Tibbiyot hamda biologiya sohasidagi bakalavr talabalari uchun Shveysariyada ilmiy tadqiqot qilish imkoniyati — Summer Undergraduate Research program

Tibbiyot hamda biologiya sohasidagi bakalavr talabalari uchun Shveysariyada ilmiy tadqiqot qilish imkoniyati — Summer Undergraduate Research program

  • 15/01/2022 Qabul boshlanishi
  • Toʻliq Moliyalash turi
  • Shvetsariya Davlat
  • 01/02/2023 03:59 Oxirgi muddat
Telegram kanalimizga aʼzo boʻling

Muhim tafsilotlar

  • Kimlar uchun
    Bakalavr talabasi
  • Dastur tili
    Ingliz tili
  • Yosh chegarasi
    Chegaralanmagan

Doʻstlar bilan ulashing

Umumiy maʻlumotlar

Lozanna universiteti qoshidagi Biologiya va tibbiyot boʻlimining Biologiya fakulteti tibbiyot va biologiya sohasida yanada ko'proq tajribaga ega boʻlish istagidagilar uchun bakalavrlar uchun yozgi tadqiqot (Summer Undergraduate Research program) dasturini taklif qiladi.

Yozning 3-iyuldan 25-avgust oyigacha oʻtkaziluvchi bu dastur butun dunyodan 15 ga yaqin bakalavr talabalariga laboratoriyalarda izlanish olib borish imkonini beradi. Har bir ishtirokchi Biologiya va Tibbiyot fakultetining laboratoriyasida individual tadqiqot loyihasini amalga oshiradi.

Qatnashchilar har haftada bir yigʻilishadi va oʻz izlanishlari hamda tajribasini qolgan ishtirokchilar bilan oʻrtoqlashadi. dastur soʻngida talabalar qoʻshma UNIL/EPFL simpoziumida oʻz tadqiqot natijalarini taqdim etadilar va yakuniy hisobot yozadilar.

Dastur ishtirokchilarning xarajatlarini toʻliq qoplaydi.

Dastur haqida batafsil ushbu havola orqali tanishish mumkin.

Maqbullik shartlari

  • Dasturda biologiya va tibbiyot yo'nalishida o'qiyotgan bakalavrining 2-3 kursida oʻqiyotgan talabalar ishtirok etishi mumkin;
  • Magistratura va PhD talabalari dasturda qatnashishi mumkin emas;
  • Fizik terapiya, hamshiralik, stomatologiya yoki veterinariya fanlari boʻyicha oʻqiyotgan talabalar dasturda qatnasha olishmaydi;
  • Dasturda qatnashchilarning baholari (GPA 3.75/4 yoki ekvivalent, guruhda top 5 talikda boʻlish), tavsiyanomalari hamda motivatsion xatlari muhim ahamiyatga ega;
  • Universiteti 4 ballik shkalada baholamaydigan nomzodlar oʻz arizasida oʻzlarining baholash sistemasini koʻrsatib ketishlari lozim;
  • Nomzodlar ingliz tilida yaxshi yozish va gapirish koʻnikmasiga ega boʻlishlari kerak.

Dastur talablari haqida batafsil ushbu havola orqali tanishish mumkin.

Foydali tomonlari

  • Dasturga qabul qilingan nomzodlar turar-joy bilan taʼminlanadi;
  • Ishtirokchining yashash xarajatlari uchun bir martalik CHF 1500 (taxminan $1 621,83) miqdorda pul mablagʻi ajratiladi. Bundan tashqari, nomzodlarga qoʻshimcha pul olib yurishlari tavsiya etiladi;
  • Yevropadan keluvchi talabalar uchun taxminan $540, boshqa mamlakatlardan boʻlgan ishtirokchilar uchun $1 297 miqdorda pul sayohat xarajatlari uchun beriladi;
  • Viza olish uchun qoʻshimcha yordam beriladi, ammo viza xarajatlari tashkilot tomonidan qoplanmaydi.

Dastur manfaatli jihatlari haqida batafsil ushbu havola orqali tanishish mumkin.

Hujjat topshirish

Dasturga ariza topshirish uchun ushbu havola orqali berilgan ariza namunasini toʻldirish va quyidagi soʻralgan hujjatlarni portalga yuklash lozim:

  • PDF formatdagi dastur anketasi. Shablonni ushbu havola orqali olish mumkin;
  • PDF formatidagi akademik baholar tarjimasi (agar ingliz yoki fransuz tillarida boʻlmasa, tasdiqlangan tarjima ham baholar bilan birga yuklanishi lozim);
  • Akademik tavsiyanomalar. Nomzod ariza namunasida tavsiya beruvchilar bilan aloqa uchun elektron manzil qoldirishlari lozim. Ushbu e-mail manziliga dastur tomonidan tavsiyanoma shabloni toʻldirish uchun avtomatik tarzda yuboriladi.

Arizalar 2023-yil 1-fevral soat 3:59 ga qadar qabul qilinadi.

Qoʻshimcha maʻlumotlar

Qoʻshimcha savol va murojaatlar uchun: sur@unil.ch

Shvetsariya
Tibbiyot hamda biologiya sohasidagi bakalavr talabalari uchun Shveysariyada ilmiy tadqiqot qilish imkoniyati — Summer Undergraduate Research program

Parolni unutdingizmi?

Parolni tiklash uchun saytdan roʻyxatdan oʻtgan emailingizni kiriting
Tizimga kirish

Sizni koʻrib turganimizdan xursandmiz!

Oʻz akkauntingizga kiring va tizim imkoniyatlaridan toʻliq foydalaning

Tanlangan imkoniyatlar