Tibbiyot yoʻnalishi boʻyicha magistratura bosqichini Buyuk Britaniyaning nufuzli oliygohida davom ettirishni xohlovchilar uchun LSHTM Fund Scholarship dasturi. Yiliga GBP 17,633 stipendiya beriladi

Tibbiyot yoʻnalishi boʻyicha magistratura bosqichini Buyuk Britaniyaning nufuzli LSHTM — London gigiyena va tropik tibbiyot maktabida davom ettirishni istaganlar uchun ushbu oliygoh tomonidan maxsus LSHTM Fund Scholarship tashkil etilgan. Dasturda ishtirok etmoqchi boʻlgan talabalar ushbu muassasaning quyidagi 19 ta magistrlik kurslaridan biriga qabul qilingan boʻlishi lozim.

1. MSc Control of Infectious Diseases
2. MSc Demography & Health
3. MSc Epidemiology
4. MSc Global Mental Health
5. MSc Health Data Science
6. MSc Immunology of Infectious Diseases
7. MSc Medical Entomology for Disease Control
8. MSc Medical Microbiology
9. MSc Medical Parasitology
10. MSc Medical Statistics
11. MSc Nutrition for Global Health
12. MSc One Health: Ecosystems, Humans and Animals
13. MSc Public Health
14. MSc Public Health for Development
15. MSc Public Health for Eye Care
16. MSc Reproductive & Sexual Health Research
17. MSc Sexual & Reproductive Health Policy and Programming (online)
18. MSc Tropical Medicine & International Health
19. MSc Veterinary Epidemiology

Dasturga qabul qilingan talabalar 1 yil davomida London gigiyena va tropik tibbiyot maktabida bepul oʻqiydi va yashash xarajatlari uchun yillik stipendiyaga ega boʻladi.

Dasturda ishtirok etish uchun nomzodlar quyidagi talablarga javob berishi lozim:

• Nomzod past yoki oʻrta daromadga ega davlatlardan birining fuqarosi boʻlishi lozim (Oʻzbekiston ushbu roʻyxatda mavjud);
• Ingliz tilini mukammal darajada bilishi kerak. Tanlangan dasturga qarab kamida B2 daraja talab etiladi. Til bilish talablari haqida batafsil ushbu havola orqali maʼlumot olish mumkin;
• LSHTM ning berilgan 19 ta magistratura dasturlaridan biriga 2022-23-oʻquv yili uchun qabul qilingan boʻlishi kerak;
• Yuqori akademik koʻrsatkich (upper second-class honours) bilan birga bakalavr darajasiga ega boʻlishi lozim;
• Dasturni tamomlagandan soʻng daromadi past yoki oʻrta boʻlgan davlatdan biriga qaytib ishlashni reja qilgan boʻlishi zarur;
• Taklif etilayotgan oʻquv dasturi uchun grant ajratilmasa, kontrakt toʻlovini oʻzi toʻlashini yozma ravishda tasdiqlashi kerak.

Dastur talablari haqida batafsil ushbu havola orqali maʼlumot olish mumkin.

Dasturga qabul qilinganlar quyidagi imtiyozlarga ega boʻladi:

• Oʻqish kontrakt toʻlovi toʻliq qoplanadi;
• Yillik £17633 stipendiya beriladi;
• Dastur davomida oʻqish bilan bogʻliq majburiy sayohatlar toʻlovi qoplab beriladi.

Dastur manfaatli jihatlari haqida batafsil ushbu havola orqali maʼlumot olish mumkin.

Ariza berish jarayoni ikki bosqichdan iborat:

• 1-bosqich. Bunda tegishli magistrlik kursini (masofaviy boʻlmagan) tanlab, oʻsha sahifadagi “How to apply” tugmasidagi koʻrsatmalarga amal qilgan holda 2022-2023-oʻquv yili uchun ariza topshirish kerak;
• 2-bosqich. Dastur uchun onlayn ariza toʻldiriladi. Qoʻshimcha savollar shakli ham toʻldiriladi va ariza topshirish jarayoni yakunlanadi;

Dasturda ishtirok etish uchun ariza beruvchilar barcha muvofiqlik mezonlariga javob berishlari va 2022-yil 28-fevral dushanba kuni 03:59 ga qadar ushbu jarayonni yakunlashlari lozim.

Magistrlik kursiga ariza topshirish toʻlovi 50 GBP (~$67) ni tashkil qiladi. Toʻlov toʻlanmaguncha ishtirokchilar arizasi qabul qilinmaydi va shu bois ham ariza topshirishni ertaroq boshlash tavsiya etiladi.

Nomzodlar faqat bir marta ariza topshirish imkoniyatiga ega.

Dasturga qabul qilinganlar roʻyxati 2022-yil 27-may sanasida eʼlon qilinadi.

Qoʻshimcha savol va murojaatlar uchun: scholarships@lshtm.ac.uk