Tinchlik va taraqqiyot sohasida ish tajribasiga ega boʻlganlar uchun toʻliq moliyalashtiriladigan Rotary Peace Fellowship dasturi

Har yili tinchlik va taraqqiyot sohasida ish tajribasiga ega bo'lgan rahbarlar uchun 130 tagacha to'liq moliyalashtiriladigan Rotary Peace Fellowship granti taqdim etiladi. 

Grant 2026-2027-o'quv yili uchun mo'ljallangan bo'lib o'qish va to'lovlarni, turarjoy va ovqatlanish, borib-qaytish uchun transport, amaliyot va tadqiqot xarajatlarini qoplaydi.

Grant quyidagi yo'nalishlardan iborat:

• Magistratura dasturi;
• Kasbiy rivojlanish sertifikati dasturi.

Ma'lumot uchun: Rotary Peace Fellowship dasturi akademik ta'lim, amaliyot va global tarmoq imkoniyatlari orqali tinchlik va taraqqiyot bo'yicha mutaxassislarning qobiliyatini rivojlantiradi. Dastur 2002-yildan buyon 140 dan ortiq mamlakatlarda ishlayotgan 1700 dan ortiq bitiruvchilarni tayyorladi. Bitiruvchilarning ko'pchiligi hozirda tinchlikni saqlash bo'yicha turli muassasalarda rahbar bo'lib xizmat qiladi: NNTlar, ta'lim va ilmiy-tadqiqot muassasalari, tinchlikni saqlash va huquqni muhofaza qilish organlari hamda Birlashgan Millatlar Tashkiloti va Jahon banki kabi xalqaro tashkilotlar.

Dastur haiqda batafsil ushbu havola orqali ma'lumot olish mumkin.

• Dastur tinchlik va taraqqiyot sohasida ish tajribasiga ega boʻlgan rahbarlar uchun moʻljallangan;
• Ingliz tilini dasturda qatnashish darajasida bilish lozim;
• Nomzodning soʻnggi ilmiy darajasini (bakalavriat yoki magistratura darajasini) tugatish va dasturning boshlanish sanasi oʻrtasida kamida uch yil boʻlishi kerak.

Magistratura dasturi uchun qoʻyilgan talablar:

• Bakalavr darajasiga ega boʻlish va ingliz tilini yaxshi bilish lozim;
• Akademik yutuqlarga erishgan va yetakchilik qobiliyatiga ega boʻlish kerak;
• Tinchlik yoki rivojlanish ishlarida kamida uch yillik toʻliq ish tajribasi.

Kasbiy rivojlanish sertifikati dasturi uchun qoʻyilgan talablar:

• Bakalavr darajasiga ega boʻlish va ingliz tilini yaxshi bilish lozim;
• Akademik yutuqlarga erishgan va yetakchilik qobiliyatiga ega boʻlish kerak;
• Tinchlik yoki rivojlanish ishlarida kamida besh yillik toʻliq ish tajribasi;
• Tinchlikni targʻib qilish rejasining dasturning missiyasiga qanday mos kelishini tushuntira olish;
• Makerere universitetiga topshirmoqchi boʻlgan nomzodlar Afrikadan boʻlishi, Afrikada ishlagan boʻlishi, Afrika jamoalari yoki qitʼadan tashqaridagi tashabbuslarda qatnashgan boʻlishi yoki mintaqada tinchlik oʻrnatish yondashuvlarini oʻrganishga jiddiy qiziqish koʻrsatishi kerak.
• Bahçeşehir universitetiga topshirmoqchi boʻlgan nomzodlar Yaqin Sharq yoki Shimoliy Afrikadan boʻlishi, mintaqada ishlagan boʻlishi yoki dunyoning boshqa joylarida Yaqin Sharq, Shimoliy Afrika bilan bogʻliq jamoalar/tashabbuslar bilan ishlashi yoki mintaqada tinchlik oʻrnatish yondashuvlarini oʻrganishga jiddiy qiziqish koʻrsatishi kerak.

