Tibbiyot yoʻnalishida magistratura bosqichini Yevropaning eng nufuzli universitetlarida davom ettirishni xohlaganlar uchun to'liq moliyalashtiriluvchi Europubhealth Erasmus Mundus Joint Master Degree dasturi

Magistratura bosqichini tibbiyot, sogʻliqni saqlash yoʻnalishida Yevropaning nufuzli universitetlarida davom ettirishni xohlovchilar uchun Erasmus Mundus Join Masters loyihasi Europubhealth+ Erasmus Mundus excellence scholarship dasturini taklif etadi. Dasturga qabul qilingan talabalar 2 yil davomida kamida 2 xil davlat universitetlarida taʼlim olish imkoniyatiga ega boʻladi. Til koʻnikmasiga qarab talabalar birinchi oʻquv yilini sogʻliqni saqlash yoʻnalishi boʻyicha ingliz tilida Sheffild universitetida (Buyuk Britaniya) yoki Dublin kollejida (Irlandiya), ispan tilida Granada universitetida (Ispaniya) va fransuz tilida Liege universitetida (Belgiya) davom ettirishlari mumkin.

Ikkinchi oʻquv yilida esa ixtisoslik fanlari va til koʻnikmasiga koʻra boshqa mamlakatda, yaʼni Gollandiyadagi Maastrixt universitetida (ingliz tilida), Polshadagi Yagellon universitetida (ingliz tilida), Parijdagi Sogʻliqni saqlash boʻyicha EHESP maktabida (ingliz tilida), Renndagi EHESP (fransuz tilida) yoki Ispaniyaning Granada universitetida (ispan tilida) oʻqishlari mumkin.

Har bir oʻquv yili oxirida barcha Europubhealth+ talabalari uch hafta davomida Fransiyaning Renn shahridagi EHESP (ingliz tilida)da qoʻshma Integratsiya modulida qatnashadilar. 2 yil davomida o‘qish uchun 18.000 yevro miqdorida pul ajratiladi.

Grant haqidagi maʼlumotlar bilan GrantGO tomonidan tayyorlangan quyidagi video/ovozli chat orqali ham tanishish mumkin:

Dasturda ishtirok etish uchun nomzodlar quyidagi talablarga javob berishi lozim:

• Dasturda istalgan sohada bakalavr darajasiga ega boʻlgan yoki shu yil tamomlaydigan nomzodlar ishtirok etishi mumkin;
• Oʻzi tanlagan yoʻnalishidagi taʼlim tilini mukammal bilish talab etiladi. Taʼlim tili faqat ingliz tilida, ingliz+ispan, ingliz+fransuz yoki ispan+ingliz+fransuz tillarida olib borilishi mumkin. Til bilish darajasi kamida B2 darajada boʻlishi kerak. Batafsil ushbu havola orqali bilib olish mumkin;
• Nomzod yuqori akademik koʻrsatkichga ega boʻlishi kerak.

Dastur talablari haqida batafsil ushbu havola orqali maʼlumot olish mumkin.

Dasturga qabul qilingan ishtirokchilar quyidagi imtiyozlarga ega bo‘ladi:

2 yil davomida o‘qish uchun 18.000 yevro miqdorida pul ajratiladi va ushbu mablag‘ quyidagilar uchun mo‘ljallangan: 

-Kontrakt to‘lovi va o‘qish uchun zarur bo‘lgan resurslar;

-Kutubxona, o‘quv-resurs markazlari va xizmatlar;

-Imtihonlar, diplom va sertifikat;

-O‘qish davomidagi turli ijtimoiy tadbirlar;

-O‘qish davomida sog‘liq sug‘urtasi. 

Eslatma! Dastur ishtirokchilarning turar-joy, oziq-ovqat, yo‘l va viza xarajatlarini qoplamaydi. 

Dastur manfaatli tomonlari haqida batafsil ushbu havola orqali ma’lumot olish mumkin.

Dasturda ishtirok etish uchun talabalar quyidagi amallarni bajarishlari lozim:

• Avval ushbu havola orqali roʻyxatdan oʻtishlari va shaxsiy profillarini yaratishlari kerak;
• Kerakli maʼlumotlarni toʻldirishi, hujjatlarni taqdim etishlari va ariza topshirish jarayonini yakunlashlari kerak. Kerakli hujjatlar:
  • CV. (Europass formatda boʻlishi kerak);
  • 600 soʻzdan iborat motivatsion xat;
  • Shaxsni tasdiqlovchi hujjat nusxasi;
  • Universitet diplomi va baholari;
  • Til bilishni tasdiqlovchi hujjat (talablar haqida batafsil ushbu havola orqali maʼlumot olish mumkin;
  • Yashash joyidan maʼlumotnoma.

Ariza topshirish bilan bogʻliq qoʻshimcha savollar uchun: europubhealth@uj.edu.pl

Ariza topshirish yoʻriqnomasi haqida batafsil ushbu havola orqali maʼlumot olish mumkin.

Tanlov natijalari ariza topshirish muddatidan 8 hafta oʻtgach eʼlon qilinadi. Tanlangan talabalar elektron pochta orqali individual ravishda xabardor qilinadi.

Eng koʻp berilgan savollar va ularning javoblari bilan ushbu havola orqali tanishish mumkin.

Dastur haqida batafsil rasmiy havola orqali maʼlumot olish mumkin.