of Bari Aldo Moro- Bari universiteti (Italiyada joylashgan, birinchi semestr uchun);
• Xiamen University — Syamen universiteti (Xitoyda joylashgan, birinchi semestr uchun);
• Ghent University — Gent universiteti (Qisman Belgiyada joylashgan, ikkinchi semestr uchun);
• Universitas Tartuensis - Tartu Universiteti (Estoniyada joylashgan, uchinchi semestr uchun);
• University of Valparaíso - Valparaiso universiteti (Chilida joylashgan, uchinchi semestr uchun);
• University of Cantabria - Santabriya universiteti (Ispaniyada joylashgan, uchinchi semestr uchun);
• Universidad Tecnica Federico Santa Maria — Santa Maria texnika universiteti (Chilida joylashgan);
• Centre for European Policy Studies - Yevropa Siyosatini oʻrganish markazi.

Dastur bo'yicha g'oliblikni qo'lga kiritgan talabalarning barcha xarajatlari qoplab beriladi.

Dastur bilan batafsil bu yerda tanishib chiqish mumkin.

Grant haqidagi maʼlumotlar bilan GrantGO tomonidan tayyorlangan quyidagi video/ovozli chat orqali ham tanishish mumkin:

Quyidagi talablarga javob beruvchi nomzodlar dasturga ariza berishi mumkin:

• Iqtisod, amaliy iqtisod yoki tegishli fanlar boʻyicha bakalavr yoki undan yuqori bosqichda oʻqigan boʻlish (180 ECTS/kreditini toʻplagan boʻlishi lozim);
• Tegishli soha boʻyicha bakalavrning soʻnggi bosqichida oʻqiyotgan talabalar ham ariza berishlari mumkin (unda ʼqishni qachon tugatishlari va diplomni olishlar haqida maʼlumotnoma taqdim qilishlari lozim);
• Ingliz tilini yuqori darajada bilish kerak (IELTS 6,5; TOEFL iBT 90);
• Yuqori akademik koʻrsatkichlarga ega boʻlishi grant yutishida ustunlik beradi.

Dasturning maqbullik shartlari bilan batafsil bu yerda tanishib chiqish mumkin.

• Istiqomat qilayotgan mamlakatidagi sayohat xarajatlari uchun yillik €1,000 stipendiya;
• Umumiy sayohat xarajatlari uchun yiliga €3,000 stipendiya;
• Mamlakatga kelib oʻrnashishi uchun €1,000 yordam puli;
• talabalarning dasturda ishtirok ishtirok etish bilan bogʻliq qolgan barcha xarajatlari (shu jumladan, oʻquv toʻlovlari, kutubxona va laboratoriya xarajatlari, toʻliq sugʻurta qoplamasi va talabalarning magistraturada ishtirok etishi bilan bogʻliq har qanday boshqa majburiy xarajatlar) qoplab beriladi.

Yashash xarajatlari boʻyicha tuzilgan jadval bilan bu yerda batafsil tanishib chiqish mumkin.

Nomzodlardan quyidag hujjatlar so'raladi:

• Shaxsni tasdiqlovchi hujjat/pasport nusxasi (muddati tugamagan bo'lsin);
• Yashash joyidan ma'lumotnoma;
• Europass formatidagi eng so'nggi CV;
• Ingliz tilini bilish darajasini tasdiqlovchi hujjat (IELTS kamida 6.5 yoki TOEFL iBT 90);
• Bakalavrni tugatgan bo'lsa, bitiruv sertifikati/diplomi; Magistraturani bitirgan bo'lsa bakalavr va magistratura diplomi skaner nusxasi;
• Reyting daftarchasining nusxasi; 
• Motivatsiya xati;
• Bittadan uchtagacha tavsiyanoma beruvchi shaxslarning shaxsiy ma'lumotlari: to'liq ism, vazifasi, ishlash muassasasi, ish manzili, elektron pochta manzili;
• Ko'nikmalar va malakalarni isbotlovchi barcha boshqa hujjatlar (ixtyoriy).

Muhim: Barcha hujjatlar elektron shaklda, ingliz tilidagi tarjimalari bilan topshirilishi lozim. Hujjat topshirish uchun platforma har yili noyabr oyida ochiladi!

2025-yil 30-martgacha topshirilgan barcha arizalar stipendiya olish uchun avtomatik tarzda ko‘rib chiqiladi. Qabul qilingan, ammo stipendiyaga ega bo'lmagan talabalar o'z-o'zidan moliyalashtirilgan talabalar (self-funding students) sifatida ro'yxatdan o'tishlari mumkin.

Baholash jarayoni: Barcha ariza beruvchilar 2025-yil mart oyining ikkinchi yarmidan boshlab natijalar bilan xabardor qilinadilar. Faqat saralangan nomzodlar 2024-yil mart oyining oxirgi haftasida boʻlib oʻtadigan onlayn suhbatga taklif qilinadilar.

Hujjatlar quyidagi nisbatda baholanadi:

• Nomzodlarning akademik yutuqlari: 0-60 ball;
• Kasbiy tajriba va boshqa malakalar (jumladan, til bilish darajasi): 0-20 ball;
• Motivatsion xat: 0-20 ball.

Qo'shimcha ma'lumotlar uchun: 

• Mezbon universitet mutasaddilari bilan aloqa;
• Tez-tez so'raluvchi savollarga javoblar.