Toshkentdagi Amerika elchixonasi tomonidan Buxoro yoshlari uchun “Alumni English” loyihasining IV mavsumi. Bepul ingliz tili va TOEFL kurslarida o'qish imkoniyati

Ushbu dastur ingliz tilidagi suhbat jarayonlarida amaliy muloqot ko’nikmalarini, to’g’ri talaffuz qilishni, tinglab tushunishni rivojlantirishga yordam beradi. Dastur orqali siz nafaqat ingliz tili darajangizni oshirishingiz, balki Amerikadagi hayot va madaniyat haqida ko’proq bilish imkoniyatiga ega bo’lasiz.

Dastur davomida “Alumni Exchange” almashinuv dasturi bitiruvchilari ikki turdagi ingliz tili kurslarini o’tkazadilar. Birinchi dastur “Language in Use” haftada 3 marta bir yarim soatdan bo’lib o’tadi, xuddi shunday ikkinchi dastur “TOEFLiBT Preparation Course” ham haftada uch marta bir yarim soatdan bo’lib o’tadi. 

• Dasturda oldin qatnashmagan bo’lishi;
• “Language in Use” (Amaldagi til) dasturi uchun ingliz tilini bilish darajasi o’rta (intermediate) darajadan past bo’lgan, 14 yosh va undan kattalar qatnashishlari mumkin;
• “TOEFLiBT Preparation Course” (“TOEFLiBT tayyorgarlik kursi") dasturi - ingliz tilini bilish darajasi o’rta darajadan yuqori (Upper intermediate) bo’lganlar uchun.

1. Dasturda qatnashish va kurslarda o’qish bepul;
2. Qatnashuvchilar AQSH universitetlari va kollejlari haqida batafsil ma’lumotlarga ega bo’lishadi.

Dasturga qo’shilishdan oldin ikkita dasturdan birini tanlaysiz (faqat bittasini, ikkalasini ham bir vaqtda tanlash mumkin emas). Tanlaganingizdan so’ng, test sinovlarida qatnashish uchun ro’yhatdan o’tasiz:

“Language in Use” dasturi uchun: https://forms.gle/tzJQAgzL4v74YiTAA

“TOEFL iBT” dasturi uchun: https://forms.gle/rsQFrK3PGaksLMnG8

Test sinovlari quyidagi kunlarda bo’lib o’tadi: 

“English in Use” dasturi uchun: 

21-aprel, Chorshanba 

A guruh: soat 15:30 -17:00

B guruh: soat 17:30 - 19:00 

“TOEFL iBT” dasturi uchun: 

22-aprel, Payshanba 

A guruh: soat 15:30 -17:00 

B guruh soat 17:30 -19: 00 

Eslatma: 

Arizalar sonidan kelib chiqib test sinovi vaqti va joyi o’zgarishi mumkin. Agar shunday bo’lsa, test topshiruvchilarga o’zgarishlar haqida e-mail orqali xabar beriladi. 

• Test natijalari e-mail orqali yuboriladi;
• Dastur 3-maydan boshlanib 30-iyulgacha davom etadi.