Toshkent Xalqaro Vestminster universitetida tibbiyot fanlari bo'yicha magistratura dasturida granti asosida oʻqish uchun tanlov; 50ta grant oʻrni mavjud!

Oʻzbekiston Respublikasi Sogʻliqni Saqlash vazirligi Toshkent Xalqaro Vestminster universitetida(TXVU) davlat granti asosida sogʻliqni saqlash tizimini boshqaruvchi kadrlar (menejer va administratorlar)ni tayyorlash uchun “Jamoat salomatligi fanlari magistri” yoʻnalishi boʻyicha taʼlim olish uchun tanlov eʼlon qiladi. Grantlar soni 50ta.

Taʼlim olish va grant uchun tanlovda ishtirok etish uchun arizalar Toshkent Xalqaro Vestminster universitetining Qabul Boʻlimi orqali 1-oktyabrdan 10-noyabrgacha ushbu havola orqali qabul qilinadi.

Nomzodlar magistraturada oʻqish uchun tanlovdan muvaffaqiyatli oʻtgandan soʻng, eng yuqori natija koʻrsatgan 50 nafar nomzod hujjatlari Sogʻliqni Saqlash vazirligi ishtirokidagi komissiyaga yuboriladi.

Magistratura dasturi haqida qisqacha maʼlumot:

• 9 ta modul, 180 kredit (Buyuk Britaniya);
• Vestminster Universiteti diplomi, London, Buyuk Britaniya;
• Darslar ingliz tilida oʻtkaziladi;
• Mashgʻulotlar 2023-yil, 5-yanvardan boshlanadi.
• 2 yil (4 semestr) davomida bir vaqtning oʻzida ham oʻqib, ham ishlash imkoniyati.
• Darslar haftada 2 marta 18:30da boʻlib oʻtadi

Davlat granti haqida batafsil rasmiy eʼlon orqali tanishib chiqish mumkin.

Magistratura dasturi boʻyicha TXVU rasmiy sayti orqali maʼlumot olish mumkin.

Magistraturaga kirish uchun nomzodlarga qoʻyiladigan talablar:

• Bakalavr darajasiga ega boʻlishi lozim (2:2 yoki ekvivalent diplom);
• Oʻquv yili boshlanishiga qadar 12 oy toʻliq ish stajiga ega boʻlishlari va ish joyi va stajni tasdiqlovchi hujjat nusxasini taqdim etishlari kerak. Tibbiyot yoki tabiiy fanlar yoʻnalishi bitiruvchilari 12 oy stajga ega boʻlmasdan hujjat topshirishlari mumkin.
• Ingliz tili boʻyicha talablar: IELTS 6.5 (writing 6.0) natijasi yoki Vestminster Universiteti eʼtiborga oladigan boshqa xalqaro ingliz tili darajasi sertifikati. Agar nomzod bakalavr darajasini toʻliq ingliz tilida tugallagan boʻlsa, sertifikat talab etilmaydi.
• Kurs boshlanguniga qadar ariza topshiruvchilarning yoshi 22 va undan yuqori boʻlishi shart.
• Intervyu: minimal kirish talablarini bajargan nomzodlar rasmiy intervyuga taklif qilinadi. Suhbat oʻtkazishdan maqsad nomzodning kursni oʻtash va tugatish uchun muvofiqligini aniqlashdir. Komissiya har qanday ekvivalent yoki nostandart qabul shartlarini ham koʻrib chiqadi.

Magistratura dasturi talablari bilan batafsil TXVU rasmiy sayti orqali tanishib chiqish mumkin.

• Grant tanlovidan muvaffaqiyatli oʻtgan 50 nafar talabalar toʻlov kontraktini toʻlashdan ozod etiladi.

Magistratura dasturi uchun yillik toʻlov kontrakti — 49,490,100 soʻm.

Magistratura dasturi haqida batafsil TXVU rasmiy sayti orqali maʼlumot olish mumkin.

Magistratura dasturiga onlayn tarzda ariza toʻldiriladi.

Ayrim kerakli hujjatlar:

• Bakalavr diplomi;
• Bir yillik ish stajini tasdiqlovchi hujjat;
• Ingliz tilini bilish darajasini koʻrsatuvchi hujjat;

Arizasi muvaffaqiyatli qabul qilingan nomzodlar rasmiy intervyuga taklif qilinadi.

Hujjat topshirish jarayoni haqida batafsil TXVU rasmiy sayti orqali maʼlumot olish mumkin.

Magistratura dasturi boʻyicha qoʻshimcha maʼlumot olish uchun: admission@wiut.uz.

Telefon: (+998 71) 238 74 00, (+998 71) 238 74 44

Rasmiy sayt: https://www.wiut.uz/