Tibbiyot sohasi vakillari uchun 20 ga yaqin meditsina yoʻnalishida haq toʻlanadigan amaliyot dasturi — SNUH Professional Development Program

Amaliyot Qisman moliyalash

Telegram kanalimizni kuzatib boring

Obuna bo’lish

Mundarija

Tavsif

Koreyadagi asosiy oʻquv va tadqiqot shifoxonasi sifatida Seoul National University Hospital (SNUH) global xizmat koʻrsatish hamjamiyatida ishtirok etish uchun xalqaro taʼlim va tadqiqot faoliyatini tashkil etadi.

Ushbu dastur nomzodlarga chet eldagi tibbiy va maʼmuriy mutaxassislar bilan muloqot qilish orqali koʻproq tajriba orttirish imkoniyatini beradi.

Dasturda istalgan mamlakatdan shifokorlar, hamshiralar hamda sogʻliqni saqlash mutaxassislari ishtirok eta oladi.

Dastur tanlangan yoʻnalish turiga qarab eng kami 1 oydan koʻpi bilan 1 yilgacha davom etadi.

Dasturga odatda har yili 25 nafar ishtirokchi qabul qilinadi.

Dasturda quyidagi yoʻnalishlar boʻyicha amaliyot oʻtash mumkin:

Dastur ishtirokchilariga oyiga 1,8 million Koreya voni (taxminan 1,440 AQSh dollari) miqdorida stipendiya beriladi.

Dastur haqida batafsil ushbu havola orqali tanishish mumkin.

Kimlar uchun mo'ljallangan

Dasturda ishtirok etish uchun nomzodlardan quyidagilar talab etiladi:

Dasturda shifokorlar, hamshiralar va sogʻliqni saqlash mutaxassislari (AHP) ishtirok etishi mumkin;
Treningda qatnashish uchun yosh chegarasi belgilanmagan;
Dastur asosan ingliz tilida olib borilganligi sababli ariza topshirishni xohlovchi tibbiyot xodimlari koreys yoki ingliz tillarida muloqot qila olishi kerak. Ushbu tillardan birortasini bilmagan nomzodlar dasturga ariza topshira olmaydilar;
Ishtirokchilar oʻz mamlakatlari tomonidan tasdiqlangan tibbiy litsenziyaga ega boʻlishi kerak. Litsenziyaga ega boʻlmagan arizachilar stajyor sifatida qabul qilinmaydi.

Dastur maqbullik shartlari haqida batafsil ushbu havola orqali tanishish mumkin.

Imtiyozlar va qulayliklar

Dasturga qabul qilingan nomzodlar quyidagi imkoniyatlarga ega boʻladi:

Har bir stajyor uchun kuniga 60 000 Koreya voni
(Oyiga 1,8 million Koreya voni) miqdorida pul mablagʻi ajratiladi;
Nomzod tibbiyot kiyimi va shaxsiy guvohnoma bilan taʼminlanadi;
Trening dasturi tamomlangandan keyin rasmiy sertifikat taqdim etiladi;
Viza uchun yordam beriladi.

Eslatma: Ishtirokchilarning turar-joy, oziq-ovqat, sugʻurta va transport xarajatlari dastur tomonidan qoplab berilmaydi. Nomzodlar dasturda zaruriy holatlar uchun oʻz shaxsiy noutbuklarini olib kelishlari lozim.

Dastur manfaatli jihatlari haqida batafsil ushbu havola orqali tanishish mumkin.

Topshirish jarayoni

Dasturga ariza topshirish uchun nomzodlardan quyidagi hujjatlar talab etiladi:

Ariza, tavsiyanoma, oʻquv rejasi hamda majburiyatlar roʻyxatidan iborat ariza namunasi. Ariza namunasini ushbu havola orqali yuklab olish mumkin;
Tibbiy litsenziya (ingliz tilida);
Ish joyidan sertifikat (ingliz tilida)
Diplom yoki daraja sertifikati (ingliz tilida)
Tibbiy maʼlumotlardan foydalanish huquqi. Mazkur maʼlumotnomani ushbu havola orqali yuklab olish mumkin;
Fotosurat (JPG format, oq fon bilan 3,5 x 4,5 sm oʻlchamda).

Ushbu hujjatlarni 02716@snuh.org email manziliga yuborish lozim.

Dasturga ariza topshirgandan soʻng, hujjatlar maxsus boʻlim tomonidan koʻrib chiqiladi. Tasdiqlangan nomzodlarga xabarnoma joʻnatiladi. Ushbu jarayondan soʻng ishtirokchidan sayohat sugʻurtasining 1 nusxasi ham talab etiladi.

Ushbu dasturda taʼlim olishni istagan tibbiyot xodimlari elektron pochta orqali kerakli hujjatlarni dasturning rejalashtirilgan birinchi kunidan kamida 2 oy oldin yuborishlari kerak.