Arizalar quyidagi mezonlar asosida koʻrib chiqiladi:

• Muvofiqlik talablariga asoslangan malaka;
• Ingliz tilini bilish darajasi;
• Tinchlik va taraqqiyot boʻyicha malakaga egalik;
• Yetakchilik salohiyati;
• Grantning maqsadlari va talablariga muvofiqlik;
• Tanlangan universitet dasturiga muvofiqlik;
• Ijtimoiy oʻzgarishlar tashabbusining amalga oshirilishi va taʼsiri (faqat sertifikat uchun).

Quyidagilar dasturda qatnasha olmaydi:

• Doktoranturada oʻqimoqchi boʻlganlar;
• Hozirda bakalavriat yoki magistratura dasturida oʻqiyotganlar;
• Jamgʻarmaning faol aʼzolari;
• Tashkilot xodimlari va ushbu toifadagi har qanday shaxsning turmush oʻrtogʻi, farzand yoki nabiralari, ota-onasi yoki bobo-buvilari, qarindoshlari;
• Tashkilotning sobiq aʼzolari va ularning qarindoshlari (ular isteʼfoga chiqqanidan keyin 36 oy ichida).

Eslatma: Nogironligi boʻlgan shaxslarga imtiyozlar beriladi.

• Oʻqish toʻlovlaridan ozod qilinadi;
• Turarjoy, ovqatlanish, borib-qaytish uchun transport bilan taʼminlanadi;
• Amaliyot va tadqiqot xarajatlari qoplanadi.

Dasturda qatnashishni istaganlar ushbu havola orqali ariza topshirishlari mumkin.

Ariza topshirish quyidagi bosqichlarda amalga oshiriladi:

1. Muvofiqlik cheklovlari va tegishli tajriba qoʻllanmasi koʻrib chiqiladi.
2. Rotary tinchlik markazlarining har biridagi oʻquv rejasi va dasturlari oʻrganiladi va nomzodga mosligi tekshiriladi.
3. Nomzodga eng yaqin Rotary yoki Rotaract markazini topish uchun Club Finderʼdan foydalaniladi va ular bilan aloqaga chiqiladi. Chunki koʻpgina markazlarda ariza uchun maslahat va tavsiyanoma beriladi.
4. Grant haqida umumiy maʼlumotlarni batafsil oʻrganish kerak. Chunki unda batafsil va toʻliq ariza topshirish boʻyicha qoʻshimcha koʻrsatmalar mavjud.
5. Kerakli hujjatlar topshiriladi:
   • Rezyume;
   • Akademik va/yoki professional tavsiyanomalar;
   • Shaxsiy video bayonot va insholar;
   • Bakalavriat bosqichidagi akademik transkriptlar (faqat magistratura uchun);
   • Ingliz tili boʻyicha til bilish sertifikati: IELTS yoki TOEFL (faqat magistratura uchun);
   • Ijtimoiy taʼsir koʻrsatish boʻyicha reja (faqat sertifikat uchun).
6. Muddatdan kechiktirmasdan hujjat topshiriladi (fevraldan 15-maygacha).
7. Noyabr oyida qaysi Rotary Tinchlik markazida oʻqish uchun joy boʻlishi haqida nomzodga xabar beriladi.
8. Tinchlik markazi joylashgan universitetga kirish uchun ariza topshiriladi (faqat magistratura uchun). Grant uchun tanlangan boʻlish universitetga qabul qilinganlikni anglatmaydi.

Eslatma: Markaz yoki tumandan tavsiyanoma olish ixtiyoriy, ammo arizaning bir qismi sifatida qatʼiy tavsiya etiladi. Barcha hujjatlar ingliz tilida topshirilishi kerak.

• Dasturga hujjat topshirish uchun oxirgi muddat: 15-may 2025-yil;
• Noyabr oyida qaysi Rotary Tinchlik markazida oʻqish uchun joy boʻlishi haqida nomzodga xabar beriladi.

Quyidagi ijtimoiy tarmoqlar orqali qoʻshimcha maʼlumot olish mumkin:

• Twitter;
• Facebook;
• YouTube;
• Instagram;
• Linkedin.