Tibbiyot yo'nalishida magistratura bosqichini oylik RMB 3000($475) stipendiya bilan Xitoyda o‘qish imkoniyati — Chinese Government Scholarship dasturi

Xitoy Ta’lim Vazirligi tomonidan tibbiyot yo'nalishida magistratura bosqichida o‘qish uchun The Chinese Government Scholarships dasturi e’lon qilinadi. 

Dasturga qabul qilinganlar Xitoy davlatining eng nufuzli universitetlaridan biri bo‘lgan Dalian Medical Universitetida magistraturaning tibbiyot yo‘nalishlarida tahsil oladilar. 

Talabalar: 

• Xitoy va G‘arbning integratsiyalashgan tibbiyoti; 
• klinik tibbiyot; 
• asosiy tibbiyot yo‘nalishlaridan birida o‘qiydilar. 

Dastur g‘oliblari o‘qish to‘lovidan ozod qilinadi hamda hamda oylik stipendiya bilan ta’minlanadilar. Dastur davomiyligi - 3yil; HSK 4 sertifikati bo‘lmagan talabalarga tayyorgarlik kursi- 1 yil.

Dastur bilan ushbu havola orqali batafsil tanishib chiqish mumkin.

Dastur nomzodlari quyidagi talablarga javob berishlari kerak :

• 35 yoshdan kichik bo‘lishi (2022-yil 1-sentyabr holatiga ko‘ra);
• Bakalavr yoki undan yuqori darajaga ega bo‘lishi;
• Nomzodlarning salomatligi yaxshi bo‘lishi va Xitoy fuqarosi bo‘lmasligi;
• Professional yo‘nalishda magistratura dasturiga topshiruvchi nomzodlar HSK 4 xitoy til sertifikatiga va MBBS (Bachelor of Medicine, Bachelor of Surgery) yoki BDS (Bachelor of Dental Surgery) darajasiga ega bo‘lishi;
• Akadem yo'nalishda davom ettiruvchilar esa Ingliz tilini bilishni tasdiqlovchi til sertifikati — TOFEL (80 dan yuqori) yoki IELTS (5,5 dan yuqori) bo‘lishi kerak. Yuqoridagi  ingliz til sertifikatiga ega bo‘lmagan nomzodlar dastlabki  o‘qigan oliy ta’lim muassasasida o‘qitish tili  ingliz  tili bo‘lganligini tasdiqlovchi hujjat taqdim etishlari mumkin. Ammo Dalian tibbiyot universiteti tomonidan tashkil etilgan og‘zaki yoki yozma ingliz tili testida qatnashishlari  talab etiladi.
• Nomzodlar bir vaqtning o‘zida boshqa stipendiyalarni yutgan bo‘lishlari mumkin emas.
  Eslatma: Xitoy tilini bilish darajasi ko‘rsatilgan talablarga javob bermagan va xitoy tilidagi asosiy o‘qishdan oldin xitoy tili tayyorlov  kurslarini olishni xohlagan  nomzodlar  ariza topshirishda HSK sertifikatini ham taqdim etishlari kerak. Faqat birinchi yil ichida kerakli HSK imtihonidan o‘tish va tegishli ta’lim dasturlariga kirish talablariga javob berish orqali ular asosiy o‘qishni boshlashlariga ruxsat beriladi.

Dasturning maqbullik shartlari bilan ushbu havola orqali batafsil tanishib chiqish mumkin.

Dasturga qabul qilinganlar quyidagi imtiyozlarga ega bo‘lishadi:

• O‘qish to‘lovidan ozod qilinadi;
• Yashash xarajatlari uchun oyiga RMB 700;
• Ovqatlanish xarajatlari uchun RMB 3000;
• Tibbiy sug‘urta xarajatlari qoplanadi. 
  Eslatma: Borib-kelish, viza, turar-joy xarajatlari; kommunal to‘lov va kurs materiallari xarajatlari dasturga qabul qilingan talabalarning o‘zlari tomonidan to‘lanishi kerak bo‘ladi.

Dastur imtiyozlari bilan ushbu havola orqali batafsil tanishib chiqish mumkin.

Nomzodlar dastlab onlayn ariza shaklini to‘ldirib, chiqarib va imzolashlari kerak bo‘ladi, keyin esa ushbu havola orqali boshqa ariza shaklini to‘ldirib va kerakli hujjatlarni yuklashlari so‘raladi.

Ariza to‘ldirishda quyidagilar so‘raladi:

Majburiy hujjatlar:

• Dastlabki ariza shakli;
• Dalyan tibbiyot universitetining ariza shakli;
• CV;
• Pasport nusxasi (ma’lumotlar va vizalar sahifasi);
• Notarial tasdiqlangan bakalavr diplomi (fotonusxa) va nomzodlar ayni paytda o‘qib turgan oliygohlari tomonidan talabaliklarini tasdiqlovchi hujjat. Xitoy yoki ingliz tilidan boshqa tillardagi hujjatlar notarial tasdiqlangan xitoy yoki ingliz tilidagi tarjimalari bilan ilova qilinishi kerak;
• Xitoy yoki ingliz tillarida diplom ilovasi;
• Xitoy yoki ingliz tillarida kamida 1500 soʻzdan iborat boʻlgan tadqiqot rejasi (nomzodning maxsus tadqiqot sohasi va mazmunini o‘z ichiga olishi kerak);
• Xitoy yoki ingliz tillarida professor yoki dotsentlar tomonidan ikkita tavsiyanoma;
• Ingliz tilida to‘ldirilgan tibbiy  ko‘rikdan o‘tganlik bo‘yicha ma’lumotnoma (ma’lumotnoma Xitoy karantin idorasi tomonidan ishlab chiqilgan ushbu shaklda bo‘lishi kerak. To‘liq bo‘lmagan yozuvlar yoki davolovchi shifokorning imzosi, shifoxonaning rasmiy muhri yoki ariza beruvchilarning muhrlangan fotosurati bo‘lmagan ma’lumotnomalar haqiqiy hisoblanmaydi. Nomzodlardan ko‘rikdan o‘tish uchun mos vaqtni tanlashlari so‘raladi, ma’lumotnoma amal qilish muddati 6 oy;
• Til bilish HSK, IELTS yoki TOFEL sertifikatlari.
  Ixtiyoriy hujjatlar:
• Dalian Medical Universiteti professori tomonidan qabul qilinganlik xati;
• Nomzodning nashrdan chiqqan maqolalari;
• Nomzod qo'lga kiritgan boshqa sertifikatlar.

Qo‘shimcha ma’lumotlar:

• Arizalar nomzodning ilmiy darajasi, tilni bilishi, umumiy yutuqlari, tadqiqot yutuqlariga ko‘ra har tomonlama ko‘rib chiqiladi;
• Yakuniy natijalar avgust oyi boshida https://iec.dmu.edu.cnin manzilida e’lon qilinadi.  Dastur g‘oliblari elektron pochta orqali xabardor qilinadi;
• Tel: 0086-411-86110202;
• Fax: 0086-411-86110197;
• Email: dmunewstudent@163.com.