Toshkendagi Gyote institutidan 12–22 yosh boʻlgan havaskor fotograflar uchun “Ilm fanni koʻrsat!” tanlovi
-
19/04/2022 Qabul boshlanishi
-
Mukofot Moliyalash turi
-
Oʻzbekiston Davlat
-
15/05/2022 23:59 Oxirgi muddat
Umumiy maʻlumotlar
Suratga olishni yoqtiradigan va atrofdagi dunyoni kamera obyektivi orqali yangi nuqtai nazardan koʻrsata oladigan 12 yoshdan 22 yoshgacha boʻlgan yosh havaskor fotograflar uchun tanlov. Tanlov “Koinot. Inson. Aql-idrok” koʻrgazmasi doirasida “Ilm fanni koʻrsat!” mavzusiga bagʻishlanadi.
Ishtirokchilar suratlarda quyidagi mavzularni yoritib berishlari kerak:
- Ilm-fanning qaysi yoʻnalishida insoniyat muvaffaqiyatlarga erishganini;
- Insonlarning kundalik hayot tarzida ilm-fan yutuqlarining oʻrni, yoki qaysi sohada ilm-fan yutuqlaridan foydalanish ijobiy natijalar keltirishi mumkinligini;
- Atrofdagi, kundalik hayotdagi ilm-fan qahramonlarini, ularning yutuqlarini, kashfiyotlarini koʻrsatish;
- Ilm–fan taraqqiyotining har bir sohada, har bir inson hayotida taʼsirini ifodalash.
Suratni 19-apreldan - 15-maygacha soat 23:59 gacha topshirish mumkin.
Maqbullik shartlari
- Tanlovda 12 yoshdan 22 yoshgacha boʻlgan barcha havaskor fotograflar ishtirok etishi mumkin;
- Fotosurat bilan bog'liq barcha huquqlar fotografga tegishli boʻlishi va boshqa shaxsiy huquqlar, uy-joy huquqlari yoki sanoat mulki huquqlarini buzmasligi kerak;
- Fotosurat katta formatda chop etilishi uchun imkon qadar yuqori aniqlikda va sifatli boʻlishi kerak;
- Fotosurat hajmi 5 MB dan oshmasligi kerak.
Foydali tomonlari
- Eng yaxshi uchlik “Koinot. Inson. Aql idrok. (UMI)“ koʻrgazmasida 2022-yil 19-maydan — 2022 yil 19-iyungacha namoyish etiladi va tashrif buyuruvchilar tomonidan baholanadi;
- Birinchi, ikkinchi va uchinchi oʻrin gʻoliblariga Toshkentdagi Gyote Institutining sovgʻalari taqdim etiladi.
Qoʻshimcha maʻlumotlar
- Tanlovda qatnashish mutlaqo bepul;
- Qoʻshimcha savollar yuzasidan Marlene.Singer@goethe.de murojaat qilish mumkin;
- Telefon: +99878 1401470
- Manzil: Toshkent politexnika muzeyi, Amir Temur koʻchasi 13, Toshkent
Oʻxshash dasturlar
Oʻzbekiston
Toshkendagi Gyote institutidan 12–22 yosh boʻlgan havaskor fotograflar uchun “Ilm fanni koʻrsat!” tanlovi