Tongarewa Scholarship dasturi — bakalavr yoki magistraturani Yangi Zelandiyada oʻqish uchun 10,000 AQSH dollarigacha grant. Barcha yoʻnalishlar mavjud!

Tongarewa Scholarship dasturi — bakalavr yoki magistraturani Yangi Zelandiyada oʻqish uchun 10,000 AQSH dollarigacha grant. Barcha yoʻnalishlar mavjud!

  • 01/04/2023 Qabul boshlanishi
  • Qisman Moliyalash turi
  • Yangi Zelandiya Davlat
  • 01/06/2023 09:30 Oxirgi muddat

Umumiy maʻlumotlar

Vellington Viktoriya universiteti (The Herenga Waka — Victoria University of Wellington) xalqaro talabalarga har yili 5,000 AQSH dollaridan 10,000 AQSH dollarigacha boʻlgan miqdorda grant va stipendiyalar ajratadigan Tongarewa Scholarship dasturini taklif etadi. Ushbu grant dasturining maqsadi — xalqaro talabalarni moliyaviy qoʻllab-quvvatlash.

Tongarewa Scholarship dasturi taklif etadigan grant qisman boʻlib, u bir yillik oʻqish uchun toʻlovga yoʻnaltiriladi.

Nomzodlar bakalavriatning birinchi kursi yoki bir yillik magistraturaga toʻliq ravishda oʻqish uchun (full-time) qabul qilingan boʻlishi kerak.

Ajratiladigan grant miqdorini aniqlashda akademik yutuqlarga eʼtibor beriladi.

Grant dasturiga bir yilda uch marta arizalar qabul qilinadi. 2023-yil qabul muddatlari: 1-iyun; 1-sentabr; 30-noyabr.

Vellington Viktoriya universiteti “QS World University Rankings” reytingida dunyodagi 18 000 ta universitetning eng yaxshi 300 taligiga kiradi.

Vellington Viktoriya universiteti (The Herenga Waka — Victoria University of Wellington haqida batafsil ushbu havola orqali oʻqish mumkin.

Maqbullik shartlari

  • Ushbu grant dasturida qatnashish uchun xalqaro talaba boʻlish kerak;
  • Bakalavr yoki magistraturaning birinchi kursida oʻqiyotgan boʻlish lozim;
  • Oʻrta maʼlumotni Yangi Zelandiya maktabida oʻqimagan boʻlishlik talab etiladi;
  • Akademik maqsadlar uchun ingliz tili (EAP) yoki Foundation Studies dasturini tamomlagan boʻlmaslik kerak;
  • Victoria University of Wellingtonning xorijdagi hamkor universitetlaridan birida oʻqimaslik yoki Tvinning talabasi (Twinning student) boʻlmaslik lozim;
  • Victoria University of Wellingtonda xuddi shu dasturda ikkinchi yil oʻqiyotgan boʻlmaslik kerak.

Muvofiqlik talablari (Eligibility requirements) haqida batafsil maʼlumotni ushbu havola orqali olish mumkin.

Foydali tomonlari

  • Mazkur grant dasturi Victoria University of Wellingtonda bir yil davomida qisman grant asosida oʻqish imkonini beradi;
  • Ajratiladigan grant 5,000 AQSH dollaridan 10,000 AQSH dollarigacha boʻlgan miqdorni tashkil etadi;
  • Grantga munosib deb topilgan nomzodga agar u yotoqxona soʻrab ariza yozgan boʻlsa, Vellington Universiteti Turar joy qoʻmitasi (University Accommodation Wellington) tomonidan yotoqxonada turish uchun taklif xati yuboriladi;
  • Ushbu grant dasturi gʻolibi boʻlish boshqa shu kabi dasturlarda qatnashish va mukofot olishga toʻsqinlik qilmaydi.

Eslatma: Tongarewa Scholarship grant dasturi faqat bir yillik oʻqish kontrakt toʻlovini qoplaydi.

Grant dasturining foydali tomonlari haqida ushbu havola orqali oʻqish mumkin.

Hujjat topshirish

  • Grant dasturida qatnashish uchun onlayn ariza shaklini toʻldirish talab etiladi;
  • Ariza shaklini toʻldirish uchun, avvalo, talaba hisobi (Student account) ochilishi kerak;
  • Talaba hisobini ushbu havola orqali ochish mumkin. Hisob ochishda ikki xil hisob nomi chiqadi — Xodimlar hisobi (Staff account) va talaba hisobi (Student Account). Xalqaro talabalar talaba hisobini tanlashi kerak.

Onlayn ariza shaklining bir qismi sifatida quyidagi hujjatlar yuklanishi talab etiladi:

  • 500 tagacha soʻzdan iborat shaxsiy bayonot (Personal statement), unda nomzod nima uchun Vellington Viktoriya universitetida oʻqishni xohlayotgani, akademik maqsadlari va nima uchun grantga loyiqligini ifodalashi lozim. Shuningdek, shaxiy bayonotda maktab yoki jamoadagi darslardan tashqari mashgʻulot va rahbarlik qobiliyatlarini (leadership skills) ham koʻrsatishi kerak,
  • Toʻliq akademik transkript (Baholar) va mutaxassisligiga bogʻliq boʻlgan boshqa hujjatlar.
    Vellingtondagi Viktoriya universitetidan taklif xati (an offer of place) Taklif xati shartli yoki shartsiz boʻlishi mumkin.
  • Vellington Viktoriya universiteti talabasi ekanligini tasdiqlovchi ID.

Eslatma: odatda ushbu dasturga arizalarni qabul qilish dedlayndan bir oy oldin boshlanadi.

Grant dasturiga ariza topshirish haqida batafsil ushbu havola orqali maʼlumot olish mumkin.

Qoʻshimcha maʻlumotlar

Tongarewa Scholarship dasturi g'olibi agar grant beriladigan muddat davomida Vellington Viktoriya Universitetida o'qishdan voz kechsa yoki qoniqarsiz natijalar olsa, berilgan grantni bir qismini kompensatsiya sifatida qaytarishiga to'g'ri keladi. 

Grant dasturi bilan bog'liq qo'shimcha savol va takliflarni quyidagi elektron manzillarga yuborish mumkin:

Yangi Zelandiya
Tongarewa Scholarship dasturi — bakalavr yoki magistraturani Yangi Zelandiyada oʻqish uchun 10,000 AQSH dollarigacha grant. Barcha yoʻnalishlar mavjud!

Parolni unutdingizmi?

Parolni tiklash uchun saytdan roʻyxatdan oʻtgan emailingizni kiriting
Tizimga kirish

Sizni koʻrib turganimizdan xursandmiz!

Oʻz akkauntingizga kiring va tizim imkoniyatlaridan toʻliq foydalaning

Tanlangan imkoniyatlar