Toshkent viloyatida xarajatlari qoplanadigan Wiki-sfera oromgohi

16 yosh va undan yuqoridagilar uchun Toshkent viloyatida xarajatlari qoplanadigan Wiki-sfera oromgohi taqdim etiladi. Oromgohni tashkil etish va uni oʻtkazish Yoshlar ishlari agentligi zimmasiga yuklanadi.

Bu safar oromgoh mashhur Garri Potter filmlari ruhida tashkil etiladi. Sehr, sir va sarguzashtga boy ushbu safar uchun qabul 2026-yil 20-maydan 20-iyunga qadar davom etadi.

Oromgohning maqsad va vazifalari:

• Vikipediya onlayn ensiklopediyasining Oʻzbek tilidagi boʻlimida mavjud maqolalar soni va sifatini oshirish;

• Ishtirokchilarga Vikipediya onlayn ensiklopediyasining mazmuni, ishlash tamoyillari va imkoniyatlari haqida tushuncha berish;

• Ishtirokchilarda tahrirlash madaniyatini shakllantirish;

• Yoshlarning axborot izlash va tahlil qilish koʻnikmalarini rivojlantirish;

• Ishtirokchilarga Vikipediya onlayn ensiklopediyasining Oʻzbek tilidagi boʻlimiga maqola joylashni oʻrgatish.

Oromgoh Toshkent viloyati Boʻstonliq tumanida joylashgan Yoshlar oromgohida 6 kun davomida tashkil etiladi.

Dastur haqida batafsil ushbu havola orqali maʼlumot olish mumkin.

• 16 va undan yuqori yoshdagilar qatnashishi mumkin;

• Talabgorlarda quyidagi sertifikatlardan biri boʻlishi shart. Sertifikatlarga qoʻyilgan talablar:

  • xorijiy tillarni bilish darajasini belgilovchi milliy sertifikat (ingliz tilidan B2);

  • xalqaro sertifikat (IELTS 6);

  • oʻzbek tili va adabiyoti fani boʻyicha B+ darajadagi milliy sertifikat.

• Ishtirokchilar oromgohga oʻzlari bilan noutbuk olib kelishi kerak;

• Oromgohga yoʻllanma olgan ishtirokchilar tashkilotchilar tomonidan ishlab chiqilgan Odob-axloq kodeksiga rioya qilishlari lozim.

Muhim: “Wiki-sfera” oromgohining 1-mavsumiga qabul qilingan ishtirokchilar 2-mavsumda qatnasha olmaydi. 1-mavsumdagi faolligi uchun 2-mavsumga yoʻllanma olgan 10 nafar ishtirokchi va Vikipediyaning faol foydalanuvchilari bundan mustasno.

• Dasturda bepul qatnashish mumkin;

• Ishtirokchilarning barcha xarajatlari tashkilot tomonidan qoplab beriladi (Viloyatdan keladigan ishtirokchilarning Toshkent shahriga kelish va qaytish xarajatlari bundan mustasno);

• Targʻibot tanlovi natijalari boʻyicha 1-3-oʻrinlarni egallagan ishtirokchilar “Wiki-sfera” oromgohining 2-mavsumi uchun yoʻllanmaga ega boʻladi;

• Ishtirokchilar oromgoh yakunida maxsus sertifikatlar bilan taqdirlanadi.

Dasturga qiziqqan barchadan arizalar @WikiTanlov_bot orqali qabul qilinadi.

Talabgorlar oʻzlarining shaxsiy qiziqishlari, faoliyati hamda oromgohda ishtirok etish boʻyicha maqsadlarini yoritib beruvchi 200-300 ta soʻzdan iborat motivatsion xat yozishlari shart.

Telegram bot orqali belgilangan tartibda roʻyxatdan oʻtgan ishtirokchilar bot taqdim qiladigan maxsus havolani doʻstlariga ulashish orqali targʻibot tanlovida qatnashishi mumkin. Ishtirokchilarga har bir taklif qilgan doʻsti uchun 1 referal ball beriladi.

Saralash ikki bosqichda amalga oshiriladi:

• Birinchi bosqichda arizalar koʻrib chiqiladi;

• Ikkinchi bosqichda suhbat oʻtkaziladi.

Eslatma: Sertifikatlarning barchasi bitta faylda yuklanishi lozim. Ariza yuborish uchun bir marotaba imkon beriladi.

• Dasturga hujjat topshirish uchun oxirgi muddat: 20-iyun 2026-yil;

• Email: wikimarafon@gmail.com.

Quyidagi ijtimoiy tarmoqlar orqali qoʻshimcha maʼlumot olish mumkin:

• Telegram;

• Facebook;

• Instagram;

• YouTube.